Víkurfréttir - 16.02.2022, Blaðsíða 6
Það hafa komið virkilega bjartir
og fallegir vetrardagar inn á
milli lægðanna sem að undan-
förnu hafa rennt sér yfir landið.
Þessa daga er ekkert skemmtilegra
en að hoppa út í daginn með græj-
urnar og virða umhverfið fyrir sér.
Það virðist vera þegar horft er í
átt að eldstöðinni í Fagradalsfjalli
að snjór sé farinn að festa á nýja
hrauninu sem segir okkur að þetta
sé farið að kólna verulega.
Já, Reykjanesskaginn og allt sem
hann hefur upp á að bjóða er líka fal-
legur í sínum hvítu klæðum.
augNablik Með JÓNi SteiNari
Útgefandi: Víkurfréttir ehf. Afgreiðsla og ritstjórn: Krossmói 4a, 4. hæð, 260 Reykjanesbæ, sími 421-0000. Ristjóri og ábyrgðarmaður: Páll Ketilsson, s. 893-3717, pket@vf.is. Fréttastjóri: Hilmar Bragi Bárðarson,
s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Blaðamenn: Jóhann Páll Kristbjörnsson og Thelma Hrund Hermannsdóttir. Dagleg stafræn útgáfa: vf.is og kylfingur.is
Skemmtileg tilbreyting fyrir áhöfn Grímsnes GK
Held að það sé einhver ógæfa með
að skrifa pistla á þessum degi sem ég
skrifa þá. Því að það sem af er þessu
ári þá hefur það verið þannig að ég
skrifa pistilinn alltaf á sama degi og
alltaf hefur verið leiðindaveður – og
það er einmitt þannig núna þegar
þessi pistill er skrifaður.
Þrátt fyrir það gátu sjómenn hérna
á Suðurnesjunum loksins brosað
mikið og tóku heldur betur á því,
vegna þess að það var mokveiði hjá
bátunum og skiptust minni línubát-
arnir svo til á þrjá staði.
Fyrsti hópurinn var á veiðum út
frá Þorlákshöfn og voru þeir bátar
á veiðum meðfram suðurströndinni
áleiðis að Landeyjahöfn. Þar var t.d.
Sævík GK og báturinn landaði 59 tonn
í fimm róðrum. Þar voru líka bátar að
austan, t.d. Sandfell SU, Hafrafell SU
og Kristján HF.
Síðan var annar hópur utan við
Grindavík og þeir veiddu líka vel. Þar
voru t.d. Dúddi Gísla GK með 23 tonn
í tveimur róðrum, Katrín GK með
nítján tonn í tveimur, Geirfugl GK 19,3
tonn í tveimur, Óli á Stað GK með 18,5
tonn í tveimur og Daðey GK með 31
tonn í þremur.
Utan við Sandgerði var svo þriðji
hópurinn og var eins og hjá hinum
mjög góð veiði hjá þeim. Þar var t.d.
Addi Afi GK með 7,5 tonn í einum
róðri. Dóri GK með 27 tonn í þremur
róðrum, Gulltoppur GK með fimmtán
tonn í tveimur en hann er á balalínu.
Hópsnes GK sem var minnst á í síð-
asta pistli var með 34 tonn í þremur
róðrum en hann er líka á balalínu eins
og Gulltoppur GK og Addi Afi GK.
Geirfugl GK kom síðan frá
Grindavík og náði einni löndun í
Sandgerði og kom með um tíu tonn
þangað. Daðey GK kom líka og lenti
í mokveiði, þurfi að tvílanda sama
daginn. Var Daðey GK með 28 tonn í
þremur róðrum og þar af um 19,5 tonn
sem fengust sama daginn. Margrét GK
hefur gengið mjög vel og var með um
40 tonn í fjórum löndunum.
Þessi góða veiði kemur svo sem
ekki á óvart, enda hafði í desember og
janúar verið mjög veiði hjá bátunum
þá daga sem gaf á sjóinn.
Hjá netabátunum hefur Erling KE
gengið vel, kominn með 120 tonn í sjö
róðrum og mest 29,5 tonn. Báturinn
er búinn að vera við veiðar utan
við Hvalnes og landað í Sandgerði.
Reyndar er mjög lítið um netabátana
núna því fyrir utan Erling KE þá eru
aðeins þrír minni bátar auk Grímsnes
GK sem minnst verður á hérna á eftir.
Bergvík GK er með 4,8 tonn í þremur
róðrum, Halldór Afi GK 6,5 tonn í
fjórum og Maron GK 33 tonn í fjórum.
Grímsnes GK er búinn að vera
eltast við ufsann. Reyndar þá fór Sig-
valdi skipstjóri ásamt áhöfn sinni,
eða hluta af henni, í nokkuð öðruvísi
róður núna um daginn. Því þeir fóru
út samhliða línubátnum Valdimar GK
frá Grindavík og fylgdu honum út á
miðin djúpt úti af Sandgerði. Með
þeim voru tveir kvikmyndatökumenn
sem eru að taka um þátt sem heitir Ice
Cold Catch og verður sýndur á Disco-
very Channel.
Grímsnes GK fylgdi Valdimar GK
út frá Grindavík og silgdi samhliða
honum í ansi þungum sjó fimmtán til
átján metrum á sekúndu og fjögurra
til sex metra ölduhæð. Vel gekk að
mynda og samtals mynduðu þessir
tveir kvikmyndamenn samtals um
fimmtán klukkutíma af efni.
Eftir að Grímsnes GK hafði farið
til Grindavíkur og sett kvikmynda-
rmennina í land fóru þeir út aftur
til að leggja net fyrir ufsann og lentu
heldur betur í góðri veiði. Þeir komu
í land með 30 tonn og af því var ufsi
um 25 tonn.
Skemmtileg tilbreyting fyrir áhöfn
Grímsnes GK og Grímsi stóð sig vel
í þessu eins og Sigvaldi kallar bátinn
sem hann er skipstjóri á.
aflafrÉttir á SuðurNeSJuM
Gísli Reynisson
gisli@aflafrettir.is
Mikill fiskdauði í fjörum á
Reykjanesi af völdum óveðurs
Mikið magn af fiski rak upp í Stóru
Sandvík á vestanverðu Reykjanesi,
eins og greint var frá í Víkurfréttum
í síðustu viku. Á miðvikudags-
morgun í liðinni viku fóru starfs-
menn Hafrannsóknastofnunar og
mátu magn fisks í víkinni sem er um
eins kílómetra löng. Í ljós kom að að-
allega var um tegundina litla karfa
að ræða, alls um 29 þúsund fiskar
á bilinu 5–23 sm. Þar er líklega um
lágmarksfjölda að ræða því sandur
hafði fokið yfir eitthvað af smæsta
fiskinum, segir á vef stofnunarinnar.
Mánudagskvöldið 7. febrúar og
aðfaranótt 8. febrúar var mikið suð-
vestan brim við sunnan- og vestan-
verðan Reykjanesskaga. Meðalvind-
hraði á Garðskagavita um kvöldið
og fram á morgun var 20–22 m/s
og ölduhæð (kennialda) á Garð-
skagadufli fór upp í tuttugu metra.
Það þýðir að hæstu öldur voru mun
hærri en það.
Auk litla karfa fundust um 140
ljóskjöftur (8–19 sm), tvær keilur
(79 og 89 sm), 115 sm þorskur,
ufsi, spærlingur og marsíli. Auk
fiskanna voru í fjörunni nokkrir ný-
lega dauðir fuglar; fimm súlur, tvær
langvíur, fýll og æðarfugl.
Aðstæður voru einnig skoðaðar
við Garðskagavita og þar var mikið
upprót af þara og nokkrir tugir af
litla karfa. Einnig fréttist af litla
karfa í fjörunni í Sandgerði, við
Sandhöfn norðan Hafnabergs og við
Ísólfsskála við sunnanvert Reykja-
nesið.
Ljóst er að mikið magn af litla
karfa og talsvert af ljóskjöftu hefur
drepist við Reykjanesið í óveðrinu
sem gekk yfir aðfaranótt þriðjudags.
Einnig er líklegt að fuglarnir sem
fundust í fjörunni í Stóru Sandvík
hafi drepist af þess völdum.
Hægt er að fullyrða að rekinn er
ekki af völdum brottkasts því þetta
eru mest það smáir fiskar að þeir
koma ekki í veiðarfæri fiskiskipa.
Ef orðið hefur vart við mikinn
fjölda rekinna fiska í fjörum myndi
Hafrannsóknastofnun gjarnan vilja
fá upplýsingar um slíkt, í gegnum
netfangið hafogvatn@hafogvatn.is.
Dauðir fiskar í Stóru Sandvík.
Ljósm. Svanhildur Egilsdóttir
Reykjanesskaginn
í vetrarbúningi
Jón Steinar Sæmundsson
6 // vÍkurfrÉttir á SuðurNeSJuM