Morgunblaðið - 01.12.2022, Síða 22

22 MORGUNBLAÐIÐ FIMMTUDAGUR 1. DESEMBER 2022
Piparmyntu-
makkarónur
150 g möndlumjöl
150 g flórsykur
110 g eggjahvítur
svolítið salt
grænn matarlitur
Sykursíróp
150 g sykur
28 g vatn
@ Blandið saman flórsykri og
möndlumjöli í matvinnsluvél. Sigtið
blönduna í stóra skál.
@ Vigtið 55 g af eggjahvítum og
grænum matarlit og setjið í litla
skál. Blandið þangað til að eggin
eru orðin græn (ekki þeyta).
@ Hellið grænu eggjahvítunum yfir
þurrefnin og blandið vel, deigið á
að vera þykkt.
@ Setjið afganginn af eggjahvítun-
um (55 g) og salt í hrærivélarskál
Eftirréttadrottningin Ólöf
með þeytara og byrjið að léttþeyta.
@ Sjóðið saman vatn og sykur.
Þegar sykursyrópið er komið upp í
118°C, hellið því rólega yfir eggja-
hvíturnar. (Setjið á hæstu stillingu
á hrærivélinni). Þeytið þangað til
marengsinn er orðinn stífur og
glansandi.
@ Blandið síðan marengsinum
saman við græna möndludeigið
í þremur skömmtum þangað til
að deigið er komið saman. Setjið
fjórðung af deiginu til hliðar.
@ Setjið afganginn af deiginu
í sprautupoka með hringlaga
sprautustút. Sprautið 5 stærðum
af makkarónum og minnkið hverja
makkarónu um 1 cm á plötu.
Fyrsta makkarónan á að vera 6
cm, önnur makkarónan 5 cm,
þriðja makkarónan 4 cm, fjórða
makkarónan 3 cm og fimmta 2 cm.
Endurtakið eins oft og hægt er.
@ Takið síðan deigfjórðunginn sem
eftir er, setjið í sprautupoka og
sprautið litlar makkarónur til hliðar.
@ Sláið plötunni við borðið til að
slétta makkarónurnar og koma í
veg fyrir að loftbólur myndist.
@ Leyfið makkarónunum að
þorna í stofuhita í a.m.k. 30-
40 mínútur eða þangað til að
makkarónuskelin er orðin þurr að
ofan við snertingu.
@ Hitið ofninn í 150°C blástur og
bakið í 13-15 mínútur.
Krem
200 g smjör
400 g flórsykur
3-5 piparmyntudropar
1 tsk. vanillusykur
2 msk. mjólk eða rjómi
@ Í hrærivél: Þeytið smjör og
bætið flórsykri við í tveimur
skömmtum.
@ Bætið því næst piparmyntu-
dropum, vanillusykri og mjólkinni
saman við.
@ Þeytið þangað til kremið er ljóst
og létt.
@ Samsetning
@ Setjið smjörkremið í sprautupoka
með stjörnustút. Sprautið á skel
2, 3, 4 og 5 og leggið þær saman í
stærðarröð til að búa til jólatréð.
@ Skreytið að vild. Ég notaði gylltar
og silfurlitar perlur.
Hvít súkkul-
aðimús
150 g rjómi
300 g hvítt súkkulaði
300 g léttþeyttur rjómi
2 g matarlím
@ Leggið matarlím í bleyti.
@ Hitið rjómann að suðu.
@ Kreistið vatnið úr matarlíminu og
bætið út í rjómann.
@ Hellið rjómanum yfir súkkulaðið
og hrærið þangað til að súkkulaðið
er alveg bráðið.
@ Blandið súkkulaðiblöndunni við
léttþeyttan rjóma.
@ Sprautið súkkulaðimúsinni í
falleg eftiréttaglös og setjið í kæli.
Hindberja- og
kirsuberjagel
200 g frosin hindber
200 g frosin kirsuber
50 g sykur
2 g matarlím
@ Leggið matarlím í bleyti.
@ Hitið sykur, hindber og kirsuber
í potti.
@ Þegar berin eru komin að suðu,
slökkvið undir og blandið með
töfrasprota.
@ Kreistið vatnið úr matarlíminu og
bætið út í.
@ Sigtið berjablönduna og leyfið
henni að kólna.
@ Þegar berjablandan er orðin
volg, hellið henni yfir súkkulaði-
músina í eftirréttaglösunum og
setjið aftur í kæli.
@ Mér finnst gott að gera þetta
daginn áður.
@ Ég skreytti glösin með rósmarín
og hindberjum.
Það eru fáir sem komast með tærnar þar sem Ólöf Ólafsdóttir hefur hælana þegar kemur að því að galdra fram gómsæta eftirrétti og
kökur. Hér leikur hún sér að jólalegum hráefnum þar sem einfaldleikinn er hafður í fyrirrúmi án þess að það bitni á bragðgæðunum.
Allt eru þetta gjörsamlega geggjaðir eftirréttir, enda Ólöf ókrýnd eftirréttadrottning Íslands en hún starfar á veitingastaðnum Monkey’s.