Skessuhorn - 05.10.2022, Side 12
MIÐVIKUDAGUR 5. OKTÓBER 202212
Helgi Laxdal Aðalgeirsson hefur
keppt fyrir Íslands hönd á fimm
Evrópumótum í fimleikum, bæði í
blönduðu liði og drengja- og karla-
liði. Þá hefur hann fjórum sinnum
keppt með Stjörnunni á Norður-
landamóti. Á EM 2021 setti hann
heimsmet þegar hann tók og lenti
stökk sem enginn annar hefur áður
gert. Fimm ára byrjaði hann að æfa
hópfimleika með ÍA þar sem hann
var í tæp tíu ár en færði sig þá í
Stjörnuna og hefur æft þar síðan
2013. Helgi er stórhuga fimleika-
maður sem setti sér ungur ákveðin
markmið sem hann getur glaður
sagt frá í dag að hann hafi náð.
Bjuggust við því
að komast í úrslit
á EM 2022
Evrópumót í hópfimleikum 2022
var haldið í Lúxemborg dagana 14.-
17. september. Þar keppti Helgi
Laxdal í karlaliði fyrir Ísland, fyrst
í undanúrslitum fimmtudaginn
15. september og svo í úrslitum
laugardaginn 17. september. Helgi
segir að litlu hafi mátt muna því að
liðið næði ekki inn í úrslitin. „Við
bjuggumst við því að komast í úrslit
en svo gekk okkur bara ekki nógu
vel á fimmtudeginum í dansinum.
Þegar maður er að keppa þá veit
maður aldrei einkunnina sína en
þjálfararnir okkar vissu hana og þeir
voru bara á nálum og héldu að við
kæmumst kannski ekki í úrslitin. En
við vissum ekkert af því,“ segir Helgi
og hlær. Hann og liðs félagarnir hafi
þá þurft að „bomba á fiber“ eins og
Helgi orðar það og á við að allir í
liðinu hafi þurft að standa sig og
lenda sín stökk í gólfæfingum. Það
gekk eftir, allir í liðinu lentu sín
stökk og íslenska karlalandsliðið var
fimmta liðið inn í úrslit.
„Okkur gekk miklu betur í
úrslitunum. Það voru sex af átta
liðum, sem komust í úrslit og við
komum sem sagt inn í úrslitin í
fimmta sæti en enduðum í fjórða
sæti,“ segir Helgi en hann hefur
þrisvar sinnum komist á pall með
sínu liði á Evrópumóti. „Við
fengum brons 2016, brons 2018 og
svo silfur 2021, þannig það styttist
í gullið!“
Uppalinn með ÍA
Helgi hefur æft hópfimleika frá
fimm ára aldri en hann er 23 ára í
dag og var elstur í landsliðinu á EM
núna í september. Hann segist þó
ekki taka eftir því sjálfur að hann
sé eitthvað eldri en liðsfélagarnir.
„Strákarnir segja reyndar líka að
ég sé barnalegastur en það er samt
ekki satt sko!“ Helgi er uppalinn
með Fimleikafélagi ÍA og segir það
vera sitt félag. Þar voru fáir strákar
sem æfðu fimleika og kepptu strák-
arnir því alltaf í stelpnaflokki. „Það
böggaði mig samt ekkert af því ég
var bara að gera það sem mér fannst
ótrúlega skemmtilegt og ég var með
góðan þjálfara. Mér gekk mjög vel
á Akranesi en það var alltaf verið að
segja við mig að ég væri ótrúlega
góður og ætti að prófa að æfa ein-
hvers staðar annars staðar,“ segir
Helgi.
Árið 2013 fór hann ásamt öðrum
félögum sínum úr ÍA að skoða
önnur lið. „Þjálfararnir á Akra-
nesi sögðu bara að við þyrftum að
fara eitthvað annað. Það var líka
léleg aðstaða á Akranesi á þessum
tíma og það var eigin lega bara
hættulegra fyrir okkur að æfa þar
áfram því þar var ekki almennileg
aðstaða, ekki almennleg gryfja til
dæmis,“ segir Helgi en hann og
félagar hans ákváðu í kjölfarið að
byrja að æfa með Stjörnunni og
hefur Helgi verið þar allar götur
síðan.
Hvað eru hópfimleikar?
Hópfimleikar skiptast í gólf-
æfingar, dans og trampólín og
segir Helgi að gólfæfingarnar
séu hans uppáhald „Það er svona
fibergólf þar sem þú hleypur og
gerir stökk og þetta eru þrjár
umferðir. Það er aftur á bak
umferð þar sem þú gerir öll stökk
aftur á bak. Svo er framumferð
þar sem öll stökkin eru fram og
svo er sameiginleg umferð og þá
þurfa allir í liðinu að gera eins,“
segir Helgi.
Hvað varðar danshluta hóp-
fimleikanna þá eru átta eða tíu
manns saman á gólfi að dansa og
ákveðnar reglur eru um það sem
þarf að gera í dansinum. „Það er
til dæmis færsla fram, færsla til
hliðar, færsla áfram, við þurfum
að gera sameiginlega lyftu og eitt-
hvað móment eins og jafnvægi,
handstöðu eða liðleikamóment.
Dansinn er svona það fallega í
fimleikunum.“
Svo er það trampólínið. Það
eru þrjár umferðir, eins og í
gólf æfingunum, þar sem kepp-
endur hlaupa á fullri ferð í átt
að trampólíni og stökkva. „Ein
umferð er yfir hest en svo eru
tvær umferðir þar sem er bara
trampólín en önnur þeirra er
sameiginleg og öll stökkin á
trampólíni eru fram. Þannig að
trampólínið er það auðveldasta
fyrir fólk að skilja en mér finnst
það eiginlega erfiðasti hlutinn,“
segir Helgi.
Elstur í íslenska
karlalandsliðinu
Þar sem Helgi var elsti kepp-
andinn í karlalandsliðinu á síðasta
EM liggur beinast við að spyrja
hann hvort hann sé farinn að hugsa
um að hætta í fimleikum. „Sko,
maður er alltaf að segja að maður
eigi að hætta á toppnum en mér
finnst ég ekki alveg vera búinn að
toppa mig þótt sumir segi það.
Ég held að ég haldi áfram, alla-
vega eitt Evrópumót í viðbót sem
er þá 2024 og þá kannski segi ég
stopp. En núna er ég bara að hugsa
um Norður landamótið 2023 sem
verður haldið hérna á Íslandi næsta
haust,“ segir Helgi.
Norðurlandamótið er keppni
meðal félagsliða og segir Helgi
að Stjarnan hafi ákveðið forskot á
önnur félagslið á þessu móti. Það
sé vegna þess að næstum því allir
í íslensku landsliðunum séu að æfa
með Stjörnunni. „Strákarnir sem
eru í karlaliðinu í Stjörnunni eru
eiginlega allir í landsliðinu en strák-
arnir í til dæmis norska, sænska
og danska landsliðinu koma úr
mörgum félagsliðum sem eru ekki
nærri því eins sterk og Stjarnan.
Þannig að landsliðin hjá öðrum
Norðurlandaþjóðum samanstanda
af einstaklingum úr kannski sjö
félagsliðum á meðan íslenska lands-
liðið er eiginlega bara eitt félags-
lið,“ segir Helgi.
Heimsmethafinn
Helgi Laxdal
Helgi setti heimsmet á EM 2021
þegar hann tók og lenti stökk sem
enginn annar í heiminum hefur
tekið. Hann segir að það stökk
sé það sem standi upp úr á hans
fimleika ferli. „Það er sem sagt í
gólf æfingum. Í fram umferð á ég
heimsmetið í hæsta gildinu. Í fram
umferð þá hoppar þú fram, gerir
kraftstökk sem snýr líka framb svo
gerir þú tvöfalt heljarstökk fram
eða einfalt heljarstökk fram. Hvað
varðar stökkið mitt þá byrja ég á
að hlaupa og geri heljarstökk með
beinum líkama og heilli skrúfu, svo
geri ég kraftstökk og geri svo tvöfalt
heljarstökk með beinum líkama og
tvær og hálfa skrúfu og það er svona
mitt, mitt einkenni,“ segir Helgi.
Hann var handviss um að ein-
hver myndi framkvæma þetta stökk
núna á EM 2022 því hann hafði séð
myndbönd af öðrum þjóðum æfa
þetta stökk. „Þannig ég hélt að á
þessu móti myndi einhver allavega
jafna mig eða toppa mig. En það var
ekki,“ segir Helgi en hann tók þetta
stökk aftur á EM 2022 í september
og segir að það hafi tekist enn betur
en í fyrra skiptið.
„Ég ætlaði núna að setja líka
heimsmet með öðru stökki en það
er á hesti. Þá ætlaði ég að gera
arabastökk yfir hestinn og tvöfalt
heljarstökk með tvöfaldri skrúfu.
Ef ég hefði náð því þá hefði ég
verið með metið í fram umferð og
metið á hesti. Það er einn strákur
sem hefur gert stökkið á hestinum
áður þannig ég yrði ekki fyrstur
en ég ætti þá metið með honum,“
segir Helgi. Það tókst hins vegar
ekki, Helgi reyndi stökkið í undan-
úrslitunum en datt og ákvað þá í
samráði við þjálfara að reyna ekki
við stökkið í úrslitunum sjálfum.
„Ef ég hefði reynt það í úrslitunum
og ekki náð því þá hefðum við
pottþétt farið niður í fimmta sæti.
Þannig að maður þarf að hugsa
um hvort stökkið sé þess virði því
þú verður að lenda og þú verður
vera 100% til þess að keppa með
svona stökk. En ég ætla klárlega að
reyna þetta stökk á Norðurlanda-
mótinu næsta haust, og ná þá öðru
heimsmeti.“
Akkúrat nógu margir
til að ná í lið
Á EM 2021 lenti íslenska karla-
landsliðið í öðru sæti og segir Helgi
að það hafi gengið ótrúlega vel á
því móti og sé það líka eitt af því
sem standi upp úr á ferlinum.
„Fimleikasambandið var eigin-
lega grátbeðið um að hafa karlalið
á mótinu og við rétt náðum í lið
því við vorum svo fáir. Við vorum
akkúrat nógu margir til að geta
skráð lið og varamenn en svo byrj-
uðu strákarnir að meiðast,“ segir
Helgi og bætir við. „Þannig við
vorum mjög stutt frá því að geta
ekki keppt. Og það er það sem
hinar þjóðirnar, eins og Danmörk
og Svíþjóð og fleiri, eiga á okkur, að
ef einhver dettur út hjá þeim þá eru
svona 60 aðrir sem koma til greina
til að hoppa inn í liðið í staðinn. En
við strákarnir á Íslandi erum bara
13 og það eru ekki fleiri.“
„Það er svo mikilvægt
að búa til fyrirmyndir“
Þótt íslenskir karlar í hópfimleikum
séu fáir er ekki hægt að segja það
sama um unga og upprennandi fim-
leikamenn. Helgi er að þjálfa fim-
leika í yngri flokkum Stjörnunnar
og þar er troðfullt á allar æfingar
og eru níu strákar á biðlista. „Ég
vil meina að þessi mikla aðsókn sé
af því það er búið að vera svo mikil
vitundarvakning undanfarið um
fimleika hjá strákum. Síðasta árið
er búið að auglýsa fimleika fyrir
stráka mjög mikið og svo fórum
við, nokkrir fimleikastrákar, tvisvar
sinnum í kringum landið með fim-
leikasýningu sem hafði yfirskrift-
ina „Fimleikar fyrir stráka“ og við
fengum mikla umfjöllun á frétta-
miðlum um þetta,“ segir Helgi og
bætir við. „Það er svo mikilvægt til
að búa til fyrirmyndir. Eina leiðin
til að fá stráka í íþróttina er að þetta
sé kúl og lúkki skemmtilegt og ég
held að það sé ástæðan fyrir miklu
aðsókninni núna, að loksins er verið
að tala um stráka í fimleikum.“
Eitt heimsmet í viðbót
og þá er hann sáttur
En hafði Helgi enga strákafyrir-
mynd þegar hann byrjaði að æfa fim-
leika? Nei það var rosalega lítið um
það. Það var einn sænskur strákur,
Jakob Melin, sem er bara goðsögn
í fimleikunum. Hann kom einu
sinni á Akranes og keppti og hann
kom í Gerplu og var að þjálfa þar og
keppti. Og hann var svona sá sem ég
sá og var alveg klikkaður fimleika-
maður. En Kolbrún Þöll Þorradóttir
og Andrea Sif Pétursdóttir voru líka
rosalega góðar. Ég hugsaði að ég
ætlaði að vera betri en þær og betri
en Jacob Melin þannig að þau voru
öll miklar fyrirmyndir fyrir mig.“ –
Og ertu orðinn betri en þau? „Já ég
myndi segja það,“ segir Helgi sann-
færandi. - Þannig að þú ert búinn
að ná þínum markmiðum? Já, ég
er búinn að ná mínum markmiðum
en ég ætla reyndar að bæta við einu
heimsmeti í viðbót á næsta Norður-
landamóti. Þá er ég eiginlega bara
sáttur. En ef það gengur ótrúlega vel
þá á ég svolítið erfitt með að mæta
á næsta Evrópumót, þannig það má
eiginlega ekki ganga alltof vel því
þá kannski hætti ég,“ segir Helgi og
hlær.
gbþ / Ljósm. úr einkasafni
„Eina leiðin til að fá stráka í íþróttina er
að þetta sé kúl og lúkki skemmtilegt“
Rætt við fimleikamanninn og heimsmethafann Helga Laxdal Aðalgeirsson
Helgi Laxdal Aðalgeirsson fimleikamaður og heimsmethafi er hér í sínu náttúru-
lega umhverfi.
Á fyrstu æfingu í höllinni í Lúxemborg fyrir EM-2022 þar sem íslenska karlalands-
liðið lenti í fjórða sæti.