Mosfellingur - 23.06.2022, Blaðsíða 28

- Íþróttir28
N a m o e h f. - S m i ð j u v e g i 7 4 ( g u l g ata ) - 2 0 0 K ó pavo g i Sími: 566 7310 - jakosport@jakosport.is - jakosport.is
AftureldingAr
vörurnAr
fást hjá okkur sport íslandi
4. flokkur kvenna skellti sér í æfingaferð til
Salou þann 3. júní. Stelpurnar eru búnar að
vera ótrúlega duglegar í vetur og safna fyrir
ferðinni.
Mikil eftirvænting og gleði skein úr and-
litum þeirra þegar stundin rann upp. Stelp-
urnar voru til fyrirmyndar, tóku 9 æfingar
á 6 dögum við geggjaðar aðstæður í Salou,
pínu heitt en það reddaðist.
Þær gerðu þó meira en að fara á æfingu,
„tanið – maður tanið“ heyrðist töluverð og
því voru sólbaðsbekkirnir vinsælir þarna á
milli æfinga.
Á kvöldið héldu þær stemningunni uppi
á hótelinu með dansi og gleði og auðvit-
að var „vinsælasti“ skyndibitastaðurinn
McDonalds. Vikan var fljót að líða og fullt af
minningum sem urðu til hjá þessum flotta
hóp. Stelpurnar senda knús og þakklæti til
þeirra sem hafa styrkt þær.
Geggjuð æfingaferð
Fótboltastelpur úr Aftureldingu á Spáni • Minningar
Það er margt búið að ganga á í samfélaginu
okkar af völdum kórónuveirunnar. Við höf-
um barist við mörg stökkbreytt afbrigði og
nú er sá bardagi búinn.
Eðlilegt líferni tekur svo við og allir virð-
ast vera búnir að gleyma faraldrinum en
takmörkunum var bara aflétt 25. febrúar
2022.
Fimleikadeild Aftureldingar barðist hart
með samfélaginu í 2 ár og endalaust var
verið að finna lausnir á reglugerðum sem
settar voru eða var breytt með stuttum
fyrirvara.
Þegar verst lét og deildin þurfti að loka
þá var tekin lausnamiðuð stefna þar sem
þjálfararnir okkar settu upp heimaæfingar
sem voru sendar til iðkenda okkar í texta
eða á myndböndum.
Þjálfarar skipulögðu einnig flottar æf-
ingar í gegnum fjarskiptaforrit þar sem ið-
kendur gátu komið saman og gert æfingar
sem heild eða farið með þjálfurum sínum í
gegnum skemmtilega leiki. Bæði iðkendur
og þjálfarar voru metnaðarfullir í þessum
verkefnum og gaman var að sjá brosandi
andlit þó svo það væri í gegnum tölvuskjá-
inn. Þrátt fyrir að fjarþjálfunin hafi gengið
vel þá voru margar æfingar bættar upp og
annir voru lengdar eða byrjuðu fyrr en
venjulega, foreldrum að kostnaðarlausu.
Hluti af mörgum þáttum sem einkenna
íþróttir eru þrautseigja, jákvæðni, sterkt
hugarfar og að læra á stjórnanlegu þættina
sem styrkjast þegar reynir á. Eftir farald-
urinn mátti sjá miklar framfarir á þessum
þáttum bæði hjá þjálfurum okkar og ið-
kendum. Fimleikadeild Aftureldingar kom
sterk út úr faraldrinum sem má sjá í sam-
skiptum okkar við iðkendur og foreldra, á
frammistöðu inni í sal og árangri deildar-
innar á mótum, svo eitthvað sé nefnt.
Afturelding skráði 110 til 130 iðkendur
á hvert mót og komu út úr vetrinum með
þrjá bikarmeistaratitla og tvo Íslandsmeist-
aratitla.
Starfsfólk fimleikadeildarinnar er mjög
spennt fyrir komandi vetri hjá deild sem
stækkar ört. Mikill metnaður verður lagð-
ur í frekari uppbyggingu og fagleg vinnu-
brögð.
Fimleikadeild Aftureldingar vill þakka
fyrir veturinn, Covid-tímabilið, sterkt bak-
land og frábæra iðkendur.
Fimleikadeild Aftureldingar
þakkar fyrir sig
Meistaraflokkar Aftureldingar í knattspyrnu
gerðu góða ferð á útivelli í síðustu viku.
Meistaraflokkur kvenna lagði Selfoss 1-0
á útivelli í Bestu deildinni á meðan meist-
araflokkur karla lagði Þrótt Vogum á útivelli
með sömu markatölu í Lengjudeildinni.
Meistaraflokkur karla fær Þór í heim-
sókn á Malbikstöðina á morgun, föstudag,
áður en liðið leikur við Kórdrengi í 16-liða
úrslitum Mjólkurbikarsins í Safamýri á
mánudag.
Meistaraflokkur kvenna er hins vegar
í pásu þar til í byrjun ágúst þar sem fram
undan er EM kvenna í Englandi.
Fimm strákar úr Aftureldingu hafa spilað
með U-16 landsliðinu í handbolta að
undanförnu. Liðið tók meðal annars þátt
í móti í Færeyjum og voru okkar strákar
meira að segja allir inn á í einu á ákveðn-
um tímapunkti.
Frá vinstri á myndinni: Stefán Magni
Hjartarson, Jökull Einarsson, Sigurjón
Bragi Atlason, Daníel Bæring Grétarsson
og Haukur Guðmundsson.
Fimm Mosfellingar
í U-16 landsliðinu
strákarnir okkar
Meistaraflokkarnir
á sigurbraut
14 Íslendingar tóku þátt í Norðurlandamóti
í taekwondo í Svíþjóð helgina 4.-5. júní og
þar af voru 4 frá Aftureldingu: Justina Kis-
keviciute, Regína Bergmann Guðmunds-
dóttir, Wiktor Sobczynski og yfirþjálfari
deildarinnar Arnar Bragason.
Wiktor, Justína og Arnar kepptu í bardaga
og enduðu Arnar og Wiktor með silfur og
Justína með brons.
Síðan kepptu Justína og Regína í Pooms-
ae en þær voru í 24 manna flokki og komust
ekki í úrslit en stóðu sig mjög vel.
Þessir 3 ungu keppendur eiga klárlega
fleiri Norðurlandamót og önnur erlend
mót fram undan næstu árin og eiga eflaust
eftir að safna fleiri verðlaunum og jafnvel
Norðurlandameistaratitlum.
Góður árangur á Norður-
landamóti í Svíþjóð
undirbúningur fyrir æfingu
keppendur aftureldingar