Víkurfréttir - 27.04.2022, Blaðsíða 16

Mundi
Auðmýkt!
Er það þegar þú ert með fullt
af Íslandsbankaseðlum
undir koddanum?
Þöggun eða mafía?
Ég er hugsi yfir þjóðfélaginu sem við
búum við í dag. Er í þessum töluðu
að hlusta á fjármálaráðherrann
rífa kjaft (afsakið orðbragðið) í út-
varpinu. Auðmýktin farin. Eða
hefur kannski aldrei verið til staðar.
Engum er um að kenna að „hann“
ákvað að selja Íslandsbanka til vina,
banka sem þjóðin fékk gefins að
hans sögn. Gefins? Er hann að tala
um þegar skattgreiðendur landsins
gengu til ábyrgðar í hruninu? Þegar
spillingin kom upp á yfirborðið og
við borgarar þessa lands héldum
að loksins gætum við grafið spill-
inguna í eitt skipti fyrir öll og byrjað
upp á nýtt. Þvílíkt bull. Og já ég veit
að sjálfsögðu að hrunið á uppruna
sinn í alheimskrísu í fjármálakerfinu.
En fjármálaráðherrann segir að allt
varðandi sölu bankans hafi verið
gert eftir kúnstarinnar reglum, en
leggur á sama tíma niður Bankasýslu
ríkisins. Hm?!
Það væri nú fullkominn heimur
ef sala Íslandsbanka væri stærsta
vandamálið sem þjóðin stendur
frammi fyrir. Mál sem ætti frekar
heima hjá „hlutlausum“ rannsókn-
araðilum en yfirtekur þess í stað
umræður og fókus Alþingis eins og
raun ber vitni. En skoðum aðeins
stóru málin. Heilbrigðiskerfið er
í rúst, félagslega kerfið illa í stakk
búið til að halda utan um aldraða, ör-
yrkja og aðra minnihlutahópa en þau
hverfa í skuggann á skandölum ríkis-
stjórnarinnar eins og ofangreint mál
ber vitni. Hvað erum við t.d. búin að
tala lengi um ástand spítalanna? Hér
erum við ekki eingöngu að tala um
Landsspítalann. Allar sjúkrastofn-
anir landsins eru sveltar. Skortur á
tækjum og starfsfólki, húsnæði ónýtt
og svo mætti lengi telja. Horfði um
daginn fréttaskýringaþáttinn Kveik
sem fjallaði um frásögn konu sem
örkumlaðist við fæðingu dóttur
sinnar. Var búin að kalla eftir hjálp
nánast alla meðgönguna, ekkert var
á hana hlustað sem endaði í því að
hún var látin fæða ofvaxið barn.
Enginn þeirra sem var viðstaddur
fæðinguna, læknar, ljósmæður og
hjúkrunarfræðingar „muna eftir“
fæðingunni en konan er búin að
standa í málarekstri við spítalann frá
árinu 2016. Hér er ég ekki að áfellast
spítalann eða allt frábæra heil-
brigðisstarfsfólkið okkar. Við vitum
hvert vandamálið er. Aðstæður
starfsfólksins er til skammar fyrir
„ríku“ þjóðina okkar Ísland en það
verður að þagga það niður. Hversu
lengi eigum við að „ræða“ heilbrigðis-
málin áður en við sjáum eitthvað
gert? Ég hef sjálf verið aðstandandi
sjúklinga í erfiðum aðstæðum og
ekki er mín eigin reynsla til þess að
mála myndina bjartari litum.
Sama er uppi á teningnum varð-
andi málefni fatlaðra. Í dag á ég í
samtölum við þá sem stýra þessum
málum í mínum gamla heimabæ,
Reykjanesbæ. Ég ætla ekki að tíunda
það hér en þetta er ekki í fyrsta
skipti og án efa ekki í það síðasta sem
maður upplifir að hvorki sé á mann
hlustað né að nokkuð sé að gert til að
koma þessum málum í betri farveg.
Ég spyr mig reglulega að því hvernig
málum þeirra sé háttað sem engan
eiga að, fyrir þá sem standa einir
og geta ekki barist fyrir eigin rétt-
indum. Pælið aðeins í stöðu þeirra.
Barnaverndarmál landsins eru svo
enn annar málaflokkurinn sem ég
hélt að væru komin á betri stað eftir
að við fengum sérskipaðan barna-
málaráðherra í Ásmundi Einari.
Margt hefur jú gerst síðan hann tók
við embætti og ég dáist að hugrekki
hans, metnaði og dugnaði. En betur
má ef duga skal. Skólar landsins eru
margir hverjir ekki að vinna eftir
lögum og reglum mennta- og barna-
málaráðuneytis og fylgja ekki barna-
verndarlögum. Er t.d. eitthvað eftirlit
með innra starfi skólanna í þessum
málum eða eru þau bara þögguð
niður? Höfum við ekkert lært í
gegnum tíðina, ætlum við bara að
stinga hausnum í sandinn og halda
áfram að loka augunum fyrir öllum
þeim vandamálum sem börn standa
frammi fyrir? Já, þau eru ansi mörg
vandamálin í íslensku þjóðfélagi í
dag. Endalaus drulla sem kraumar
undir yfirborðinu, þannig að öll um-
ræða um sölu Íslandsbanka hverfur
í skuggann þegar maður horfir á
heildarmyndina. Persónulega finnst
mér lítið hafa þokast í ofangreindum
málum síðastliðna áratugi, þrátt
fyrir allt sem komið hefur upp á
yfirborðið þökk sé rannsóknarblaða-
mennsku, opnari umræðu um per-
sónuleg vandamál og aðgengilegri
vettvangi til þess að koma þeim á
framfæri. Ætlum við að halda áfram
„þögguninni“ og stækka mafíuna Ís-
land eða ætlum við að horfast í augu
við vandamálin af alvöru og tala um
þau eins og þau eru til þess mögu-
lega að reyna að byggja upp þjóð-
félag sem við getum verið stolt af
að búa í?
LO
KAO
RÐ
INGU BIRNU RAGNARSDÓTTUR
Félagar úr Lionsklúbbi Njarðvíkur og
Kiwanisklúbbnum Keili heimsóttu
Reykjalund á mánudag. Erindið var
að afhenda tvö rafhjól sem klúbbarnir
fjármögnuðu kaup á og eru rafhjólin
ætluð fyrir skjólstæðinga Reykja-
lundar. Við þetta tækifæri var farið
yfir hversu mikilvægt er fyrir Reykja-
lund að hafa afnot af svona hjólum sem
hluta af endurhæfingu fyrir sjúklinga
sína.
Lionsklúbbur Njarðvíkur og Kiwanis-
klúbburinn Keilir vilja nota tækifærið
og þakka starfsfólki Reykjalundar fyrir
höfðinglegar móttökur og ánægjulega
heimsókn.
Meðfylgjandi mynd var tekin við
þetta tækifæri í blíðskaparveðri. Á
myndinni eru fulltrúar Lionsklúbbs
Njarðvíkur og Kiwanisklúbbsins Keilis
ásamt stjórnendum Reykjalundar.
Kiwanisklúbburinn Keilir og Lionsklúbbur
Njarðvíkur gáfu rafhjól á Reykjalund
1. sæti
Valgerður Björk
Pálsdóttir
Halda áfram uppbyggingu nýrra
leikskóla, bæta starfsaðstæður í
leikskólum & fjölga valmöguleikum
foreldra eftir fæðingarorlof.
Talsvert magn af frosnum fiski rann úr flutningabíl við hringtorgið á
mótum Reykjanesbrautar og Aðalgötu í Keflavík á mánudag. Aðili frá flutn-
ingaþjónustu sem á flutningabílinn sagði að líklega hefði ökumaður tekið
of skarpa beygju með þeim afleiðingum að frosinn fiskur í pakkningum
rann úr flutningabílnum og út fyrir veg. All nokkrir komu að því að tína
fiskinn aftur í bílinn.
Frosinn fiskur rann
úr flutningabíl