Mosfellingur - 23.06.2022, Blaðsíða 32

- Aðsendar greinar32
Oddsbrekkur
Hestamenn tóku sig til í vor og rufu
Oddsbrekkurnar í óleyfi og fóru
fram úr sínum heimildum með nýja
reiðleið. Eitt sinn var sagt að þær væru
náttúruvætti, sem þýðir að þær eru
náttúruundur sem nýtur sérstakrar
verndar og má ekki hrófla við.
Yfirvöld lofuðu því fyrir kosningar
að þetta yrði lagað, enda ekki á valdi
hestamannafélagsins að sjá um
landmótun. Nú hefur bæjarapparatið
lúffað fyrir yfirgangi hestamannafé-
lagsins og ætlar ekki að lagfæra þessi
náttúruspjöll. Semsagt alger uppgjöf
fyrir yfirgangi og eyðileggingu.
Þarna hefur verið reiðleið til Þing-
valla í margar aldir, meðfram ánni og
brekkunum. Afhverju geta mosfellskir
hestamenn ekki notað þær leiðir sem
forfeður þeirra hafa notað í gegn um
aldirnar? Þora þeir ekki upp brekkur
lengur?
Vonandi að bæjarfélagið standi vörð
um náttúruna og láti hestamenn koma
brekkunum í sama horf og gefist ekki
upp gagnvart þessum landníðingum.
 GuðnýHalldórsdóttir
ORÐIÐ ER LAUST...
Hér gefst lesendum kostur á að
láta skoðanir sínar í ljós í stuttu máli.
Takk fyrir mig
Mig langar að þakka kærlega fyrir mig
á 17. júní. Ég bý í Grafarvogi og heim-
sótti Mosfellsbæ á þjóðhátíðardaginn.
Dagskráin og umhverfið hjá ykkur í
Mosó er til fyrirmyndar og fengum við
að lauma okkur á milli hverfa og njóta
með Mosfellingum að þessu sinni.
Það sem kveikti í okkur var gríðarlega
metnaðarfull dagskrá fyrir krakkana
þarna við Hlégarð. Ég og mín börn
nutum okkar í botn og allt frítt.
Langaði bara til að senda þessar línur
og þakka fyrir okkur.
 AnnaÁgústdóttir
Nú er hafið nýtt kjörtímabil með
nýjum meirihluta og við bæjar-
fulltrúar XD í Mosó hlökkum til að
eiga gott samstarf í bæjarstjórn og
við hið frábæra starfsfólk Mosfells-
bæjar hér eftir sem hingað til.
Fyrir kosningarnar í maí sl. lögð-
um við fram góða og fjölbreytta
kosningastefnu um þau mál sem
við viljum leggja áherslu á til að gera Mos-
fellsbæ enn betri og mál sem bæta enn
frekar gæði þjónustunnar við bæjarbúa.
Þótt stutt sé liðið frá kosningum og lítið
búið af kjörtímabilinu höfum við lagt fram
þrjú mál úr stefnuskrá okkar í bæjarráði
sem vonandi fá jákvæða umfjöllun og af-
greiðslu hjá meirihlutanum.
Lækkun fasteignagjalda fyrir árið 2023
Undanfarin ár hefur fasteignmat hækkað
verulega í Moefellsbæ sem og á landinu
öllu með tilheyrandi auknum útgjöldum
fyrir fasteignaeigendur. Til þess að bregðast
við þessum hækkunum höfum við fyrrver-
andi meirihluti Sjalfstæðisflokks og Vinstri
Grænna í Mosfellsbæ lækkað fasteigna-
gjöld á íbúðar- og atvinnuhúsnæði. Nýlega
var gefið út nýtt fasteignamat og hefur það
aldrei hækkað eins mikið á milli ára.
Við í XD Mosó viljum halda áfram að
koma í veg fyrir þessar ósanngjörnu skatta-
hækkanir og lögðum því fram tillögu í bæj-
arráði á fundi þann 9. júni að fasteignagjöld
í Mosfellsbæ fyrir árið 2023 myndu ekki
hækka umfram vístölu.
Tillögunni var vísað til vinnu við fjár-
hagsáætlun fyrir árið 2023 og munum við
fylgja henni eftir í þeirri vinnu og leggja allt
í sölurnar um að tillagan nái fram
að ganga.
Opnun Fab Lab smiðju
í Mosfellsbæ
Bæjarfulltrúar XD Mosó lögðu
fram tillögu um að opnuð verði á
árinu 2023 Fab Lab (Fabrication
Laboratory) smiðja í Mosfellsbæ
sem myndi nýtast öllum skólum bæjarins,
bæði leik- og grunnskólum, auk þess sem
leitað verði eftir samstarfi við FMos um
verkefnið.
Fab Lab er smiðja með tækjum og tól-
um til að búa til nánast hvað sem er. Fab
Lab smiðjan gefur ungum sem öldnum,
einstaklingum og fyrirtækjum, tækifæri til
að þjálfa sköpunargáfuna og hrinda hug-
myndum sínum í framkvæmd með því að
hanna, móta og framleiða hluti með aðstoð
stafrænnar tækni.
Samkvæmt lauslegri athugun kostar
búnaður og tæki í nýja Fab Lab smiðju um
18 milljónir króna. Háskóla-, iðnaðar- og
nýsköpunarráðuneytið styrkir rekstur Fab
Lab smiðja með myndarlegu framlagi auk
þess sem mennta- og barnamálaráðuneyt-
ið kemur einnig með framlag til Fab Lab í
gegnum aðstöðu eða notkun framhalds-
skólanna.
Lagt er til að tillögunni verði vísað inn í
vinnu fjárhagsáætlunar fyrir árið 2023. Auk
þess er lagt til að Fræðslusviði Mosfellsbæj-
ar verði falin vinna við undirbúning á opn-
un Fab Lab smiðju í Mosfellsbæ sem myndi
hefja starfsemi í byrjun árs 2023.
Þróunar- og nýsköpunarmiðstöð
Samvinnuverkefni Mosfellsbæjar, rík-
isins og fyrirtækja í atvinnulífinu.
Þriðja tillaga okkar að þessu sinni er að
hafin verði vinna við undirbúning um að
sett verði á stofn Þróunar- og nýsköpunar-
miðstöð í Mosfellsbæ sem hefur það mark-
mið að byggja upp og styðja við atvinnu-
uppbyggingu og nýsköpun í Mosfellsbæ til
framtíðar.
Þar verður áhersla lögð á þróun og há-
tækni í ólíkum og fjölbreyttum greinum
m.a. snjalltækni, heilbrigðis- og ferða-
þjónustu, lýðheilsumálum og áhersla lögð
á umhverfis-, atvinnu-, menningar- og
fræðslumál svo eitthvað sé nefnt.
Einnig verður áhersla lögð á að starfrækt
verði fjarvinnslurými samfara starfseminni
þar sem fólk getur unnið í fjarvinnu með
því að leigja rými á staðnum.
Ríkið styrkir stofnun verkefnis sem þessa
á myndarlegan hátt og fara þarf í samninga-
viðræður um fyrirkomulag samstarfsins
með ríkinu auk þess sem Mosfellsbær og
fyrirtæki í atvinnulífinu myndu koma að
verkefninu.
Næstu skref til undirbúnings
Lagt er til að stofnaður verði vinnuhóp-
ur innan stjórnsýslu Mosfellsbæjar með
starfsfólki og einum fulltrúa úr meirihluta
og einum úr minnihluta sem hefði það
verkefni að vinna þá undirbúningsvinnu
sem þarf til þess að koma á stofn Nýsköp-
unar- og þróunarsetri í Mosfellsbæ.
Ásgeir Sveinsson, bæjarfulltrúi og oddviti
Sjálfstæðisflokksins í Mosfellsbæ.
Nýtt kjörtímabil - nýjar áskoranir
Nú er að nálgast tvö ár síðan Karlar í skúr-
um Mosfellsbæ hófu starfsemi sína. Starfið
hefur nokkuð liðið fyrir kórónuveirufarald-
urinn.
Félagar hafa þó nokkuð getað sinnt sín-
um verkefnum í módelsmíði og í útskurði
og tálgun þótt sóttvarnarreglur hafi, þegar
þær hafa verið í gildi, takmarkað þann
fjölda félaga sem kemst að hverju sinni.
Opnir fundir, kaffi og spjall hafa oft og iðu-
lega einnig verið felld niður.
En nú sjáum við vonandi fram á betri
tíma. Opnir fundir, kaffi og spjall á þriðju-
dögum kl. 10–12 hafa að undanförnu verið
ágætlega sóttir. Á meðfylgjandi mynd má
sjá hluta af þeim hópi sem mætti á þriðju-
daginn fyrir viku. Á þann fund leit við Örn
Kjærnested framkvæmdastjóri Bygginga-
félagsins Bakka og færði skúrnum að gjöf
fullkomið hjartastuðtæki. Á meðfylgjandi
mynd má sjá Jón B. Guðmundsson for-
mann félagsins taka við tækinu úr hendi
Arnar. Ekki þarf að hafa mörg orð um
hversu mikilvægt það er að hafa slíkt tæki á
staðnum og á Örn þakkir skildar fyrir þessa
höfðinglegu gjöf. Næsta skref er að kenna
félögum í skúrnum á tækið.
Í undirbúningi er að efla starfið á kom-
andi hausti með námskeiðum, fræðslu-
fundum og kynnisferðum svo eitthvað sé
nefnt. Rétt er að taka það fram að félagar
eru ekki bundnir af því að sinna einhverju
handverki því sumir láta sér nægja að mæta
og spjalla yfir kaffibolla.
Þeir sem áhuga hafa á að taka þátt eða
kynna sér starf Karla í skúrum Mosfellsbæ
geta litið við á opið hús á þriðjudögum
milli kl.10 og 12 eða haft samband við Jón
B. Guðmundsson í síma 893-6202 eða Jónas
Sigurðsson í síma 666-1040.
Skúrinn er á svæði Skálatúns, Litlahlíð 7A
og er húsið merkt með stórum útskornum
skiltum,Karlar í skúrum Mosfellsbæ.
Jónas Sigurðsson
Karlar í skúrum Mosfellsbæ
Fyrir hönd eigenda allra íbúða í Bjarkarholti
20 í Mosfellsbæ viljum við koma á framfæri
athugasemdum við auglýsta breytingu á
deiliskipulagi nefnt Bjarkarholt 22 til 30
sem er breyting við gildandi deiliskipulag
Bjarkarholts 1,2 og 3.
Okkur var ljóst samkvæmt núgildandi
deiliskipulagi að á aðliggjandi lóð Bjarkar-
holti 1 væri gert ráð fyrir almenningsgarði
og litlu fjölbýlishúsi með aðkomu að vest-
anverðu.
Breytt deiliskipulag gerir hinsvegar ráð
fyrir að byggð verði 2 hús á lóðinni þ.e.
Bjarkarholt 22 og 24.
Bjarkarholt 22 er skilgreint sem skáli og
virðist hvorki hafa skilgreinda lóð né bíla-
stæði. Þó er ljóst að öll starfsemi kallar á
bílastæði og í þessu tilfelli verða þá stæði
á aðliggjandi lóðum notuð sem er óásætt-
anlegt.
Gert er ráð fyrir að Bjarkarholt 24 verði
„stórhýsi“ þ.e. 7.700 m² fjölbýlishús með
aðkomu að austanverðu og er það marg-
földun á stærð miðað við núgildandi deili-
skipulag. Einnig er gert ráð fyrir aðkomu
og fjölda bílastæða á lóðamörkum við hús
nr. 20.
Við gerum athugasemdir við stærð
hússins sem og hæð þess og nálægð við
hús okkar nr. 20. Þetta hefur veruleg áhrif
á okkur bæði hvað skuggavarp varðar sem
og útsýni til vesturs. Einnig teljum við að
tilfærsla aðkomu að húsi nr. 24 verði til
verulegra óþæginda fyrir okkur enda að-
koma að tugum íbúða og væri mikil truflun
af aðkomu og bílastæðum við lóðamörk.
Einnig kallar tilfærslan á að fella þurfi tré á
lóðarmörkum sem er fráleitt að gera.
Tilfærsla aðkomunnar hefur einnig þau
áhrif að eðlileg tenging milli miðbæjar-
garðs, friðlandsins og gangstígakerfis bæj-
arins verður rofin. Þessi svæði þurfa að
tengjast saman með eðlilegum hætti eins
og gert er ráð fyrir í núgildandi skipulagi.
Breytt skipulag gerir ráð fyrir gönguleið
um undirgöng sem liggja í gegnum hús nr.
26 og að gengið verði um bæjarhelluna á
húsi nr. 24.
Athugasemdir við deiliskipulag í Bjarkarholti
Vöntun á vestursvæði
Ég bý í vestari hluta Mosfellsbæjar
og hér vantar okkur sárlega einhvers
konar þjónustu og afþreyingu. Mér
finnst eins og öllu sé troðið á sama
blettinn.
Við reyndar erum með Blik, sem
er frábær staður, og Lágafellslaug.
En þá er það upptalið. Okkur vantar
hér verslun og betri græn svæði fyrir
ungviðið. Kannski mun þetta breytast
með tilkomu Blikastaðauppbyggingar
en það er langt þangað til. Hér býr
fjölskyldufólk og nóg af því. Leikvöll-
urinn við Lágafellsskóla er líka ekki
börnum okkar sæmandi. Það má lyfta
grettistaki svo hverfið okkar verði ekki
afgangs.
Áfram gula hverfið!
 Garðar