Skessuhorn - 05.10.2022, Side 6

MIÐVIKUDAGUR 5. OKTÓBER 20226
Síðastliðinn laugardag hélt
Slökkvilið Borgarbyggðar æfingu
á tveimur starfsstöðvum sínum; í
Borgarnesi og á Hvanneyri. Eftir
æfinguna á Hvanneyri var farið
með dælubílinn Skorra í húsnæði í
annarri sveit í ljósi þess að ekkert
laust húsnæði er í boði á Hvann-
eyri til að hýsa bílinn. Undanfarin
fjögur ár hefur hann verið geymdur
í húsnæði sem vélaverkstæðið Jörvi
hefur lagt slökkviliðinu til, en það
húsnæði er ekki tiltækt lengur og
þar að auki verið á undanþágu þar
sem það er ekki viðurkennt hús-
næði fyrir slökkvibíl og aðstöðu
fyrir búnað slökkviliðsmanna. Í
ljósi húsnæðisskorts hafi nú verið
brugðið á það ráð að færa dælu-
bílinn Skorra á starfsstöð slökkvi-
liðsins á Bifröst.
Áður skilgreint hvar
bíllinn skyldi vera
Það var Skorradalshreppur sem
fjármagnaði kaup á nýjum dælu-
bíl árið 2007 og var bílnum í upp-
hafi gefið nafnið Skorri til að árétta
eignarhaldið og staðsetningu, en
bíllinn hefur allar götur síðan verið
í rekstri hjá Slökkviliði Borgar-
byggðar. Í samkomulagi Borgar-
byggðar og Skorradalshrepps um
slökkviliðsmál var árið 2007 gerður
sérstakur viðaukasamningur þar
sem fram kom að nýr slökkviliðs-
bíll yrði lagður Slökkviliði Borg-
arbyggðar til og yrði bíllinn stað-
settur á Hvanneyri. Í endurnýj-
uðum þjónustusamningi milli
sveitarfélaganna um brunavarnir
í Skorradalshreppi, frá 22. ágúst
síðast liðnum, er bílsins getið sér-
staklega í 6. grein þess samnings,
en ekkert getið um kvöð um hvar
hann skyldi verða staðsettur.
Í reglugerð um brunavarnir
kemur fram að á öllum þéttbýlis-
stöðum með fleiri en 300 íbúa skuli
vera dælubílar til taks og lágmarks-
búnaður slökkviliðs. Íbúafjöldi á
Hvanneyri var um síðustu áramót
305 en auk þess býr fjöldi nemenda
og fjölskyldna þeirra á staðnum.
mm
Aukið viðhald
vegna raka­
vandamála
AKRANES: Á fundi bæjar-
stjórnar Akraness þriðju-
daginn 27. september var sam-
þykktur viðauki frá bæjarráði
samtals að fjárhæð 30 millj-
ónir króna sem mætt verði
með auknum staðgreiðslu-
tekjum. Breytingin er tilkomin
vegna aukinna viðhaldsþarfar
á stofnunum Akraneskaup-
staðar tengt rakavandamálum
en einnig kom upp aukin
viðhaldsþörf í Brekkubæjar-
skóla (þak yfir sal, vatnstjón og
brunavarnir). Heildarumfang
viðbótanna er 70 milljónir
króna en til lækkunar kemur
40 milljóna króna fjárheimild
vegna fyrirhugaðra viðhalds-
aðgerða á Stillholti 16-18 sem
nú er orðið ljóst að munu tefj-
ast til ársins 2023. -vaks
Giskað á
heildarmarka­
fjölda
LANDIÐ: Íslenskar getraunir
hafa í samstarfi við Svenska
Spel sett í loftið nýjan get-
raunaleik, sem ber nafnið XG,
þar sem tippað er á markaskor í
13 knattspyrnuleikjum. Tippað
er á hversu mörg mörk verða
skoruð í heildina í hverjum
leik fyrir sig eða frá 0 og upp
í 7 mörk eða fleiri. „Potturinn
fyrir 13 rétta verður hærri en
getraunaspilarar eiga að venj-
ast. XG er opinn öllum sem
hafa náð 18 ára aldri en frek-
ari upplýsingar er hægt að
nálgast á xg.is. Leikurinn er í
boði á heimasíðu Getrauna og
í Lengju appinu. Líkt og með
aðra leiki Getrauna þá rennur
allur hagnaður til íþrótta og
æskulýðsstarfs á Íslandi,“ segir
í tilkynningu. -mm
Fyrsta nýja
björgunarskipið
VESTM.EYJAR: Nýtt
björgunar skip Slysavarna-
félagsins Landsbjargar og
Björgunarfélags Vestmanna-
eyja er komið til landsins,
en heimahöfn þess er Vest-
mannaeyjar. Skipinu var við
komuna til hafnar síðast-
liðinn laugardag gefið nafnið
Þór. Að loknu útboði á fyrstu
þremur nýju björgunarskipum
Landsbjargar á miðju ári 2021
var ákveðið að ganga til samn-
inga við KewaTec, finnskan
skipasmið, sem hefur rúm-
lega 20 ára reynslu af smíði
skipa til leitar og björgunar-
starfa. Ríkissjóður greiðir
helming kostnaðar, en fullbú-
inn Þór kostar 285 milljónir
króna. Þessi nýju skip Lands-
bjargar munu smám saman
leysa af hólmi eldri og mun
ófullkomnari björgunarskip
við strendur landsins og gjör-
breyta í raun aðstöðu til leitar
og björgunar. Ríkið hefur
staðfest greiðsluþátttöku sína
í smíði sex skipa til viðbótar
við Þór. Ljósmynd frá komu
skipsins til Eyja er úr smiðju
Eyjafrétta. -mm
Einstaklings­
rými endurbætt
á Silfurtúni
DALIR: Heilbrigðisráð-
herra hefur úthlutað rúmum
650 milljónum króna úr
Framkvæmdasjóði aldr-
aðra í samræmi við tillögur
stjórnar sjóðsins. Í tilkynn-
ingu kemur fram að áhersla
hafi verið lögð á verkefni
sem bæta aðbúnað íbúa á
hjúkrunar heimilum, úrbætur
sem tengjast aðgengismálum
og öryggismálum og ýmsum
stærri viðhaldsverkefnum.
Alls bárust umsóknir um
framlög til 60 verkefna og
hlutu 54 þeirra styrki. Hæstu
framlögin renna til hjúkr-
unarheimila Sjómannadags-
ráðs, alls um 250 mill jónir
króna til 14 mismunandi
verkefna. Við úthlutun úr
sjóðnum að þessu sinni kemur
fram að innan við eitt pró-
sent af úthlutuðu fjármagni
rennur til hjúkrunarheim-
ila á Vesturlandi. Silfurtún í
Búðardal fær um sex milljónir
króna til viðhalds og endur-
bóta á einstaklingsrýmum og
hreinlætisaðstöðu á heimil-
inu. -mm
Rafmagn tekið
af næstu nótt
AKRANES: Veitur kynna
að rafmagn verður tekið af
nokkrum húsum á Akranesi
aðfararnótt föstudagsins 7.
október frá klukkan 00:05
til 05:30. Rafmagn verður þá
tekið af eftirfarandi húsum:
Skagabraut 33 til 50, Sanda-
braut, Jaðarsbraut 3 til
25 og Garðabraut 2A. Sjá
nánar á heimasíðu Veitna
www.veitur.is -mm
Enginn viðbragðsbíll frá
slökkviliðinu lengur á Hvanneyri
Dælubíllinn Skorri á æfingu slökkviliðsins síðastliðinn laugardagsmorgun.
Í gær var haldinn fjölmennur
starfsmannafundur í húsnæði Skag-
ans 3X á Akranesi þar sem Petra
Baader forstjóri og eigandi Baader
ræddi við starfsmenn um helstu
áherslur eftir kaup fyrirtækisins
á Skaganum 3X. Fundinum var
streymt á Ísafjörð, en starfsmenn
fyrirtækisins á höfuðborgarsvæð-
inu mætti til fundarins á Akra-
nesi. Í máli Petru kom skýrt fram
að Baader hyggst viðhalda og efla
starfsemi allra starfsstöðva sinna á
Íslandi. Þar með sló hún á áhyggjur
manna um að breytt eignarhald
hefði áhrif á framtíðar staðsetningu
fyrirtækisins. Nánar verður sagt frá
fundinum í næsta Skessuhorni. gj
Petra Baader fundaði með
starfsmönnum fyrirtækisins á Íslandi
Petra Baader í ræðustól á fundinum. Ljósm. gj.