Fréttablaðið - 10.12.2022, Síða 4

Kærleikskúlan
2022
Kúla með stroku
eftir Karin Sander
Fáanleg til 23. desember
kærleikskúlan.is
Jól í skóginum
Nú á aðventunni gerast jólaævintýri í Guðmundarlundi í Kópavogi. Þar eru nú í boði sérstakar sýningar þegar rökkva tekur þar sem gestir ganga um skóginn og
rekast á ferð sinni um hann á ýmsar ævintýraverur á borð við Grýlu og Leppalúða og syni þeirra jólasveinana. Muna þarf að vera með vasaljós og klæða sig í hlý föt.
FRÉTTABLAÐIÐ/ERNIR
Orkuveita Reykjavíkur, HS
Orka og Landsvirkjun hafa
saman lagt til 36 milljónir til
að gera upp gufuborinn Dofra
og mun hann verða til sýnis
við Elliðaárstöð í Elliðaárdal.
benediktboas@frettabladid.is
SAMFÉLAG Gufuborinn Dofri olli
straumhvörfum í borun eftir heitu
vatni og gufu hér á landi þegar
útbreiðsla hitaveitna hér á landi var
örust. Í ljósi þess mikla sparnaðar,
bæði fyrir buddur almennings og
umhverfið, sem hitaveitunni fylgja
má segja að borinn sé einhver allra
verðmætasta einstaka vinnuvél
Íslandssögunnar.
Rétt eins og Gufuborinn, eins og
hann var fyrst kallaður, gerði lands-
mönnum kleift að fara úr olíukynd-
ingu í hitaveitur, hóf borinn sjálfur
feril sinn í olíubransanum í Banda-
ríkjunum. Reykjavíkurborg og ríkið
sameinuðust um kaup á honum árið
1957. Fyrsta holan var boruð með
honum við gatnamót Nóatúns og
Sigtúns í Reykjavík og sú síðasta
árið 1991 við Kröflu í Mývatnssveit.
Þess á milli átti þessi bor stærst-
an þátt í borun fyrir hitaveituna á
höfuðborgarsvæðinu í Mosfellsbæ,
í Reykjavík og á Nesjavöllum
meðan hitaveituvæðingu höfuð-
borgarsvæðisins var að ljúka eftir
olíukreppuna á 8. áratug síðustu
aldar.
Samk væmt upplýsingum frá
Orkuveitunni eru afar fá jarðhita-
svæðin sem Dofri snerti ekki á.
Hann var notaður í Svartsengi,
á Reykjanesi, á Seltjarnarnesi, í
Hveragerði og í Krýsuvík. Svo kom
hann í Mývatnssveitina og boraði
bæði í Bjarnarf lagi og við Kröf lu
og reyndar miklu víðar – meira að
segja í Færeyjum.
„Borinn var að drabbast niður
þegar HS Orka hafði frumkvæði að
því, á vettvangi Íslenska jarðhita-
klasans, að þessari merku sögu yrði
sómi sýndur með því að gera Dofra
upp,“ segir Birna Bragadóttir for-
stöðukona Elliðárstöðvar.
Það er vélsmiðjan VHE í Hafnar-
firði sem sér um viðgerðina en að
henni lokinni verður þessum merka
bor komið fyrir við Elliðaárstöð,
áfangastað við gömlu rafstöðina í
Elliðaárdal, sem Orkuveita Reykja-
víkur byggir nú upp.
„Við erum afskaplega stolt og
ánægð yfir því að fá Dofra til okkar
í Elliðaárdalinn enda hefur hann
svo sannarlega skipt sköpum í
okkar sögu. Hann verður nú hluti af
áfangastað sem við erum að byggja
upp í dalnum og munum við gera
honum góð skil,“ segir Birna. n
Verðmætasta vinnuvél
Íslandssögunnar gerð upp
Dofri við borun 1958 á Undralandstúninu í Reykjavík, nú við Nóatún. Líklega
er gufuborinn þarna að bora sína fyrstu holu. MYND/PÉTUR THOMSEN
Birna Bragadótt-
ir, forstöðukona
Elliðaárstöðvar
 benediktboas@frettabladid.is
SAMFÉLAG Nemendur í Salaskóla
vildu láta gott af sér leiða á aðvent-
unni og stóðu fyrir jólamarkaði nú
í vikunni.
Börnin ákváðu að gefa framlagið
til SOS Barnaþorpanna og nam það
120 þúsund krónum sem renna
óskiptar til fjölskyldueflingar SOS
Barnaþorpanna í Malaví.
Samkvæmt upplýsingum frá SOS
Barna þorp unum lögðu krakkarnir
mikið á sig. Allir tóku þátt í að gera
tíu mismunandi föndurvörur sem
voru til sölu á jólamarkaðnum.
Börnunum var skipt upp í 13 hópa
og fékk hver sölubás nafn eins jóla-
sveins. Alls voru til sölu 52 stykki af
föndri á hverjum bási en líka kaffi,
kakó, piparkökur og smákökur. Þar
að auki æfðu börnin skemmtiatriði,
lásu vísur og sungu.
Fjölskylduef ling SOS styður
við barnafjölskyldur sem búa við
krefjandi aðstæður og eiga á hættu
að missa börn sín frá sér. Fjölskyldu-
eflingin aðstoðar foreldra barnanna
við að standa á eigin fótum svo þeir
geti annast börnin sín. n
Yfir hundrað þúsund til Barnaþorpa
Krakkar úr fjórða bekk í Salaskóla.
MYND/AÐSEND
ser@frettabladid.is
ÚTIVIST Göngubrýrnar við Eskifell
og Kollumúla í Lóni, sem skemmd-
ust talsvert í óveðri í lok september,
verða lagaðar á næstu mánuðum.
Brýrnar auðvelda fólki leið inn í
eina mestu náttúruparadís Íslands,
Lónsöræfin, sem hafa hrifið æ fleiri
eftir að þau opnuðust ferðamönn-
um fyrir um þrjátíu árum.
Göngubrúin yfir Jökulsána við
Eskifell er ein sú lengsta á landinu,
95 metra löng. Hin brúin við Kollu-
múla er aftur á móti jafn stutt og
hún er nauðsynleg til að komast yfir
ána þar sem hún er hvað þrengst.
Skemmdirnar á Eskifellsbrúnni
voru sýnu meiri. „Það slitnaði hlið-
arstag og fjögur upphengisstög,“
segir Sveinn Þórðarson, verkefna-
stjóri hjá Vegagerðinni í nýjustu
framvæmdafréttum hennar. „Svo
bognuðu fjögur upphengisstög
sem halda uppi brúargólfinu, auk
þess sem stálbitar og vindgrindur
í gólfinu skemmdust,“ bætir hann
við. n
Gert við lengstu
göngubrú landsins
Önnur göngubrúnna. MYND/AÐSEND
2 Fréttir 10. desember 2022 LAUGARDAGURFRÉTTABLAÐIÐ