Víkurfréttir - 02.03.2022, Blaðsíða 14

NAFN: ALDUR:
DEDRICK BASILE 27 ÁRA
STAÐA Á VELLINUM:
BAKVÖRÐUR [POINT GUARD]
MOTTÓ:
ÞAÐ RIGNIR EKKI AÐ EILÍFU!
SAMA HVERSU ILLA GENGUR, SÓLIN SKÍN AFTUR Á ENDANUM.
„Solid“
kokkur
Dedrick Basile er ekki bara „solid“ í eldhúsinu heldur líka á vellinum þar sem hann leiðir Njarð-
víkinga í stigum og stoðsendingum það sem af er tímabilinu. Basile svarar nokkrum laufléttum
spurningum Víkurfrétta í uppleggi vikunnar.
Hefurðu fasta rútínu á leikdegi?
Ég fer alltaf í sturtu fyrir leik.
Hvenær byrjaðir þú í körfu og af
hverju valdirðu körfubolta?
Ég byrjaði að spila körfubolta
mjög ungur en þegar ég var tólf
ára ákvað ég að fara að taka hann
alvarlega því ég varð ástfanginn af
íþróttinni.
Hver er besti körfuboltamaður
allra tíma?
Ég myndi segja Allen Iverson.
Hver er þín helsta fyrirmynd?
Stóri bróðir minn er mín fyrirmynd.
Hvert er eftirminnilegasta atvikið á
ferlinum? Eftirminnilegasta stundin
með Njarðvík var þegar við unnum
bikarinn.
Hver er besti samherjinn?
[Haha] ég ætla að segja Veigar.
Hver er erfiðasti andstæðingurinn?
Ég held Stjarnan.
Hver eru markmið þín á þessu tíma-
bili? Takmarkið er að verða meistari
með Njarðvík á þessu tímabili.
Hvert stefnir þú sem íþrótta-
maður? Vonandi að spila einhverja
stóra leiki.
Hvernig væri fimm manna úrvalslið
þitt skipað með þér? Ég, A.I., Le-
bron James, Kevin Durant og Shaq.
Fjölskylda/maki:
Ég á tvo bræður og son.
Hvert er þitt helsta afrek fyrir utan
körfuboltann? Það stærsta var að
útskrifast úr háskóla.
Áttu þér áhugamál fyrir utan
körfuboltann?
Ég spila PlayStation 5.
Hver er uppáhaldsmaturinn þinn?
Humarpasta.
Ertu öflugur í eldhúsinu?
Ég er „solid“ kokkur.
Býrðu yfir leyndum hæfileika?
Ég held að ég geti verið fyndinn á
stundum.
Er eitthvað sem fer í taugarnar á
þér? Haha, þessi er erfið.
Dedrick Basile er erfiður
viðureignar á vellinum. VF: JPK
TREYJA NÚMER:
24
SVERRIR ÞÓR STÝRIR GRINDAVÍK
Sverrir Þór Sverrisson hefur verið ráðinn þjálfari karlaliðs Grindavíkur og
mun hann stýra liðinu út tímabilið í Subway-deild karla í körfubolta. Jóhann
Þór Ólafsson verður áfram aðstoðarþjálfari liðins og mun vinna náið með
Sverri út tímabilið.
Þetta er í annað sinn sem Sverrir Þór stýrir liði Grindavíkur en hann gerði
liðið að Íslandsmeisturunum tímabilið 2012–2013 og bikarmeisturunum árið
2014. Sverrir Þór þjálfaði einnig kvennalið Grindavíkur tímabilið 2014–2015
og varð liðið bikarmeistari undir hans stjórn.
„Ég var ekki á leiðinni í þjálfun en þegar þetta tækifæri kom upp þá varð
ég mjög spenntur. Eftir að hafa hugsað þetta vel og rætt við Jóhann Þór þá
ákvað ég að kýla á þetta. Ég á mjög góða minningar frá tíma mínum með
Grindavík og hugsa að ég hefði ekki tekið við neinu öðru liði á þessum tíma-
punkti. Þetta tækifæri hreyfði við mér og er mjög spenntur að hefjast handa
og hitta leikmannahópinn,“ segir Sverrir Þór.
Fyrsti leikur Grindvíkinga undir stjórn Sverris verður föstudaginn 4. mars
næstkomandi gegn Vestra í HS Orku-höllinni.
Tíu sundmenn í æfingabúðum
Framtíðarhóps SSÍ
Tíu sundmenn úr Framtíðarhópi ÍRB voru valdir og tóku þátt í æfinga-
búðum Framtíðarhóps SSÍ um síðustu helgi. Mikil dagskrá var þessa
helgi, þrjár æfingar ásamt mælingum, fyrirlestur, keila og foreldrafræðsla.
Kórónuveiran setti smá strik í þátttöku og einn sundmaður ÍRB komst
ekki vegna Covid.
Sundmennirnir úr ÍRB sem tóku þátt í æfingabúðunum: Adriana Agnes
Derti, Árni Þór Pálmason, Ástrós Lovísa Hauksdóttir, Daði Rafn Falsson,
Elísabet Arnoddsdóttir, Freydís Lilja Bergþórsdóttir, Gabija Marija Sa-
vickaite, Gísli Kristján Traustason og Nikolai Leo Jónsson ásamt Eyleifi
Jóhannssyni, landsliðsþjálfara. Denas Kazulis var einnig valinn í hópinn
en gat ekki tekið þátt í þetta sinn. Mynd af Facebook-síðu sundráðs ÍRB
Fyrstu leikirnir og mörkin með meistaraflokki
Freysteinn Ingi Guðnason (til
vinstri) og Eiður Orri Ragnarsson
skoruðu sín fyrstu mörk fyrir
meistaraflokk Njarðvíkur í keppni
á vegum KSÍ þegar Njarðvík hafði
6:1 sigur á Haukum um helgina.
Báðir hafa strákarnir verið að æfa
og spila með meistaraflokki Njarð-
víkur á vetrarmánuðunum en Frey-
steinn Ingi er fæddur árið 2007 og
Eiður 2004.
Freysteinn hefur á undanförnum
mánuðum bæði verið valinn til þátt-
töku í úrtaksæfingum U15 og U16 ára
landsliða Íslands en hann er einn
fárra leikmanna fæddir 2007 sem
boðaðir voru á æfingar hjá U16. Þá
var Freysteini boðið í fyrra í viku-
heimsókn hjá danska liðinu OB.
Unglingastarfið hjá OB er þekkt fyrir
gæði og góðan árangur og Freysteinn
Ingi spilaði leik með U15 ára liði fé-
lagsins þar sem hann skoraði tvö
mörk og lagði upp eitt í 3:1 sigri.
Eiður Orri gekk til liðs við
Njarðvík frá Einherja á Vopnafirði en
hann er fæddur árið 2004 og á nú
þegar 53 meistaraflokks leiki að baki
þrátt fyrir ungan aldur. Bróðir Eiðs,
Gísli Freyr Ragnarson, spilaði einnig
með Njarðvík á árunum 2010–2017.
Mynd af Facebook-síðu knattspyrnudeildar UMFN
sport