Morgunblaðið - 31.12.2022, Blaðsíða 51

Subway-deild karla
Grindavík – Þór Þ.................................... 95:93
Breiðablik – Haukar............................. (62:57)
 Leiknum var ekki lokið þegar blaðið fór
í prentun.
NBA-deildin
Charlotte – Oklahoma City.................. 121:113
Indiana – Cleveland ............................. 135:126
Boston – LA Clippers........................... 116:110
Toronto – Memphis.............................. 106:119
San Antonio – New York..................... 122:115
Dallas – Houston................................... 129:114
Staðan í Austurdeild:
Boston 26/10, Brooklyn 23/12, Milwaukee
22/12, Cleveland 22/14, Philadelphia 20/13,
Indiana 19/17, Miami 18/17, New York 18/18,
Atlanta 17/18, Chicago 15/19, Toronto 15/20,
Washington 15/21, Orlando 13/23, Charlotte
10/26, Detroit 9/28.
Staðan í Vesturdeild:
New Orleans 22/12, Denver 22/12, Memphis
21/13, LAClippers 21/16, Phoenix 20/16, Dallas
20/16, Sacramento 18/15, Portland 18/16, Utah
19/18, Golden State 18/18, Minnesota 16/19,
Oklahoma City 15/20, LA Lakers 14/21, San
Antonio 12/23, Houston 10/25.
Þýskaland
Metzingen – Neckarsulmer ............... 35:32
 Sandra Erlingsdóttir skoraði 4 mörk fyrir
Metzingen.
Buxtehuder – Zwickau ....................... 27:26
 Díana Dögg Magnúsdóttir skoraði 4 mörk
fyrir Zwickau.
Svíþjóð
Kristianstad – Helsingborg ............... 34:19
 Ásgeir Snær Vignisson var ekki í leik-
mannahópi Helsingborg.
Vináttulandsleikir karla
Túnis – Suður-Kórea .............................. 35:32
Pólland – Brasilía..................................... 31:23
ÍÞRÓTTIR 51
MORGUNBLAÐIÐ LAUGARDAGUR 31. DESEMBER 2022
Larsen ráðinn
landsliðsþjálfari
Daninn Kenneth Larsen hefur
verið ráðinn landsliðsþjálfari
karla- og kvennaliða Íslands í bad-
minton. Larsen tekur til starfa 1.
janúar 2023 og mun starfa fyrstu
vikurnar við hlið Helga Jóhannes-
sonar, sem hefur verið landsliðs-
þjálfari síðan 2019.
Larsen var áður landsliðsþjálf-
ari Íslands frá 2004 til 2007 og
samkvæmt tilkynningu frá Bad-
mintonsambandi Íslands hlakkar
hann til þess að vinna aftur með
íslenskum þjálfurum og spilurum.
Ljósmynd/BSÍ
EndurkomaKenneth Larsen er tek-
inn við íslenska landsliðinu á ný.
Ronaldo búinn
að semja?
Bandaríski miðillinn CBS Sports
greindi frá því í gær að portú-
galski knattspyrnumaðurinn
Cristiano Ronaldo væri búinn að
skrifa undir samning við sádi-ar-
abíska félagið Al-Nassr. Að sögn
miðilsins skrifaði Ronaldo undir
samninginn, sem færir honum
75 milljónir bandaríkjadala í
árslaun, í gær.
Áætlað er að félagið tilkynni
formlega um skiptin eftir leik
liðsins gegn Al-Khaleej í sádi-ar-
abísku deildinni í dag.
AFP/Patrícia de Melo Moreira
Sádi-Arabía Svo virðist sem Ronaldo
sé búinn að finna sér nýtt félag.
Hver er besti knattspyrnumað-
ur sögunnar?
Svarið sem þú færð við þessari
spurningu ræðst að miklu leyti af
aldri viðkomandi.
Ef hann fæddist fyrir árið 1960
(er sem sagt eldri en ég) eru
yfirgnæfandi líkur á að svarið
sé: Pelé.
Ef hann fæddist á tímabilinu
1960 til 1980 eru allar líkur á að
svarið sé: Diego Maradona.
En sé viðkomandi fæddur eftir
það er viðbúið að svarið verði
annaðhvort Cristiano Ronaldo
eða Lionel Messi.
Nú í árslok 2022 er Messi líkleg-
asta svarið eftir framgöngu hans
á heimsmeistaramótinu í Katar.
Samanburður eins og þessi
er alltaf afstæður og unga kyn-
slóðin í dag spyr einfaldlega: Ha,
hver var þessi Pelé?
Í dag sjáum við hvert skref og
hverja hreyfingu hjá Messi, Rona-
ldo og öðrum fremstu fótbolta-
mönnum heims. Við fengum
Maradona í beinum útsendingum
frá HM 1986, 1990 og 1994.
Eldri kynslóðirnar sáu í sjálfu
sér ekki mikið til Pelé, en heyrðu
og lásu þeim mun meira um
þennan brasilíska snilling.
Þegar Brasilía varð
heimsmeistari 1970, með lið
sem talið hefur verið það besta í
sögunni og með Pelé sem besta
mann keppninnar, sáum við að-
eins stuttar fréttamyndir daginn
eftir úrslitaleikinn.
En hvað sem öllum samanburði
líður þá er einstakur maður
fallinn frá. Pelé hafði gríðarleg
áhrif á fótboltann og á líf fólks
um allan heim. Það sést best á
viðbrögðum heimsbyggðarinnar
við andláti hans.
BAKVÖRÐUR
Víðir Sigurðsson
vs@mbl.is
Pelé, eign heimsbyggðar
lBrasilíski knattspyrnusnillingurinn á forsíðumheimsblaðanna í hinsta sinn
lFyrirmynd ungmenna sembraust úr fátækt til frægðarmeð fótboltanum
Hvar varstu þegar þú fréttir að
Kennedy hefði verið skotinn í
Dallas? Það muna allir sem voru
komnir til vits og ára í nóvember
1963.
Hvar varstu þegar þú fréttir að
John Lennon hefði verið skotinn í
New York? Það muna allir sem voru
komnir til vits og ára í desember
1980.
Hvar varstu þegar þú fréttir af
friðsælu andláti Pelé á sjúkrabeði
í São Paulo að kvöldi 29. desember
2022?
Án þess að fara frekar út í
samanburð á Kennedy, Lennon
og Pelé, forseta, listamanni og fót-
boltamanni, þá var fréttin um að
brasilíski knattspyrnusnillingurinn
væri allur, um kvöldmatarleytið í
fyrrakvöld, sú fyrirferðarmesta í
fjölmiðlum um allan heim næstu
klukkutímana. Næsta sólarhringinn.
Athyglin var meiri en margur
þjóðarleiðtoginn hefði fengið. Þetta
var forsíðufrétt heimsbyggðarinnar
þrátt fyrir að maðurinn væri 82 ára
gamall og ljóst hefði verið síðustu
dagana hvert stefndi.
Og, já, það má alveg skjóta að
þeirri merkilegu tilviljun að bæði
Lennon og Pelé fæddust í október
árið 1940, með nokkurra daga
millibili.
Afrekaskrá Pelé ein og sér er löng
og viðamikil og hér verður aðeins
stiklað á því stærsta en varðandi
ítarlegri frásagnir af helstu afrekun-
um er bent á greinina: Pelé er látinn,
sem birtist á mbl.is í fyrrakvöld.
Einstök afrekaskrá
Heimsmeistari með Brasilíu 1958,
1962 og 1970. Skoraði tvö mörk í
úrslitaleik HM 1958, þá 17 ára gam-
all, og valinn besti leikmaður HM
1970. Valinn besti ungi leikmaður
HM 1958 og næstbesti leikmaður
keppninnar. Varð fyrstur til að skora
á fjórum heimsmeistaramótum.
Hlaut Gullboltann, Ballon d’Or,
sem besti knattspyrnumaður heims
1958, 1959, 1960, 1961, 1963, 1964 og
1970.
Sigurvegari í Intercontinental
Cup, keppni bestu félagsliða Suð-
ur-Ameríku og Evrópu, með Santos
1962 og 1963 eftir sigra á Benfica og
ACMilan.
Sigurvegari í Intercontinental
Supercup, keppni milli fyrri sigur-
vegara í áðurnefndri keppni, árið
1968 eftir sigur á Inter Mílanó í
úrslitaleik.
Brasilískur meistari með Santos
1961, 1962, 1963, 1964, 1965 og 1968.
Markakóngur í Brasilíu 11 sinnum
frá 1957 til 1973.
Markamet hans í brasilísku
deildinni, 58 mörk í 38 leikjum árið
1958, hefur aldrei verið slegið.
Bandarískur meistari með New
York Cosmos 1977.
Deildi titlinum besti knattspyrnu-
maður 20. aldarinnar hjá FIFA
með Argentínumanninum Diego
Maradona.
Skoraði 775 mörk í 840 opinberum
mótsleikjum og samtals 1.281 mark
í 1.363 leikjum á ferlinum. Hann á
markamet brasilíska landsliðsins,
77 mörk í 92 leikjum, en Neymar
jafnaði það fyrr í þessummánuði.
Þó einhverjum kunni að finnast
þessi upptalning löng og glæsileg þá
eru þetta bara allra stærstu atriðin
á ferilskrá Pelé sem var tengdur
fótboltanum til hinsta dags og fylgd-
ist með heimsmeistarakeppninni
í síðasta skipti af sjúkrabeði í São
Paulo fyrr í þessummánuði.
Besti leikur gegn Benfica
Sjálfur sagði Pelé að sinn besti
leikur hefði verið þegar Santos
vann Evrópumeistara Benfica 5:2 í
Lissabon í seinni úrslitaleik liðanna í
áðurnefndri keppni Suður-Ameríku
og Evrópu árið 1962. Santos hafði
unnið nauman heimasigur, 3:2, í
fyrri leiknum en Pelé fór hamförum
í Lissabon og kom brasilíska liðinu
í 5:0 með þrennu. Hann gerði fimm
af átta mörkum Santos í leikjunum
tveimur.
Íþróttamaður aldarinnar
Fjölmargir fjölmiðlar og fleiri
aðilar um allan heim kusu hann
íþróttamann 20. aldarinnar, þar
á meðal alþjóðaólympíunefndin,
enda þótt Pelé hefði aldrei keppt á
Ólympíuleikum, þar sem atvinnu-
menn voru ekki gjaldgengir. Hann
fékk ekki síður fjölda viðurkenninga
eftir að ferlinum lauk en á meðan
hann lék fótbolta sem atvinnumaður
frá 15 ára aldri og þar til hann lék
kveðjuleikinn 37 ára gamall.
Það var við hæfi að sá leikur var
á milli Santos og New York Cosmos
á troðfullum Giants-leikvanginum
í New York 1. október 1977. Fram
að komu Pelé til Bandaríkjanna
árið 1975 höfðu fáir þar í landi
einhverja þekkingu á knattspyrnu,
eða „soccer“ eins og íþróttin kallast
þar, en áhuginn fyrir brasilíska
snillingnum smitaði út frá sér og
kom knattspyrnunni á kortið í þessu
stóra landi.
Þjóðargersemi
Ríkisstjórn Brasilíu og forseti lýstu
Pelé formlega sem „þjóðargersemi“
árið 1961 þegar hann var rétt tvítug-
ur að aldri og það segir sitt um stöðu
hans sem þjóðhetju í landinu. Hann
var um leið fyrirmynd óteljandi
ungmenna í heimalandi sínu sem
sáu hvernig var hægt að brjótast frá
fátækt til frægðar. Pelé nýtti sér líka
frægðina til góðra verka því hann
barðist fyrir og studdi alls konar þró-
unarverkefni, heima sem erlendis.
Knattspyrnuritstjóri The Times,
Henry Winter, skilgreindi Pelé og
áhrif hans í fáum en meitluðum orð-
um í gær: „Pelé tilheyrði ekki bara
Brasilíu. Hann tilheyrði heimsbyggð-
inni.“
PELÉ
Víðir Sigurðsson
vs@mbl.is
AFP
Bestur Pelé var á hátindi frægðar sinnar í úrslitaleik HM í Mexíkó sumarið 1970 þegar hann skoraði eitt mark og
lagði upp tvö í úrslitaleiknum. Brasilía vann Ítalíu 4:1 og Pelé var besti leikmaður keppninnar.
Þrefaldur Pelé með heimsstyttuna eftirsóttu en þann verðlaunagrip hefur
hann unnið oftast allra, árin 1958, 1962 og 1970 með Brasilíu.