Skessuhorn - 05.10.2022, Qupperneq 1
„Við ákváðum að ráða ekki í starfið
að sinni,“ segir Heiðar Örn Sigur-
finnsson, fréttastjóri RÚV í samtali
við Skessuhorn, en RÚV auglýsti
nú í september laust til umsóknar
starf fréttamanns á Vesturlandi og
Vestfjörðum. Heiðar segir að fáar
umsóknir hafi borist og eftir að
hafa farið rækilega í gegnum þær
hafi verið tekin sú ákvörðun innan
stofnunarinnar að ráða ekki í starfið
að sinni heldur nýta tækifærið til að
endurhugsa landsbyggðarþjónustu
RÚV í heild sinni.
Þar til ráðið verður í starfið segir
Heiðar að fréttastofan muni halda
áfram að sinna fréttaflutningi af
svæðunum með því að senda frétta-
menn úr Efstaleiti í fréttaferðir
vestur. Þá komi til greina að senda
fréttamenn í lengri fréttaferðir,
fljúga þeim til Ísafjarðar og láta þá
dvelja þar í nokkra daga við efnis-
öflun. Það hafi verið gert á árum
áður, áður en farið var að ráða
landsbyggðarfréttamenn. „Ef eitt-
hvað fréttamál kemur upp á þessu
svæði sem þarf að sinna samdægurs
þá bregðumst við auðvitað við því,“
segir Heiðar jafnframt.
En hvað með fréttaflutning af
svæðinu þangað til, óttast hann ekki
að fréttastofan missi yfirsýn yfir
hvað er í gangi í þessum tveimur
landshlutum? „Ég er alveg hræddur
um að þetta tímabundna ástand
geti orðið til þess að við missum af
einhverju, en Elsa María sem hefur
sinnt þessu starfi síðustu þrjú ár er
núna komin á vaktir hér í Efstaleiti
og ætlar að hafa auga með þessu
svæði áfram. Það er ennþá hægt að
hafa samband við hana, og mig, og
bera undir okkur ýmislegt.“
Gefur þessi staða sem upp er
komin fréttastofu RÚV tilefni til
þess að endurskoða starf lands-
hlutafréttamanns á Vesturlandi og
Vestfjörðum í heild því svæðið er
landfræðilega stórt og erfitt yfir-
ferðar? „Þessi ákvörðun sem við
tökum núna, að ráða ekki í starfið,
gefur okkur tækifæri og tilefni til
þess að endurhugsa þetta starf frá
grunni. Mér sem fréttastjóra finnst
mikilvægt að viðhalda starfsemi
RÚV á landsbyggðinni, það er
okkar hlutverk og við tökum það
alvarlega. Við eigum að segja alls
konar fréttir af öllu landinu, bæði
því sem gerist í samfélaginu og ekki
síður mannlífsfréttir og við tökum
það hlutverk alvarlega og ég tek
það alvarlega og vil að fréttastofa
RÚV sé sýnileg.“
Ekki liggur fyrir hvenær starf
fréttamanns RÚV á Vesturlandi
og Vestfjörðum verður aftur aug-
lýst til umsóknar. Það verður gert
þegar tekin hefur verið ákvörðun
um hvernig RÚV komi til með að
sinna þessum svæðum en Heiðar
Örn Sigurfinnsson, fréttastjóri
RÚV, vonar að það ferli taki ekki
langan tíma.
gbþ
FRÉTTAVEITA VESTURLANDS – www.skessuhorn.is 40. tbl. 25. árg. 5. október 2022 - kr. 950 í lausasölu
Ert þú í áskrift?
Sími 433 5500
www.skessuhorn.is
Heyrnarþjónusta
s:534-9600
www.heyrn.is
Opið
alla
daga
ársins
Þinn árangur
Arion
Ákváðu að ráða ekki í stöðu fréttamanns að sinni
Fjölbrautaskóli Vest-
urlands er heilsuefl-
andi framhaldsskóli
sem leggur metnað í að
bjóða nemendum upp á
heilsueflandi viðburði og
umhverfi og holla nær-
ingu. Í takt við stefnu
skólans hefur glænýr
valáfangi í fjallgöngum
og útivist staðið nem-
endum til boða á þessari
haustönn. Þessu starfi
verður haldið áfram og
einn af valáföngum skól-
ans á næstu önn verður
einmitt að læra allt í sam-
bandi við fjallgöngur. Hér
er hoppandi glaður nem-
andi FVA í gönguferð.
Sjá nánar á bls. 18.
Fjallgöngu
áfangi í boði