Borgfirðingabók - 01.12.2008, Blaðsíða 120

120 Borgfirðingabók 2008
heimavistarhús Bændaskólans sem reist var árið 1910. Höfundur þess
er rögnvaldur Ólafsson húsameistari. Það átti sér hliðstæður, m.a. í
húsi Kvennaskólans á Blönduósi, og fylgdi hvað innri skipan snerti
formi þess tíma: Mötuneyti og þjónusturými í kjallara, rúmgóðar og
bjartar kennslustofur á aðalhæð og síðan herbergi nemenda á hæð
og í risi þar fyrir ofan. Má ímynda sér hve glæsilegt þetta hús var er
það stóð nýreist fyrir nær einni öld því enn fangar það augað langt
að og minnir á hið stílhreina handbragð brautryðjandans rögnvaldar
Ólafssonar.
aldamótamennirnir áttu sér draum um eflingu trjáræktar,
skrúðgarðyrkju – já, jarðræktar í víðum skilningi. Vitni um hann ber
garðurinn sem húsin tvö afmarka, þau er síðast voru nefnd. Hvort
ítalskir skrautgarðar ellegar Versalagarðurinn frægi eiga hér einhvern
hugmyndaþátt skal ósagt látið. ræturnar voru allavega evrópskar og
draumurinn sá að færa einnig hluta gróinnar garðamenningar þaðan
heim til vindsorfinnar íslenskrar sveitar.
Þá eigum við aðeins tvö hús óskoðuð úr húsasafninu á Hvanneyri
að þessu sinni: Leikfimihúsið, sem stendur sunnan við skrúðgarðinn,
reist árið 1911, teiknaði Einar Erlendsson húsameistari. Hann hefur
staðið í nokkrum skugga hinna meistaranna tveggja, rögnvaldar og
Halldórsfjós á Hvanneyri (1928-29; hlaðan nær.