Morgunblaðið - 18.08.2022, Blaðsíða 20

BAKSVIÐ
Sigtryggur Sigtryggsson
sisi@mbl.is
Áform um umferðarstokka á helstu
umferðaræðum Reykjavíkur, á Sæ-
braut og Miklubraut, hafa verið til
umfjöllunar hér í Morgunblaðinu að
undanförnu. Þetta eru mikil mann-
virki, sem áætlað er að muni kosta
samtals yfir 37 milljarða króna, að
því er fram kemur á heimasíðu
Betri samgangna ohf. Sú upphæð á
mjög líklega eftir að hækka, sé tek-
ið mið af reynslunni.
Í framhaldi af umfjöllun um Sæ-
brautarstokkinn fékk blaðamaður
fyrirspurnir frá lesendum. Vildu
þeir fá að vita hver séu rökin fyrir
því að færa umferðina í stokka.
Þetta verði augsýnilega dýr mann-
virki en akreinarnar verði bara jafn
margar og eru á núverandi vegi.
Fyrirspurn um málið var send til
Vegagerðarinnar og til svara varð
Kristján Árni Kristjánsson verk-
efnastjóri.
Borgarlínan þverar
„Þegar litið er til skipulagsáætl-
ana og framtíðarþróunar á svæðinu
er stokkur á þessum kafla Sæbraut-
ar metinn sem sá kostur sem gæfi
mestan ávinning fyrir alla sam-
göngumáta. Vert er að nefna að
vegna uppbyggingar Vogabyggðar-
hverfis væri annars þörf á endur-
bættum, mislægum gatnamótum
Sæbrautar og Kleppsmýrarvegar/
Skeiðarvogs. Þar að auki er þörf á
mislægri þverun borgarlínu lotu 1
við Sæbraut úr Ártúni yfir á Suður-
landsbraut,“ segir Kristján.
„Stokkur fjarlægir svo þá hindr-
un sem Sæbraut er í dag milli
hverfanna, gefur möguleika á teng-
ingum milli Vogahverfis og nýrrar
Vogabyggðar fyrir gangandi og
hjólandi sem og möguleika á nýjum
byggingarreitum og almennings-
rýmum. Stokkalausnir auka um-
hverfisgæði í aðliggjandi byggð.“
Niðurstaða greiningar á val-
kostum til að bæta flæði umferðar á
kaflanum milli Stekkjarbakka og
Holtavegar, með tilliti til framtíð-
aráætlana á svæðinu, hafi verið sú
að sviðsmynd með Sæbraut í stokk
og mislæg gatnamót við Bústaðaveg
gæfu mestan ávinning litið til fram-
tíðar og allra ferðamáta. Með þessu
yrði Sæbraut mislæg frá Holtavegi,
fram yfir Bústaðaveg og áfram suð-
ur.“
Verkefnið Sæbraut í stokk sé
hluti af samgöngusáttmála ríkis og
sveitarfélaga á höfuðborgarsvæð-
inu.
Eins og fram hefur komið hér í
blaðinu hefur Vegagerðin gert það
að tilögu sinni að bráðabirgðavegur
verði lagður austan við Sæbraut á
framkvæmdatímanum. Kristján
segir aðspurður að ávinningur
þeirrar lausnar væri aðallega að
viðhalda ásættanlegu umferðarflæði
á framkvæmdatíma með því að
byggja bráðabirgðaveg með tvær
akreinar í hvora akstursstefnu fram
hjá framkvæmdasvæðinu. Þá gæfi
þessi leið einnig möguleika á að
byggja allt þversnið stokksins í
heilu lagi, sem myndi stytta fram-
kvæmdatímann.
Kostnaður við gerð Sæbrautar-
stokksins er áætlaður 15.500 millj-
ónir króna. Framkvæmdatími er
áætlaður 2024-2027.
Hver er staðan á Miklubrautar-
stokknum?
„Frumdragahönnun Miklubraut-
arstokks hefur verið boðin út og
stendur nú yfir val á ráðgjafa. Í
frumdrögum verður lagt mat á
hvort jarðgöng eða stokkur verði
fýsilegri kostur fyrir Miklubraut.
Áætlað er að vinnu frumdraga ljúki
á fyrri hluta næsta árs. Ekki hefur
verið endanlega ákveðið hve langur
stokkurinn verður, en það verður
hluti frumdragavinnunnar. Í gróf-
um dráttum verða metnir tveir mis-
munandi valkostir, annars vegar 1,5
kílómetra langur stokkur frá
Snorrabraut að (eystri) Kringlugötu
og hins vegar 2,5 km löng jarðgöng
frá Snorrabraut og austur fyrir
gatnamót Miklubrautar og Grens-
ásvegar og er hluti af vinnu frum-
draganna að greina á milli þessara
tveggja kosta,“ segir Kristján.
Betri samgöngur áætla að kostn-
aður við Miklubrautarstokk/göng
verði 21.800 milljónir. Fram-
kvæmdatími er 2025-2030.
Unnið eftir verðlaunatillögu
Því er við þetta að bæta að sam-
kvæmt upplýsingum sem fram
koma á vef Reykjavíkurborgar mun
með stokkalausnum verða til land
sem muni nýtast til uppbyggingar
íbúðarhúsa, útivistar o.fl. Til verður
verðmætt byggingarland sem borg-
in mun hafa tekjur af.
Tillaga Arkís arkitekta, Lands-
lags og Mannvits hlaut hæstu ein-
kunnina í hugmyndasamkeppni um
uppbyggingu í og við vegstokk á
Sæbraut, en úrslit voru tilkynnt
fyrr á þessu ári. Unnið verður með
þessa tillögu varðandi frekari út-
færslu Sæbrautarstokksins.
Stokkur gæfi mestan ávinning
- Vegagerðin segir að ef ekki verði ráðist í gerð Sæbrautarstokks þyrfti að byggja önnur umferð-
armannvirki - Möguleiki á tengingu milli Vogahverfis og Vogabyggðar - Íbúðir rísi á stokknum
Tölvuteikning/Arkís
Sæbrautin Þannig sjá arkitektarnir fyrir sér að stokkurinn gæti litið út að uppbyggingu lokinni. Þetta er vinnings-
tillagan sem unnið verður með. Fléttað er saman íbúðabyggð og útivistarsvæðum. Vogatorg fyrir miðri mynd.
20 FRÉTTIR
Innlent
MORGUNBLAÐIÐ FIMMTUDAGUR 18. ÁGÚST 2022
LC02
Leður
Verð frá 329.000,-
CASA býður upp á vaxtalausar raðgreiðslur (Visa / Euro) í allt að 6 mánuði.
HÆGINDASTÓLL
Skeifunni 8 | Sími 588 0640 | casa.is
Embætti hagstofustjóra var auglýst
laust til umsóknar í dagblöðunum
um síðustu helgi en forsætisráð-
herra skipar í embættið frá 1. nóv-
ember næstkom-
andi.
Umsóknarfrestur
er til og með 1.
september.
Skipuð verður
þriggja manna
hæfnisnefnd sem
metur hæfni um-
sækjenda og skil-
ar greinargerð til
ráðherra.
Fram kemur á
vef forsætisráðuneytisins að Ólafur
Hjálmarsson núverandi hagstofu-
stjóri hafi óskað eftir því að verða
færður til í starfi og mun hann taka
við starfi skrifstofustjóra fjármála-
ráðs frá og með 1. september nk.
Ólafur var skipaður í embætti hag-
stofustjóra 1. mars 2008 og hefur því
gegnt starfinu samfellt í rúm 14 ár.
Hann var áður skrifstofustjóri fjár-
lagaskrifstofu fjármálaráðuneytis-
ins. Fjármálaráð er sjálfstætt í störf-
um sínum og er því ætlað að tryggja
að fram fari hlutlægt mat á stefnu-
mörkun í opinberum fjármálum.
Núverandi staðgengli hagstofu-
stjóra, Elsu Björk Knútsdóttur, hef-
ur verið falið að sinna starfsskyldum
hagstofustjóra til 1. nóvember 2022.
Umsækjendur um embættið skulu
hafa háskólapróf í hagfræði, töl-
fræði, félagsfræði eða skyldum
greinum auk þekkingar og reynslu
af hagskýrslugerð.
Hagstofa Íslands tók til starfa
1914 og er ein af elstu stofnunum
þjóðarinnar. Hún er miðstöð opin-
berrar hagskýrslugerðar í landinu
og hefur forystu um framkvæmd
hennar og samskipti við alþjóða-
stofnanir á þessu sviði.
sisi@mbl.is
Fer frá Hagstofu
til fjármálaráðs
- Embætti hagstofustjóra auglýst laust
Ólafur
Hjálmarsson
Morgunblaðið/sisi