Víkurfréttir - 16.02.2022, Blaðsíða 8

Starfsemin Brunavarna Suðurnesja hefur aukist gríðarlega mikið á síðustu áratugum. Þá hafa einnig
miklar breytingar orðið frá því Jón Guðlaugsson kom fyrst til starfa fyrir slökkviliðið fyrir næstum hálfri
öld en Jón byrjaði í slökkviliðinu árið 1974 og vantar því aðeins tvö ár upp á að fylla áratugina fimm.
Jón tók við starfi slökkvistjóra árið 2008. Hann verður sjötugur á þessu ári en í viðtali við Víkurfréttir
segist hann langa til að halda áfram í starfi og ná áfanganum með árin fimmtíu.
Flutt í nýja slökkvistöð
Brunavarnir Suðurnesja fluttu í lok
október 2020 í nýja og glæsilega
slökkvistöð við Flugvelli í Keflavík
en slökkvistöðin við Hringbraut
var byggð árið 1967 og var fyrir
löngu orðin barn síns tíma. Í viku-
legum sjónvarpsþætti Víkurfrétta,
Suðurnesjamagasíni, sem sýndur
er á sjónvarpsstöðinni Hring-
braut fengu áhorfendur að sjá nýju
slökkvistöðina. Starfsemin var flutt
í miðjum kórónuveirufaraldri og
enn hefur ekki tekist að halda sér-
staka opnunarhátíð og bjóða íbúum
Suðurnesja að koma og skoða mann-
virkið og kynna sér starfsemina. Það
verður gert þegar slaknar á veirunni
í samfélaginu.
Jón segir að mikil þörf hafi verið
fyrir Brunavarnir Suðurnesja að
komast með starfsemina í betri
aðstöðu. Eftir að rekstrarformi
Brunavarna Suðurnesja var breytt
í byggðasamlag árið 2015 komst
verkefnið á það stig að hægt var að
ráðast í að teikna og bjóða út. „Þetta
var ferill sem tók tuttugu ár að fara
út í þessa byggingu og það var búið
að skoða marga staði. Það var búið
að vinna átta tillögur um slökkvi-
stöðvar hér og þar og breytingar og
bætingar og svo framvegis og fram-
vegis. Þegar byggðasamlagið varð að
veruleika var ákveðið í framhaldi af
því að fara í að byggja slökkvistöð
og bjóða hann út. Þetta var niður-
staðan og maður er alveg gríðarlega
ánægður með þessa niðurstöðu og
húsið í heild sinni,“ segir Jón.
Öll aðstaða eins og
best verður á kosið
Brunavarnir Suðurnesja eru komnar
inn í nútímann með nýrri slökkvi-
stöð. Þar er öll aðstaða fyrir starfs-
menn eins og best er á kosið sem
og aðbúnaður til að sinna tólum og
tækjum. Húsnæðið við Hringbraut
var orðið alltof lítið og þá var um-
ferð í nærumhverfi stöðvarinnar þar
orðin þung á ákveðnum tímum dags
og því þungt og erfitt að komast með
stór tæki og jafnvel sjúkrabíla í út-
kall.
Í nýju slökkvistöðinni er góða að-
staða fyrir alla starfsemi BS. Í stöð-
inni er t.a.m. stjórnstöð Almanna-
varna Suðurnesja utan Grindavíkur.
Á efri hæð stöðvarinnar er skrif-
stofu- og fundaraðstaða en á neðri
hæðinni er starfsmannaaðstaða,
líkamsrækt og hvíldaraðstaða. Bíla-
salurinn er rúmgóður og rúmar allan
flota slökkviliðs- og sjúkrabíla. Þar
er einnig aðstaða til viðhalds á bíla-
flotanum og þvottaaðstaða fyrir bíla
og búnað.
Meira miðsvæðis
Með nýrri slökkvistöð við Flugvelli
er stöðin orðin meira miðsvæðis
fyrir allt þjónustusvæði Brunavarna
Suðurnesja en BS þjónar Reykja-
nesbæ, Suðurnesjabæ og Sveitar-
félaginu Vogum. Frá nýju slökkvi-
stöðinni sé stutt upp á Keflavíkur-
flugvöll, sem var ört stækkandi þjón-
ustuþegi í sjúkraflutningum fyrir
Covid. Það er kostur við nýja stað-
setningu að neyðarbílar eru fljótir
upp á Reykjanesbraut og þaðan er
umferðin greið, t.d. í Innri-Njarðvík.
Þó vegalengdin sé lengri frá núver-
andi staðsetningu sé tíminn styttri
og það skipti alltaf mestu máli, hvort
sem það er í sjúkraflutningum eða
brunaútköllum.
Saga slökkviliðs á hrakhólum
Saga Brunavarna Suðurnesja, og
Slökkviliðs Keflavíkur þar á undan,
nær aftur til ársins 1913. Fyrst um
sinn var slökkvibúnaður frum-
stæður og slökkviliðið á hrakhólum
með starfsemina. Búnaður slökkvi-
liðsins var geymdur í skúrum hér og
þar um bæinn og það var ekki fyrr
en 1967 sem byggð var slökkvistöð
við Hringbraut og gömlum bæjar-
mörkum Keflavíkur og Njarðvíkur.
Einn mannskæðasti bruni á Ís-
landi á síðari tímum varð í Keflavík.
Í 100 ára sögu Brunavarna Suður-
nesja sem gefin var út í Faxa árið
2013 segir að slökkviliðið hafi
verið illa í stakk búið að berjast við
hörmulegan og mannskæðan elds-
voða á jólatrésskemmtun í Skildi 30.
desember 1935.
„Eldsvoðinn í Skildi mánudags-
kvöldið 30. desember 1935 er ein-
hver voveiflegasti atburður í allri
sögu Keflavíkur. Um 200 manns
voru í húsinu þegar eldurinn kom
upp, þar af 180 börn. Tíu manns
létust af völdum brunans, sjö börn
og þrjár aldraðar konur, og fjöldi
manns brenndist eða skarst, margir
illa. Tildrögin voru þau að eldsneisti
eða kerti féll af jólatrénu og kveikti í
silkipappír undir jólatrénu. Tréð var
skrjáfþurrt og skipti engum togum
að eldurinn flaug um allar greinar
þess í einu vetfangi og þaðan út
í veggina. Undir ljósum í lofti var
mislitt „celluloid“, mjög eldfimt, og
á loftinu fyrir ofan var geymt tals-
vert af kvikmyndafilmum úr sama
efni. Loft og veggir voru strigalagðir
og olíubornir og flaug því eldurinn
um loft og veggi á svipstundu svo
að samkomugestir voru allir inni-
byrgðir milli eldblossanna, eins og
segir í frétt Morgunblaðsins daginn
eftir brunann. Ruddist fólk í dauðans
ofboði til aðalútgöngudyranna en
þær opnuðust inn í salinn og varð að
brjóta þær upp utan frá. Slökkvilið
kom á vettvang strax eftir að eldsins
varð vart og lagði leiðslu með tveggja
Ný slökkvistöð
og reynslumikið starfsfólk
Páll Ketilsson
pket@vf.is
Hilmar Bragi Bárðarson
hilmar@vf.is
Það á ekki að
skipta máli hvar á
svæði Brunavarna Suðurnesja
þú býrð, þú átt alls staðar
að njóta sambærilegrar
þjónustu.
Stjórnstöð Almannavarna Suðurnesja utan Grindavíkur er vel búin.
Á slökkvistöðinni er vel búin líkamsrækt fyrir starfsmenn
sem þurfa að vera í góðu líkamlegu formi.
Nýja slökkvistöðin við Flugvelli í Reykjanesbæ.
Jón Guðlaugsson með gamla útkallssíma
slökkviliðsins. Takkaborðið var notað til að hringja
hópsímtal heim til allra slökkvilðsmanna.
8 // vÍkurfrÉttir á SuðurNeSJuM