Víkurfréttir - 27.04.2022, Blaðsíða 12

Hringtengjum Suðurnesin
– með göngu- og hjólastígum
Eysteinn Eyjólfsson,
formaður umhverfis- og skipulagsráðs Reykjanesbæjar
og formaður Samfylkingarinnar í Reykjanesbæ.
Uppbygging göngu- og hjólastíga í
Reykjanesbæ hefur verið á dagskrá
frá 2014 og því verið sinnt eins og fjár-
hagur bæjarins hefur leyft hverju sinni.
Betri fjárhagsstaða bæjarins – þökk sé
ábyrgri fjármálastjórn undanfarin átta
árin – hefur gert það verkum að hægt
hefur verið að setja stóraukinn kraft í
uppbygginguna undanfarin ár.
Eldri göngustígar í bænum hafa
verið uppfærðir í heilsustíga, mal-
bikaðir, breikkaðir, upplýstir og settir
hafa verið niður bekkir meðfram þeim
með reglulegu millibili og nýir heilsu-
stígar hafa verið gerðir víða um bæinn.
Búið er að loka heilsustígahringjum í
Keflavík og Ytri-Njarðvík og hringur-
inn í Innri-Njarðvík lokast þegar Dals-
hverfi 3 byggist upp en framkvæmdir
eru langt komnar við gatnagerð þar.
Þá eru að hefjst framkvæmdir á Ásbrú
við upplýstan heilsustíg sem tengjast
mun stígakerfinu sem fyrir er og liggja í
gegnum íbúabyggðina á Ásbrú að Háa-
leitisskóla.
Tengjum við Leiruna
Áður höfðum við tengt Reykjanesbæ
við Leifsstöð með hjóla- og göngu-
stíg upp af Vesturgötunni og gert
náttúrustíga, þjappaða malarstíga, í
Vatnsholtinu, í Njarðvíkurskógum og
á Fitjum. Samhliða þessu hafa gang-
stéttir og stígar í Dalshverfum 1 og 2 í
Innri-Njarðvík verið byggðar upp jafnt
og þétt undanfarin ár – og var kominn
tími til.
Stígagerð er fyrirhuguð í Höfnum
og í náinni framtíð þarf að tengja
Hafnirnar við hin hverfi bæjarins með
hjóla- og göngustíg ásamt því að tengja
við Suðurnesjabæ út í Garð. Hjóla- og
göngustígur út í Garð væri mikilvæg
tenging við Leiruna og myndi vera
gerður í samvinnu við Vegagerðina
og Suðurnesjabæ, sem búinn er að
setja stíginn inn í aðalskipulagið sitt.
Stígurinn út í Hafnir yrði einnig fyrsti
áfanginn á hjóla- og göngustíg alla leið
út á Reykjanestá og þaðan gætum við
tengt okkur við stígakerfi Grindvíkinga
sem komið er að golfvellinum að Húsa-
tóftum.
Tengjum við Seltjörn
Reykjanesbær hefur fengið vilyrði frá
Vegagerðinni um þátttöku í kostnaði
við göngu- og hjólastíg sem tengja
myndi Dalshverfi 3, nýjasta hverfið
austast í bænum, við útivistarperl-
una okkar í Sólbrekkum við Seltjörn.
Stigurinn í Sólbrekkur gæti komið í
beinu framhaldi af Strandleiðinni eftir
Stapagötu – gömlu þjóðleiðinni – og yfir
Vogastapann að Reykjanesbæjarmerk-
inu, undir Reykjanesbrautina og niður
í Sólbrekkur og svo áfram til tengingar
við stíg sem Grindvíkingar hafa lagt.
Verið er að hanna þennan stíg og vil-
yrði er komið fyrir framlagi frá Vega-
gerðinnni eins og áður segir.
Seltjörn og Sólbrekkur eru vax-
andi útivistarperlur. Náttúrustígur
með bekkjum hefur verið lagður í
kringum Seltjörn, verið er að gera bíl-
stæði og vonandi rís þar bálskýli með
útikennslustofu og umhverfisvænum
salernum í sumar eins Skógræktarfé-
lag Suðurnesja stefnir að með aðstoð
Reykjanesbæjar. Þá eru væntingar um
að samstarf Reykjanesbæjar við Bláa
lónið glæði Seltjörn nýju lífi í náinni
framtíð.
Með stígnum að Seltjörn værum við
búin að tengja Reykjanesbæ og Grinda-
vík með hjóla- og göngustígum og ná
með því mikilvægum áfanga í hring-
tengingu á Suðurnesjum. Slík hring-
tenging kæmi ekki aðeins okkur Suð-
urnesjamönnum til góða heldur væri
ekki síður mikilvæg til þess að auð-
velda ferðamönnum að njóta okkar
stórkostlega svæðis hjólandi eða gang-
andi. Ég vona að sveitarstjórnarmenn
á Suðurnesjum haldi áfram uppbygg-
ingu göngu- og hjólastíga – við í Sam-
fylkingunni og óháðum í Reykjanesbæ
munum setja stígagerðina á oddinn
áfram eins og undanfarin ár.
Má bjóða þér í skipulagsrölt um
Innri-Njarðvík 3. maí?
Mér finnst fátt skemmtilegra en spjalla
um bæinn okkar og hef verið að bjóða
íbúum með mér í skipulagsrölt og
spjall. Næsta skipulagsröltið verður
um Innri-Njarðvík þriðjudagskvöldið 3.
maí og lagt verður af stað frá Víkinga-
heimum kl. 19:30. Allir eru velkomnir
í röltið sem áætlað er að taki um tvær
klukkustundir.
Íþróttastórveldið
Reykjanesbær!
Alexander Ragnarsson,
skipar 4. sæti á lista Sjálfstæðisflokksins.
Hörð barátta og mikill rígur á milli
íþróttafélaga er rótgróin hefð í Reykja-
nesbæ enda félögin Njarðvík og Kefla-
vík fornir fjendur sem fulltrúar sveit-
arfélaganna tveggja fyrir sameiningu.
Sögulegur árangur þessara félaga er
eftirtektarverður.
Með sameiningu sveitarfélaganna
þriggja; Hafna, Keflavíkur og Njarð-
víkur, varð sú breyting á að þessir
fornu fjendur eru saman undir Íþrótta-
bandalagi Reykjanesbæjar (ÍRB) ásamt
öðrum íþróttafélögum í bænum. Við,
sem bjóðum okkur fram til starfa fyrir
Reykjanesbæ, gegnum því hlutverki að
verja og bæta hag allra íþróttagreina og
félaga innan ÍRB og þar má gera betur.
Innan íþróttahreyfingarinnar eru
gerðar ríkar kröfur til fagmenntunar
þjálfara, ábyrgrar stjórnunar í félög-
unum og deildum innan þeirra. Við
sjálfstæðismenn ætlum að tryggja fjöl-
breytt framboð íþróttagreina þannig að
flestir geti stundað grein við sitt hæfi,
bæði ungir og aldnir.
Aðstöðuleysi
Í Reykjanesbæ hefur alltaf ríkt mikill
metnaður til að skara fram úr og gerir
enn. Við höfum bara ekki þá aðstöðu
sem til þarf til að geta verið á þeim
stalli sem við viljum vera. Í dag er að-
staða íþróttahreyfingarinnar engan
veginn nálægt því að geta þjónað
þörfum hennar. Þetta þekkja iðkendur
og starfsfólk félaganna best.
Við sjálfstæðismenn munum, ef við
fáum til þess umboð í komandi kosn-
ingum, hefja viðræður við alla hagað-
ila innan ÍRB um uppbyggingu íþrótta-
mannvirkja og í framhaldi setja fram
skýra forgangsröðun um þá uppbygg-
ingu og tímasettan aðgerðalista í góðu
samstarfi við hagaðila.
Einnig höfum við sjálfstæðismenn
komið fram með þá hugmynd að bjóða
lóð undir þjóðarleikvang í sveitarfélag-
inu. Þjóðarleikvangur í bænum hefði
mikil og jákvæð áhrif á áhuga fólks á
íþróttum almennt. Sú hugmynd okkar
hefur fengið mjög góðar viðtökur.
Það gerist ekkert af sjálfu sér!
Mannvirkin eru eitt og innra starf
hreyfingarinnar er annað og ekki síður
mikilvægt. Án öflugs innra starfs getur
íþróttahreyfingin ekki sinnt því mikil-
væga hlutverki sem hún gegnir. Það
þarf mikinn fjölda öflugs fólks í vinnu
við hvern leik, fjáröflun og aðra við-
burði. Í dag er nánast eingöngu treyst
á sjálfboðaliða til að sinna þessu innra
starfi í hreyfingunni. Það verður alltaf
erfiðara og erfiðara að manna verk-
efnin með þeim hætti og kröfur til
stjórnenda í íþróttahreyfingunni því
alltaf að aukast. Við munum því auka
stuðning við íþróttahreyfinguna og
tryggja henni fleiri stöðugildi. Mann-
auðurinn; iðkendur, starfsfólk og sjálf-
boðaliðar í íþróttahreyfingunni, er
fjárfesting til framtíðar fyrir Reykja-
nesbæ og mun skila sér margfalt til
baka í betra samfélagi. Íþróttahreyf-
ingin á alltaf undir högg að sækja þegar
kemur að útdeilingu fjármuna og þessu
ætlum við Sjálfstæðismenn að breyta.
Aðeins þannig verðum við í Reykja-
nesbæ áfram stórveldi í íþróttum.
Við boðum breytingar.
Starf eða áhugamál?
Birna Ósk Óskarsdóttir,
er í 11. sæti á lista Framsóknarflokksins
í Reykjanesbæ.
Ég velti stundum fyrir mér hvort starf
mitt sé eitt af áhugamálum mínum. Í
mörg ár hef ég starfað með börnum,
ég hef unnið í frístundaskóla, félags-
miðstöð og í leik- og grunnskóla bæði
sem stuðningur og umsjónarkennari.
Ég elska að vinna með börnum og það
má segja að velferð þeirra sé eitt af
mínum áhugamálum.
Hlustum á unga fólkið
Það er mitt hjartans mál að öllum
börnum líði vel og að hver einstakl-
ingur geti verið besta útgáfan af
sjálfum sér. Hvernig getum við stutt
við börn til að það geti raungerst?
Jú, með því að styrkja þau í að vera
þau sjálf og mæta þeim eins og þau
eru! Hættum að setja alla í einhverja
kassa, horfum út fyrir boxið og leitum
fjölbreyttra leiða til þess að leyfa
öllum blómstra. Við erum ekki bara
með eina tegund af blómum í blóma-
beðum. Í blómabeði eru mörg ólík blóm
sem þurfa ólíkan áburð og umönnun.
Þannig erum við mannfólkið líka, það
sem virkar fyrir einn virkar ekkert
endilega fyrir annan. Í skóla þar sem
fjölbreytileikinn er mikill þarf starfs-
fólk einnig að vera fjölbreytt svo hægt
sé að koma til móts við þarfir allra. Við
í Framsókn viljum styrkja stoðþjón-
ustu innan skólanna með fjölbreyttum
hópi fagfólks og viljum að þar starfi
einnig félagsráðgjafi, skólaráðgjafi
eða annar trúnaðarmaður nemenda
innan skólanna sem nemendur hafi
greiðan aðgang að. Við hlustum á unga
fólkið okkar og þetta er eitt af því sem
brennur á þeim.
Fjárfestum í fólki
Þegar ég hóf störf hjá Reykjanesbæ
var ég ekki byrjuð í háskólanámi en ég
fékk mikla hvatningu og þann stuðning
sem ég þurfti frá mínum stjórnendum
til þess að mennta mig og gat gert það
samhliða vinnu. Þeir nemendur sem
ég var að kenna á þeim tíma voru
líka heppnir að fá mjög fjölbreyttar
kennsluaðferðir því ég nýtti mér
þau forréttindi að geta fléttað námið
saman við vinnuna. Það eru forréttindi
að fá þennan stuðning og allir græða á
því. Við í Framsókn ætlum að tryggja
að þessi stuðningur haldi áfram og
erum nú þegar farin að leita leiða til að
skapa fjölbreytt tækifæri til menntunar
í samvinnu við háskólana. Við trúum
því að ef við fjárfestum í að byggja
upp enn öflugri hóp fagfólks í leik- og
grunnskólum þá verðum við betri í að
hlúa að börnunum okkar þannig að
þau geti blómstrað hvert á sinn hátt.
Besta fjárfestingin er fjárfesting í fólki,
hún skilar sér til framtíðar.
Fjölskyldan fyrst!
– Vinnum markvisst að því að gera Reykjanesbæ
að fjölskylduvænu sveitarfélagi
Birgitta Rún Birgisdóttir,
skipar 5. sæti á lista Sjálfstæðisflokksins.
Í stefnu Reykjanesbæjar kemur fram
að sveitarfélagið skuli vera fjölskyldu-
vænt. Raunar eru það fyrsta orðið í
fyrstu setningu stefnunnar en fram
kemur að Reykjanesbær sé fjölskyldu-
vænn bær sem þroskar og nærir hæfi-
leika allra í gegnum öflugt skóla-,
íþrótta- og menningarstarf. Þetta er
gott – enda á þetta markmið að vera
fremst allra markmiða. En hvernig
gengur bæjarstjórn og starfsmönnum
sveitarfélagsins að ná þessu markmiði?
Sveitarfélög landsins eru jafn mis-
jöfn og þau eru mörg. Allt frá fjöl-
mennri sístækkandi borg niður í ör-
lítil og einangruð sveitarfélög með
nokkrum tugum íbúa. Verkefni sveit-
arfélaganna eru samt alltaf þau sömu,
hvort sem þau eru lítil eða stór: rekstur
skóla, viðhald og framkvæmdir við
sameiginlegar eigur íbúa, félagsþjón-
usta og svo mætti lengi telja. Allt
saman mikilvæg verkefni sem snerta
okkur öll.
Ég er þeirrar skoðunar að sú grunn-
stoð sem allt annað hvílir á eigi að vera
fjölskyldan sjálf og allt sem snertir mik-
ilvægustu þætti hennar. Skólastarf,
dagvistun og íþrótta- og tómstunda-
starf. En líka allt hitt sem snertir fjöl-
skylduna: hversu aðgengilegt það er
að koma börnum í og úr skóla og tóm-
stundastarf og opnunartími frístund-
astarfs, svo eitthvað sé nefnt. Allt starf
sveitarfélaga á að byggja á þeim mikil-
væga grunni að fjölskyldan sé sett í
forgang.
Það er að mínu mati ekki nóg að fjöl-
skyldan sé sett í forgang í stefnu sveit-
arfélagsins, heldur þarf bæjarstjórn líka
að sýna það í verki með ákvörðunum
sínum.
Fjölskyldan fyrst er markmið mitt
og D-listans um að allar ákvarðanir,
öll mál, sem bæjarstjórn hefur til með-
ferðar, á öllum stigum, skulu metnar út
frá hagsmunum fjölskyldunnar. Fjöl-
skyldan fyrst snýst því um að flétta
þessi sjónarmið inn í stefnumótun og
ákvarðanatöku og greina áhrif allra
meiriháttar ákvarðana á stöðu fjöl-
skyldunnar. Hvaða áhrif hefur tiltekin
ákvörðun á stöðu foreldra með mörg
börn? Hvaða áhrif hefur ákvörðun á
stöðu einstæðra fjölskyldna? Hvaða
áhrif hefur ákvörðun á einstaklinga?
Takmarkið er að ráðstafanir og ákvarð-
anir bæjarstjórnar styðji við stefnu-
markmið Reykjanesbæjar um að bær-
inn okkar verði fjölskylduvænn. Ekki
bara í stefnumarkmiðum.
Í næsta pistli nefni ég til sögunnar
nokkur dæmi um verkefni og ákvarð-
anir sem þurfa að taka mið af hags-
munum fjölskyldna.
Atvinnumál og markaðsátak
Jónína Magnúsdóttir skipar 1. sæti Bæjarlistans í Suðurnesjabæ.
Haraldur Helgason skipar 4. sæti Bæjarlistans í Suðurnesjabæ.
Atvinnutækifæri í heimabyggð eru
mikilsverð fyrir íbúa en jafnframt er
blómlegt atvinnulíf forsenda byggðar.
Fjölbreytt atvinnutækifæri auka öryggi
íbúa á svæðinu og laða til sína fleiri
íbúa. Við þurfum að vinna saman að
því að skapa blómlegt atvinnulíf með
bæjarfélögunum í kringum okkur. Enda
eru Suðurnesin fyrir löngu orðin eitt
atvinnusvæði. En við þurfum líka að
huga okkur nær og skoða möguleika
í Suðurnesjabæ. Í nýju aðalskipulagi
sem gildir til ársins 2034 eru tiltekin
nokkur svæði sem hægt væri að nýta
undir atvinnustarfsemi. Þau þarf að
deiliskipuleggja og gera aðlaðandi fyrir
fyrirtæki og fjárfesta. Einnig að nýta
þau sem til eru fyrir.
Bæjarlistinn leggur til að útvíkka
hafnarráð og færa atvinnu- og mark-
aðsmál undir þá nefnd. Sú nefnd
myndi leita tækifæra og skapar grund-
völl fyrir fyrirtæki að starfa í Suður-
nesjabæ, í nálægð við höfnina, flugvöll-
inn og menningarsögu sem einkennir
bæjarfélagið okkar Suðurnesjabæ.
Einnig að farið verið í markaðsátak
sem sýnir allt það sem byggðarlagið
hefur upp á að bjóða. Við mættum
huga að ívilnunum fyrir sprotafyrir-
tæki og ný fyrirtæki í skamman tíma
meðan þau eru að festa rætur.
Suðurnesjabær hefur sína sögu og
menningu sem er lýst vel í nýju aðal-
skipulagi. Mikilvægt er að byggja á
henni þegar horft er til atvinnuupp-
byggingar, þá sérstaklega ferðaþjón-
ustunnar. Ferðaþjónustan leiðir af sér
marga aðra starfsemi eins og afþrey-
ingu, gistingu, veitingastaði og fleira.
Við getum séð það nú þegar í okkar
ágæta Suðurnesjabæ.
Einn mikilvægasti þátturinn í at-
vinnuuppbyggingu er sá að uppbygg-
ingin sé í sátt við umhverfið og íbúa
þess. Gæta þarf að aðgengi og um-
gengni, skipuleggja atvinnusvæði með
það í huga að stuðla að verndun. Hafa
ber í huga að þegar svæði eru óskipu-
lögð er ágengnin oft á tíðum til staðar.
Til að sporna við því getum við einmitt
verndað svæði með því að byggja upp
ákveðin tækifæri með skilvirku skipu-
lagi og aðgengi.

Bæjarlistinn stendur fyrir faglega
forystu og hugrakka ákvarðanatöku í
atvinnumálum
X – O Bæjarlistinn í Suðurnesjabæ
þann 14. maí.
Skil á aðSENdu EFNi
Greinar og annað aðsent efni sem óskað er
að birtist í Víkurfréttum þarf að hafa borist
ritstjórn fyrir hádegi mánudags á netfangið
vf@vf.is
FIMMTUDAG KL. 19:30
HRINGBRAUT OG VF.IS
12 // víkurFrÉttir á SuðurNESJuM