Morgunblaðið - 01.12.2022, Side 30

30 MORGUNBLAÐIÐ FIMMTUDAGUR 1. DESEMBER 2022
Snowdonia
Margverðlaunaðir Cheddar
ostar frá Wales
María Gomez er flinkari en flestir í að galdra fram ótrúlega magn-
þrungnar uppskriftir sem geta haft meiriháttar áhrif á líf þeirra sem þær
prófa. Þessi uppskrift hér er í þeim flokki en hér er á ferðinni ís sem
inniheldur ekki eggjarauður og er því öruggur til neyslu fyrir ófrískar
konur. Þess í stað notar hún niðursoðna mjólk eða condensed milk
sem er geggjað hráefni. Bakaða hveitið ruglar svo endanlega í okkur
en tryggir að uppskriftin er við allra hæfi. Útkoman er einn allra besti ís
sem gerður hefur verið og ætti að taka hátíðarmáltíðina upp á næsta
stig og gott betur. Snilldin við að setja ísinn í svona form er að hann
verður svo fallegur og hátíðlegur.
Piparmyntuísmeð
ferskrimyntu og
brúnkudeigsbotni
Piparmyntuís
1 dós (397g) af niðursoðinni mjólk (e. condensed milk)
500 ml rjómi
30 g fersk mynta
1 dl vatn
1 msk. sykur
1 tsk. vanilludropar
1 tsk. piparmyntudropar
100 g Rapunzel-súkkulaði með karamellufyllingu
100 g Rapunzel-súkkulaði með piparmyntufyllingu
Brúnkudeigsbotn
110 g mjúkt smjör
115 g sykur
100 g púðursykur
35 g kakó
2 msk. mjólk
1 tsk. vanilludropar
165 g bakað hveiti (sjá aðferð)
½ tsk. fínt borðsalt
100 g Rapunzel-súkkulaði með piparmyntufyllingu
Ísinn
@ Byrjið á að setja 1 dl af soðnu vatni og 1 msk. af sykri yfir 30 g af
myntulaufum í skál en tínið laufin af stilknum fyrst.
@ Gott er að gera þetta jafnvel kvöldið áður og láta standa í kæli yfir
nótt en ekki láta liggja styttra í bleyti en 30 mínútur.
@ Byrjið svo á að gera ísinn með því að þeyta rjómann.
@ Blandið svo vanillu- og piparmyntudropum saman við niðursoðnu
mjólkina og hrærið vel, ef þið viljið setja smá grænan matarlit er gott
að setja hann einnig saman við niðursoðnu mjólkina.
@ Takið þá myntuna og setjið í blandara ásamt vatninu og maukið þar
til verður nánast að vökva, setjið þá í fínt sigti og þrýstið vökvanum í
gegn og leyfið sem mestu af korginum að fara með gegnum sigtið og
hendið svo afganginum.
@ Blandið sigtaða myntuvatninu saman við niðursoðnu mjólkina og
hrærið vel saman.
@ Blandið þeytta rjómanum saman við niðursoðnu mjólkina í þrennu
lagi og hrærið varlega á milli með sleikju þar til rjóminn og mjólkin hafa
blandast vel.
@ Bætið þá smátt skornu súkkulaði saman við ísblönduna og hrærið
varlega saman með sleikju.
@ Hellið í mót og frystið yfir nótt eða að lágmarki í átta tíma.
Brúnkubotn
@ Hitið ofninn á 175°C blástur og bakið hveitið í 10 mínútur á bök-
unarplötu með bökunarpappír á.
@ Takið hveitið svo út og kælið alveg en með því að baka hveitið er
óhætt að borða deigið hrátt.
@ Á meðan hveitið bakast hrærið þá saman mjúkt smjör, sykur og
púðursykur í hrærivél þar til létt, ljóst og vel blandað saman.
@ Bætið næst kakói út í og hrærið áfram.
@ Næst eru vanilludropar og mjólk sett saman við og hrært ögn áfram.
@ Hrærið saman kældu hveitinu og salti og bætið út í deigið og hrærið
þar til allt er vel komið saman í klístrað deig.
@ Skerið svo Rapunzel-fyllta myntusúkkulaðið niður og bætið saman
við og hrærið ögn í vélinni.
@ Þjappið deiginu í form sem er jafn stórt ísforminu og geymið í kæli.
@ Gott er að taka brúnkudeigið út eins og 20 mínútum áður en á að
setja ísinn á það svo það mýkist.
@ Þegar ísinn er tilbúinn hvolfið honum þá yfir brúnkudeigið og berið
fram.
Jólaísinn 2022
Einn allra besti ís sem gerður hefur verið að okkar mati og það er
engin önnur en María Gomez sem á heiðurinn af honum. María
fékk verkefnið að búa til jólaísinn í ár og eins og henni einni er
lagið náði hún að toppa sig eina ferðina enn – og geri aðrir betur.