Morgunblaðið - 06.10.2022, Side 10

10 FRÉTTIR
Innlent
MORGUNBLAÐIÐ FIMMTUDAGUR 6. OKTÓBER 2022
Vörðum leiðina saman
Innviðaráðuneytið býður, í samvinnu við landshlutasamtök sveitarfélaga,
íbúum í öllum landshlutum til opins samráðs á fjarfundum í október
undir yfirskriftinni Vörðum leiðina saman.
Á fjarfundunum verður kastljósinu beint að framtíðaráskorunum
í málaflokkum ráðuneytisins. Meginviðfangsefni þeirra verða umræður
um stefnumótun í samgöngum, sveitarstjórnarmálum og húsnæðis- og
skipulagsmálum. Einnig verður fjallað um nýsamþykkta byggðaáætlun.
Öllum er velkomið að taka þátt í fjarfundunum, sem flestir eru haldnir milli
kl. 15:00-17:00 á auglýstum fundardögum. Fundirnir verða haldnir í gegnum
fjarfundarbúnaðinn Teams. Hægt er að skrá sig á vef Stjórnarráðsins —
www.stjornarrad.is/vordumleidinasaman. Skráningu lýkur daginn fyrir
hvern fund. Þátttakendur fá boð í tölvupósti til að tengja sig á fundina.
Fundardagar:
10. október – Höfuðborgarsvæðið
11. október – Suðurland
18. október – Austurland
19. október – Norðurland eystra
20. október – Norðurland vestra
24. október – Vestfirðir
26. október – Vesturland
27. október – Suðurnes
Stjórnarráð Íslands
Innviðaráðuneytið
Samráðmeð íbúum um stefnumótun
í samgöngum, sveitarstjórnarmálum
og húsnæðis- og skipulagsmálum.
Sigurður Bogi Sævarsson
sbs@mbl.is
Tilfinnanlegur skortur er á íbúðar-
húsnæði á Akureyri og nauðsynlegt
er að fá allt að 250 eignir til viðbótar
á söluskrá svo eðlilegur markaður
myndist. Þetta segir Björn Guð-
mundsson, framkvæmdastjóri og
löggiltur fasteignasali hjá Byggð á
Akureyri. Á síðstu átján mánuðum
segir hann að fasteignaverð í bæn-
um hafi hækkað um nærri fjórðung
þó hækkunin geti verið örlítið
breytileg milli eignaflokka. Verð-
hækkanir á síðasta eina og hálfa
árinu hafi fyrst náð til íbúða í fjölbýli
og svo yfir allan markaðinn. Nú hafi
þetta ferli stöðv-
ast og jafnvægi
myndast, að
minnsta kosti
tímabundið.
„Stóru frétt-
irnar í hækkun-
um síðustu miss-
era er að nú
sjáum við ein-
staka eignir hér
á Akureyri oftar
en ekki seljast á yfir 100 milljónir
króna. Þetta gildir þá um einbýlis-
hús og stærri eignir, sem eru
kannski 200 fermetrar með bílskúr.
Mörg slík hús eru hér í bænum og í
öllum hverfum,“ segir Björn Guð-
mundsson. „Á undanförnum árum
hafa vissulega nokkrum sinnum
komið í sölu stór hús sem hafa
sprengt hundrað milljóna króna
múrinn. Slíkt hefur hins vegar verið
undantekning. Nú er þetta hins
vegar nánast að verða regla.“
Á landsvísu hefur að undanförnu
mjög hægt á hækkun fasteigna-
verðs. Í dag fylgir verðið þróun
verðlags en fer ekkert þar umfram.
„Alveg fram á síðustu mánuði var
markaðurinn seljendamarkaður en
nú sýnist mér að kaupendamark-
aður sé að myndast. Þar sem verð-
hækkanir hafa stöðvast leiðir það til
þess að ýmsir, sem keyptu eignir til
að festa fé sitt og fá góða ávöxtun,
gætu sett þær í sölu til að tryggja
sína rentu enn betur. Þá er fjöldi
nýrra íbúða á Akureyri í byggingu,
það er í svonefndu Holtahverfi,
eignir sem koma í sölu með vorinu.
Framboðið er því að aukast og verð
að ná jafnvægi, þó svo stóru eign-
irnar verðleggist áfram á 100 millj-
ónir kr. eða þaðan af meira,“ segir
Björn Guðmundsson.
Íbúðaskorturinn á Akureyri er mikill
- Fasteignaverð hækkaði um fjórðung á 18 mánuðum - Múrinn rofinn - Stóru fjölskylduhúsin nú
verðlögð á meira en 100 millj. kr. - Kaupendamarkaður hefur myndast - Jafnvægi er nú að nást
Morgunblaðið/Sigurður Bogi
Akureyri Jöfn fólksfjölgun í bænum kallar á aukið framboð íbúða.
Björn
Guðmundsson
Farið verður
fram á áfram-
haldandi gæslu-
varðhald yfir
mönnunum
tveimur sem
grunaðir eru um
að hafa staðið að
skipulagningu
hryðjuverka hér
á landi. Þetta
staðfesti Ólafur
Þór Hauksson
héraðssaksóknari í samtali við
mbl.is í gær.
Mennirnir hafa þegar setið í
gæsluvarðhaldi í tvær vikur, en
gæsluvarðhaldsúrskurður yfir
þeim rennur út í dag. Ólafur vildi
ekki gefa upp hvað yrði farið fram
á langt varðhald.
„Kröfugerðin er í smíðum. Beiðn-
in verður lögð fram fram og fjallað
um hana á morgun [í dag].“
Þá vildi hann ekki segja til um
hvort þess yrði krafist að mennirnir
sættu áfram einangrun, en þeir
hafa verið í einangrun frá því þeir
voru handteknir þann 21. sept-
ember síðastliðinn.
Talin þörf á einangrun
Lögmenn mannanna hafa gagn-
rýnt hve lengi mennirnir hafa verið
í einangrun, en í samtali við mbl.is á
mánudag sagði Ólafur að talin væri
þörf á einangrun vegna rann-
sóknarhagsmuna.
Ekki væri krafist einangrunar
nema talin væri þörf á því að beita
henni. Lögreglan gæti svo dregið
úr takmörkunum eftir þörfum.
Farið fram á lengra
gæsluvarðhald yfir
mönnunum tveimur
Hryðjuverkamál
Vopn sem lagt var
hald á í málinu.
Karlmaður á
fimmtugsaldri
var í síðustu
viku dæmdur í
þriggja og hálfs
árs fangelsi í
Héraðsdómi
Reykjaness fyrir
að hafa í vörslu
sinni um 5,7 kg
af amfetamíni
og amfetamín-
vökva.
Í dóminum kemur fram að lög-
regla hafi fundið 4,7 kg af amfeta-
míni með 70-72% styrkleika og
990 ml af amfetamínvökva með
61% styrkleika ofan í frystikistu í
geymslu íbúðar í Hafnarfirði.
Þá hafði maðurinn einnig í
vörslu sinni tvö sverð, útdragan-
lega kylfu, tvö handjárn, lásboga
og gasskotvopn, en lögreglan fann
þau einnig í umræddri geymslu.
Maðurinn, Garðar Ingvar Þor-
mar, játaði brot sín skýlaust og
var hann fundinn sekur á grund-
velli játningar sinnar.
Dæmdur í fangelsi
fyrir fíkniefnabrot
Héraðsdómur
Reykjaness.