Heilbrigðisskýrslur - 02.12.1974, Blaðsíða 34

34
talskannanir, sem náðu til tveggja vikna tímabils. Athygli
er vakin á því að tölurnar ná bæði til samskipta við almenna
lækna (heimilislækna og heilsugæslulækna) og sérfræðinga.
Læknissókn kvenna er alls staðar meiri en karla og á það eink-
um við aldurshópinn 15-49 ára. 1 heild er læknissókn á
íslandi heldur minni en í Noregi og Liverpool en meiri en í
Helsinki. Læknissókn í Reykjavík og Liverpool er mjög svipuð
en munur á læknissókn kynjanna er meiri í Reykjavík.
Fjöldi íbúa á lækni á rannsóknarsvæðinu var að meðaltali 1515
en var þó mjög breytilegur eftir heilsugæslusvæðum eða frá
618 upp í 2430. Sama ár höfðu 9 heimilislæknar í Reykjavík
3068 manns að meðaltali £ sjúkrasamlagi og var fjöldinn frá
2679 upp í 3937 samlagsmeðlimi á lækni. Læknar í Reykjavík
störfuðu líka mun lengur á stofu og afgreiddu fleiri erindi
en heilsugæslulæknar á landsbyggðinni. Fyrir utan misjafna
læknissókn virðist mega rekja þennan mun til heimilislækna-
skorts í Reykjavík, misjafnrar dreifingar byggðar og að 24 af
40 heilsugæslulæknum úti á landi störfuðu að hluta við aðrar
heilbrigðisstofnanir en heilsugæslustöðvar.
Algengustu ástæður samskipta reyndust vera smitsjúkdómar (10.6%),
öndunarfærasjúkdómar (11.2%) og stoðvefja- og hreyfingarfæra-
sjúkdómar (9.1%). Þessum niðurstöðum ber saman við kannanir
á Hvammstanga (9) og í Skagafirði (16) nema hvað tíðni smit-
sjúkdóma reyndist, samkvrant landskönnuninni, mun hærri.
Skýringin er sú að sumir læknar flokkuðu kvef og aðra sjúkdóma
í öndunarfærum sem smitsjúkdóma vegna ókunnugleika á hinni
alþjóðlegu sjúkdóma- og dánarmeinaskrá.
Athygli vekur hve margir fengu lyfseðil sem úrlausn. Um 60%
samskipta leiddu til útgáfu lyfseðils. Samanburður á þessu
atriði er örðugur en af tölum má ráða að þetta hlutfall sé
jafnvel enn hærra í Reykjavík.
Tilvísanir til sérfræðinga eru hlutfallslega mun færri á rann-
sóknarsvæðinu en í Reykjavík þar eð 3.1% á móti 8.2% af sam-
skiptum leiddu til tilvísunar. Þegar tilvísanir til tannladcna
eru undanskildar, lækkar hlutfall tilvísana í 2.5% á landsbyggð-
inni. Hlutfall tilvísana miðað við komur á stofu eru 4.9% (eða