Morgunblaðið - 31.12.2022, Blaðsíða 12

MORGUNBLAÐIÐ LAUGARDAGUR 31. DESEMBER 2022
DAGLEGTLÍF12
Gl ði ge le t
n áýtt r
Þökkum ánægjulega samfylgd
við að byggja vistvænni framtíð.
Samanlagt 365 ferðir
og helst fleiri ættu
ekki að verða nokkurt
einasta mál
Sigurður Bogi Sævarsson
sbs@mbl.is
Á
rið byrjar með áhlaupi og
útlit er fyrir góða þátttöku.
Við verðumenga stund að
ná settumarki og vonandi
gott betur,“ segir Erla
Guðmundsdóttir, íþróttafræðingur og
heilsumarkþjálfi í Kópavogi. Að frum-
kvæði hennar ætlar fjöldi fólks þar í
bæ að bregða undir sig betri fætinum
2. janúar næstkomandi og hlaupa um
Himnastigann svonefnda.Ætlunin er að
samanlagt verði ferðirnar upp og niður
stigann ekki færri en 365, jafn margar
og dagar ársins. Hver og einn þátttak-
andi getur farið jafn margar ferðir og
sá eða sú kýs; þátttakan og hreyfingin
eru aðalatriðið.
Umferðarmiðstöð í brekkunni
Himnastiginn svonefndi er þekkt
kennileiti í Kópavogi. Þetta er tröppu-
stígur sem liggur frá skátaheimilinu
við Digranesveg og þaðan upp háa og
bratta brekku. Milli enda er hækkunin
52 metrar, sem jafngildir nítján hæða
byggingu. Tröppurnar í stiganum eru
alls um 207 og á 360 metra langri leið
þverar stígurinn Hlíðar-, Brekku- og
Heiðarhjalla og endar viðDigranesheiði.
Braut þessi varð til á árunum 1995 til
2000 jafnhliða uppbyggingu íbúðahverf-
is í Digraneshlíðum.
Íþróttafólk komst fljótt upp á lagið
með að nota sér þessa aðstöðu meðal
annars til þrekæfinga svo þetta er í raun
einn vinsælasti útivistarstaðurinn á höf-
uðborgarsvæðinu. Á öllum tímum er
fólk þarna á ferðinni. ÁCovid-tímanum
þegar líkamsræktarstöðvar voru lokað-
ar og samgöngutakmarkanir hvarvetna
var þó alltaf hægt að komast í Himna-
stigann sem þá á góðum degi var eins
og fjölfarin umferðarmiðstöð.
Erla Guðmundsdóttir hefur alla tíð
stundað margvíslega hreyfingu og sótt
sér þannig orku til dagsins anna. Hún
er íþróttakennari við Menntaskólann
viðHamrahlíð í Reykjavík. Hefur í árar-
aðir tekið börn og foreldra á námskeið
í ungbarnasundi. Tekur einnig fólk í
heilsumarkþjálfun, það er þau semvilja
taka sér takmeð hreyfingu og breyttum
lífsstíl en þurfa aðhald og góðar leið-
beiningar svo takmörk og árangur náist.
Hreyfamig á hverjumdegi
„Fyrir árið 2022 var takmarkmitt að
hreyfa mig eitthvað á hverjum degi og
þá helst ekki minna en í hálftíma, sem
er í raun heppilegt markmið. Þetta hef-
ur mér tekist. Aðeins einn dagur hefur
dottið út, það var 9. maí þegar ég lá
heima í flensu,“ segir Erla. „Í þessu ver-
kefni ársins hefur allt mögulegt komið
til. Öll hreyfing er góð, hverju nafni sem
húnnefnist. Ég hef til dæmis tekið götu-
og utanvegahlaup, farið í crossfit, sund,
hjólreiðar, jóga og núna á síðustu dögun-
um hafa gönguskíðin komið sterk inn.
Ég finn að þetta er alveg frábært fyrir
heilsuna og vil láta orðið berast. Þess
vegnameðal annars efndi ég til þessarar
áskorunar sem ég hlakka mikið til.“
Hlaupið á sjömínútum
Um 80 manns höfðu í gær skráð sig
til þátttöku í Himnastigaferðinni,
fólk sem gjarnan ætlaði að taka
eina til tvær ferðir upp og niður
stigann. Hlaupandi ætti fólk að
komast um stigann fram og til baka
á 6-7 mínútum en 10-11 mínútum
gangandi. Í gegnum Facebook-síðu
viðburðarins skráir fólk fjölda ferða
sinna en hægt er að taka sprettinn
frá því klukkan 6 um morguninn
fram til kl. 23.
„Fyrir utan fólk semhefur skráð sig til
þátttöku veit ég líka umaðminnsta kosti
tvo hlaupahópa hér í Kópavogi semætla
að reyna sig við Himnastigann. Saman-
lagt 365 ferðir og helst fleiri ættu ekki að
verða nokkurt einastamál ogKópavogs-
bær hefur staðið sig frábærlega í því að
moka snjó af tröppum stigans og næsta
nágrenni hans. Að byrja nýtt ár 2. janúar
á þessari hressilegu áskorun verður því
bara skemmtilegt.“
Himnastiginn er áskorun ársins
Hreyfing! Áskorun Erlu.
Ekki færri en 365 ferðir.
Upp og niður í Kópa-
vogi. Skemmtilegur
viðburður 2. janúar og
margir hafa skráð sig
til leiks. 207 tröppur og
hækkunin er 52 metrar.
Morgunblaðið/Sigurður Bogi
LífsgleðiAð byrja nýtt ár 2. janúar á þessari hressilegu áskorun er því bara skemmtilegt, segir Erla Guðmundsdóttir, hér ofarlega í stiganum góða.
TröppurHimnastiginn er þekkt kennileiti. Nær úr Kópavogsdalnum upp á
Digranesheiði. Vinsæll staður til útivistar og alls konar hreyfingar.
Heimurinn verður sífellt heitari
Mannkynið verður að ná jafnvægi
Árið 2023 verður eitt hið heitasta í
heiminum frá því mælingar hófust.
Hitastig verður að minnsta kosti
einni gráðu yfir meðallagi sem
er 10. árið í röð sem slíkt gerist,
segir breska veðurstofan. Frá þessu
er greint í frétt á vef BBC. Þetta
telja vísindamenn skýrt dæmi um
áhrif lofslagsbreytinga, enda hafi
hitastig í heiminum hækkað um 1,1
gráðu miðað við tíma iðnbyltingar-
innar á árunum 1750-1900. Á þeirri
einu og hálfu öld var farið að
brenna jarðefnaeldsneyti í áður
óþekktum mæli sem losaði um
hitamyndandi lofttegundir út í
andrúmsloftið.
„Veðrátta í veröldinni hvetur
mannkynið til að ná jafnvægi í
kolefnisútblæstri. Öfgafull dæmi
um hita, þurrka og miklar rigningar
blasa hvarvetna við okkur,“ sagði
Richard Allan, prófessor í loftslags-
vísindum við háskólann í Reading í
Englandi við BBC News.
Árið 2022 voru hitamet slegin
víða, svo sem í Bretlandi, þar sem
hitastig fór yfir 40°. Hrikalegir
skógareldar af völdum hlýinda,
komu upp bæði Evrópu og Ástral-
íu. Svipaða sögur er að segja frá
Pakistan og Indlandi þar sem hita-
stig í maí sl. náði 51°. Því er spáð
að hækkandi hitastig hafi hrikaleg
áhrif á menn og náttúru og má í
því sambandi nefna meiri þurrka,
eyðimerkurmyndun og sjúkdóma
ýmiss konar. sbs@mbl.is
Náttúra Sólin hnígur til viðar í reykmettuðu lofti á tímum skógarelda í
Kaliforníu á árinu. Áhrif slíkra hamfara geta verið mikil og mjög langvarandi.