Merkúr - 01.09.1939, Blaðsíða 34

32
um nýtt skipulag' á Háskóla íslands. Þar er meðal annars
lagt til að sjerstakar deildir í náttúru- og þjóðhagsfræði
verði stofnaðar við Háskólann. Síðan gerir hann ráð fyrir
að þjóðhagsfræðinni yrði skift í þessa flokka: 1) Almenn
hagfræði (og talfræði), 2) Verslunar- og viðskiftafræði,
3) Stjórnfræði, 4) Heilbrigðismál, 5) Búmál og (5) Út-
vegsmál.
Þetta munu vera fyrstu tillögurnar, sem gerðar hafa
verið í þá átt, að verslunar- og viðskiftamál yrðu tekin
upp við Háskóla Islands. Síðan hafa þessi mál nokkrum
sinnum komið til umræðu hæði meðal stúdenla og kaup-
sýslumanna. T. d. voru Verslunarráði og skólastjóra Versl-
unarskóla íslands einu sinni sendar tillögur frá ráða-
mönnum Háskólans, um sjerstaka kenslu í verslunarfræð-
um við Háskólann. Þetta var um það leyti, sem Verslunar-
skólinn hóf starfrækslu framhaldsdeildar sinnar. Tillög-
urnar þóttu óaðgeng'ilegar og fell því málið niður og hefir
að mestu legið niðri síðan.
Nú hafa aftur heyrst raddir um, að Háskólinn vilji setja
á stofn viðskiftadeild, eða að innlima „Viðskiftaháskól-
ann“.
Þetta virðist að mörgu leyti vera sjálfsögð ráðstöfun,
einkum þar sem Háskólinn er nú i þann veginn að
í'lytja í hin nýju húsakvnni sín. Ennfremur mundi þetta
að sjálfsögðu hafa í för með sjer mikinn sparnað fyrir
ríkissjóð.
Hjer skal samt engu um það spáð, livað úr þessu kann
að verða í þetta sinn. En ef þessi leið yrði farin, er ein-
mitt nú tímabært og nauðsvnlegt að gera sjer grein fyrir
því, hver afstaða Háskólans yrði gagnvart verslunarstjett-
inni og ekki síst Verslunarskóla Islands.
Það er auðsjeð, að ef leysa á þessi mál með hagsmuni
þjóðarheildarinnar fyrir augum, er nauðsynlegt að versl-
unarstjettinni eða Verslunarskóla Isl., fyrir hennar hönd,
gefist kostur á að liafa áhrif á, livernig þessum málum er
fyrir komið með þjóð vorri. Því að auðvitað er ekki öðr-