Víkurfréttir - 16.02.2022, Blaðsíða 16
Hliðin að
opnast
Þetta hafa verið afar þungar vikur
að undanförnu. Hver stormurinn á
fætur öðrum hefur dunið á okkur
og annar hver maður verið í Covid-
19- einangrun með tilheyrandi
leiðindum og lömun samfélagsins.
Fyrir utan Verbúðina þá hefur í
raun fátt kætt okkur þessa fyrstu
ísköldu mánuði ársins. Daginn er
samt tekið að lengja og það styttist
óðfluga í sumarið og betri tíð. Nú er
heldur betur ástæða til þess að láta
sig hlakka til enda hefur heilbrigðis-
ráðherra okkar gefið það út að öllum
Covid-19-takmörkunum verði aflétt
fyrir lok febrúar! Bestu fréttir sem
við höfum fengið í háa herrans tíð
og þótt fyrr hefði verið segja margir.
Með hækkandi sól þá styttist einnig
í úrslitakeppnina í körfuboltanum og
baráttan í deildunum hefur sjaldan
eða aldrei verið jafn hörð og spenn-
andi. Reykjanesbær er vagga körfu-
boltans á Íslandi og að venju eru
okkar lið að standa sig vel á öllum
vígstöðvum. Nú þegar hliðin eru að
opnast þá vil ég eindregið hvetja
fólk til þess að fjölmenna á leiki
félaganna. Það hefur sjaldan eða
aldrei verið jafn mikilvægt og núna.
Leikmenn hafa síðustu tvö árin
spilað á löngum köflum fyrir nánast
tómum húsum sem hefur verið alveg
óhemju erfitt og í raun bara drep-
leiðinlegt. Að horfa á nágrannaslag
milli Njarðvíkur og Keflavíkur fyrir
tómu húsi er bara ekki rétt, stemmn-
ingin og lætin er það sem leikmenn
og áhorfendur þrífast á. Við stuðn-
ingsmenn höfum þurft að þjást líka
enda horft á langflesta leikina í sóf-
anum heima og því miður þá virðist
erfitt að draga suma þaðan en ég
fullyrði að það er ekkert eins og að
mæta á pallana. Nú veit ég að for-
svarsmenn félaganna eru að dusta
af grillunum og ætla að bjóða upp á
alvöru skemmtun næstu vikurnar
og mánuði. Fjölmennum á leikina
og verum eins og beljurnar sem er
verið að sleppa út á vorin! Fögnum
frelsinu og styðjum þétt við bakið á
okkar félögum, oft var þörf en nú er
nauðsyn. Góða skemmtun!
Mundi
Muuuuu ...
Óskum eftir að ráða bílstjóra í
framtíðarstarf hjá útibúi Olís í Njarðvík
Helstu verkefni og ábyrgð:
• Dreifing á vörum til viðskiptavina
• Afgreiðsla á smurolíu til skipa
• Afgreiðsla á gasi, klór og annarri vöru
• Samskipti við viðskiptavini og flutningsaðila
• Önnur tilfallandi störf á lager og í útibúi
Hæfniskröfur:
• Meirapróf og ADR-réttindi æskileg eða áhugi á að
bæta slíkum réttindum við sig í samstarfi við fyrirtækið
• Lyftarapróf
• Rík þjónustulund
• Skipulagshæfni
• Gott vald á íslensku er nauðsynlegt
Allar frekari upplýsingar um starfið veitir
Stefán Segatta, ss@olis.is
BÍLSTJÓRI
Vinsamlega sendið umsóknir til mannauðsstjóra Olís,
Ragnheiðar Bjarkar, á rbg@olis.is merktar ,,bílstjóri"
fyrir 20. febrúar 2022
Hjá Olís er lögð áhersla á góðan aðbúnað starfsfólks,
stuðning til náms og heilsueflingar, heiðarleika í
samskiptum, snyrtimennsku og fagleg vinnubrögð.
LO
KAO
RÐ
ÖRVAR Þ. KRISTJÁNSSON
FIMMTUDAG KL. 19:30 HRINGBRAUT OG VF.IS
Sjúkraþjálfararnir Björg og Falur ásamt næstum
99 ára dansandi Gunnari Jónssyni í þætti
vikunnar. Einnig gjafmild börn í Heiðarskóla og
nýtt lag frá Fríðu Dís Guðmundsdóttur.
Víkurfréttir standa vaktina
alla daga á fréttavefnum ... vf is
Verkalýðs- og sjómannafélag
Keflavíkur og nágrennis
Orlofshús VSFK
Páskar 2022
Opnað hefur fyrir páskaumsóknir inn á
orlofssíðum VSFK vsfk.is (grænn takki
merktur Orlofsvefur) eða orlof.is/vsfk
Eftirtalin orlofshús félagsins verða
leigð út um páskana:
3 hús í Svignaskarði
1 hús í Húsafelli (hundahald leyft)
2 hús í Ölfusborgum
4 hús við Syðri Brú (Grímsnesi)
(hundahald leyft í húsi nr. 10)
1 íbúð í raðhúsi að Núpasíðu 8h,
á Akureyri
Útleigutímabil er frá miðvikudeginum 13. apríl
til og með miðvikudagsins 20. apríl 2022.
Félagsmenn fara inn á www.orlof.is/vsfk
og skrá sig inn með Íslykli eða rafrænum
skilríkjum, fylla skal út páskaumsókn þar
með allt að fjórum valmöguleikum.
Einnig er hægt að fara inn á vsfk.is
og smella á Orlofsvefur (grænn takki)
Umsóknarfrestur er til kl. 16.00 þriðju
dagsins 1. mars 2022.
Úthlutað verður samkvæmt punktakerfi.
Umsóknir fyrir sumarið 2022 opna 7. mars
og verða opnar til 29. mars.
Orlofsstjórn VSFK