Morgunblaðið - 01.12.2022, Side 2

Bjarni Viðar Sigurðsson - keramiker
Það er keramiklistamaðurinn Bjarni Viðar Sigurðsson
sem á heiðurinn af öllum borðbúnaði í myndaþáttum
okkar. Bjarni er einn af okkar fremstu listamönnum og
eru verk hans seld í virtum hönnunarverslunum um heim
allan. Bjarni útrskrifaðist frá Århus kunstadademi árið
2000 og sama ár setti hann á laggirnar vinnustofu. Hann
hefur tekið þátt í fjölda sýninga og eru verk úr hans
smiðju í eigu ýmissa opinberra aðila, fyrirtækja og einka-
aðila um heim allan. Þess má geta að Bjarni framleiðir
í dag sérstaka muni fyrir ýmsa veitingastaði á Íslandi.
Hann vinnur mikið að gerð ýmiss konar glerungs og
starfar í dag með fleiri hundruð tegundir, sem gefa fleiri
þúsund möguleika á útkomum á þeim. Hann hefur leikið
sér að gerð glerungs í rúm 20 ár og öðlast mikla reynslu
og þekkingu á hinum endalausu túlkunarmöguleikum
sem glerungur ljær leirlistinni. Í þeim leik hefur hann brotið margar hefðbundnar verklagsreglur um gler-
ungsgerð og meðferð hans í viðleitni sinni til að fá fram ákveðna áferð og litbrigði.
Bjarni vinnur allt í Unika-verkum, hvort sem um er að ræða stór eða smá verk. Hvert og eitt verk er
skráð með númeri sem sýnir hvað það hefur fengið af glerungi. Þetta þýðir að Bjarni er með öll sín verk
skráð hjá sér sem hann hefur gert frá námi. Ekkert er unnið af handahófi, heldur skráð eftir kerfi og allt
eftir því hvað hvert verk mun fá af glerungi. Við hverja brennslu er alltaf nýr glerungur með og/eða nýjar
samsetningar af honum. Einnig eru mörg verka hans brennd mörgum sinnum.
2 MORGUNBLAÐIÐ FIMMTUDAGUR 1. DESEMBER 2022
Útgefandi Árvakur Umsjón og skrif Þóra Kolbrá Sigurðardóttir Ljósmyndir Kristinn Magnússon
kristinnm@mbl.is Auglýsingar Jón Kristinn Jónsson jonkr@mbl.is Prentun Landsprent ehf.
Forsíðumynd:
Kristinn Magnússon
Jólahefðirnar
Ö ll höfum við okkar jólahefðir sem við ríghöldum í. Hefðir
sem eru svo mikilvægar að fólk er tilbúið að arka um fjöll
og firnindi í leit að fugli í útrýmingarhættu því annars
verði bara engin jól og guð forði okkur frá því að borða
skoskar villidúfur. Það er bara ekki það sama.
Hamborgarhryggur virðist vera langvinsælasta jólamáltíðin hér á landi
og fast á hæla honum koma svo kalkúnn, hangikjöt og ýmislegt annað sem
við getum vart haldið jólin án.
Í minni fjölskyldu er kjölfestumáltíðin um jólin hangikjöt og kartöflusalat
en þetta margfræga salat á sér sögu sem mér finnst um margt áhugaverð.
Móðir mín kynntist þessu salati á heimili vinafólks síns þegar hún var
ung og tók strax ástfóstri við það. Hún kynnti það til leiks á heimili foreldra
sinna þar sem það náði töluverðum vinsældum og náði þar fótfestu. Alla
mína æsku fórum við í jólaboð til ömmu og afa þar sem boðið var upp á kalt
hangikjöt og kartöflusalat. Ég varð því nokkuð hissa þegar ég frétti af því
að þorri þjóðarinnar borðaði hangikjötið heitt með soðnum kartöflum og
jafningi.
Í fyrsta sinn sem ég bauð eiginmanni mínum (sem er matreiðslumaður)
upp á salatið starði hann opinmynntur á aðfarirnar og spurði hvort ég
væri að grínast. Það vantaði allt bragð í þetta salat. Ég brást við af minni
alræmdu yfirvegun og sagði það alrangt enda væri salatið hið fullkomna
mótvægi við salt hangikjötið. Hann hristi hausinn og þegar ég dró fram
paprikukryddið, sem er nauðsynlegt að sáldra ofan á salatið, hristi hann
hausinn einfaldlega meira og gafst upp.
Frá þeim örlagaríka degi þegar móðir mín tók ástfóstri við salatið hefur
það verið máttarstólpinn í jólahaldi fjölskyldunnar og ég hef staðfastlega
boðað fagnaðarerindið af mikilli ákefð. Meira að segja eiginmaðurinn fær
sér af því þótt hann stelist til að salta það og vera með smá bragðbætandi
vesen.
Meira að segja tengdafjölskylda mín virðist loksins vera að sjá ljósið og
um helgina kláruðust heilar tvær skálar af því og létu menn nokkuð vel af
því.
Þetta kartöflusalat er nákvæmlega ekkert merkilegt og eins einfalt
og hugsast getur. Bara kartöflur, egg, laukur og majónes. Helst í réttum
hlutföllum. Þetta er síðan borðað með köldu hangikjöti og kryddað með
paprikudufti. Eins metnaðarlaus matseld og hugsast getur.
En í mínum huga … og fjölskyldunnar boðar þetta salat
komu jólanna. Þannig er það nefnilega með jólahefð-
irnar. Hversu ómerkilegar sem þær kunna að v
þá skipta þær okkur svo miklu máli og þrátt fy
allar gjafir og glingur eru það þessi litlu atriði
sem öllu máli skipta.
Matur er manns megin og jólamaturinn er
heilagur. Í þessu blaði höfum við fjölda góðra
uppskrifta frá okkar besta fólki og ætti enginn
að verða fyrir vonbrigðum. Það er alltaf gam-
an að prófa eitthvað nýtt og breyta aðeins
til … svo lengi sem burðarstykkin halda sér.
Fyrir hönd Matarvefjar mbl.is óska ég
ykkur gleðilegra jóla og vona að ykkur verði
að góðu.
Aníta Ösp Ingólfsdóttir -matreiðslumeistari
Aníta útskrifaðist sem matreiðslumeistari árið 2016 en hefur unnið
við matreiðslu síðan hún var 14 ára. Hún hefur unnið á veitingastöð-
um um allan heim á borð við Batard í New York, Grace, BOKA og
Yusho í Chicago og Sabor á Bahamaeyjum.
Hún hefur verið yfirkokkur, einkakokkur og allt þar á milli enda
einstaklega fjölhæfur matreiðslumaður og hokin af reynslu. Þetta eru
fjórðu jólin í röð þar sem Aníta sér um jólamatinn og eins og sam-
starfsfólk hennar getur staðfest eru uppskriftirnar í þessu blaði hver
annarri girnilegri.
irðast
rir
Þóra Kolbrá Sigurðardóttir
umsjónarmaður matarvefjar mbl.is
Elva Hrund Ágústsdóttir -
stílisti/útstillingahönnuður
Elva er innanhússhönnuður að mennt og er mikill fagurkeri. Hún bjó átta
ár í Danmörku þar sem hún starfaði meðal annars hjá hinu virta hönnunar-
fyrirtæki Muuto.
Elva starfaði lengi vel á tímaritinu Húsum og híbýlum sem blaðamað-
ur, stílisti og ritstjóri. Eins hefur hún komið að mörgum verkefnum hér
heima og erlendis fyrir fyrirtæki á borð við Epal, Bioeffect, Fólk Reykjavík,
Vodafone, Mads Nørgaard og Magasin-verslananna í Danmörku – ásamt
verkefnum í Berlín og Finnlandi, svo eitthvað sé nefnt. Hún hefur af-
burðasmekk og á heiðurinn af glæsilegu útliti þessa blaðs.
Fólkið á bak við blaðið
KristinnMagnússon - ljósmyndari
Kristinn útskrifaðist sem ljósmyndari frá The Art Institute of Fort
Lauderdale í Flórída 2005. Eftir útskrift hélt hann til Flórída þar sem hann
starfaði sem ljósmyndari en þegar heim til Íslands var komið 2006 hóf
hann störf hjá útgáfufyrirtækinu Birtíngi þar sem hann myndaði fyrir blöð
eins og Nýtt líf, Hús og híbýli og Gestgjafann. Árið 2011 tók hann við
sem yfirmaður ljósmyndadeildarinnar hjá Birtíngi og gegndi því starfi til
2013. Kristinn hefur starfað fyrir margar af stærstu auglýsingastofum
og fyrirtækjum landsins og hefur frá árinu 2017 verið ljósmyndari hjá
Morgunblaðinu.
Hann hefur unnið til fjölda verðlauna, meðal annars fyrir Tímaritamynd
ársins árið 2021 sem var eimitt mynd úr Hátíðarmatarblaði Morgun-
blaðsins.