Víkurfréttir - 27.04.2022, Side 14

Besta deild karla:
NAUMT TAP FYRIR VAL
Keflvíkingar sýndu frábæra frammistöðu
þegar þeir tóku á mót Val í annarri umferð
Bestu deildar karla á sunnudag – gestirnir
komust yfir á 40. mínútu en því miður náðu
heimamenn ekki að svara í sömu mynt og
leiknum lauk með eins marks sigri gestanna.
Ósanngjörn úrslit en kraftmikil og jákvæð
frammistaða hjá Keflavík.
Heimamenn voru mun hættulegri í öllum
sínum aðgerðum og því var það þvert gegn
gangi leiksins þegar Valsmenn skoruðu á
skömmu fyrir hálfleik. Markið kom eftir horn-
spyrnu, vörnin gleymdi sér eitt augnablik og
var refsað fyrir.
Í seinni hálfleik bættu Keflvíkingar í
sóknarleikinn og skapaðist við það enn
meiri hætta upp við mark gestanna, það
vantaði aðeins herslumuninn upp á að Kefl-
víkingum tækist að skapa sér dauðafæri.
Allan seinni háfleik var einstefna að marki
Valsara sem stóðu af sér hverja sóknina af
annarri og héldu hreinu. Svekkjandi tap því
niðurstaðan úr þessum fyrsta heimaleik Kefl-
víkinga í Bestu deildinni.
Besta deild kvenna fer í gang í þessari viku og fyrir tímabilið
virðast fáir hafa mikla trú á Keflavíkurliðinu. Gunnar blæs á
þá spádóma og segir: „Þetta er flottur hópur og væntingarnar
eru að gera betur í sumar en allar spár segja til um,“ segir
hann en allir helstu sparksérfræðingar spá Keflavík neðsta
sæti Bestu deildarinnar í ár. „Það er kannski ekkert óeðli-
legt miðað undirbúningstímabilið þó það hafi alls ekki verið
alslæmt. Það telur ekkert í Íslandsmóti og það er hugur og
spenningur í stelpunum.
Það eru miklar breytingar á hópnum hjá Keflavík frá síðasta
tímabili en Gunnar segir að níu leikmenn sem voru að spila
mikið í fyrra séu farnir frá félaginu. Á móti hafa þrír útlend-
ingar komið inn í staðinn, Elín [Helena Karlsdóttir] verður
áfram á láni frá Breiðabliki og Sigurrós Eir [Guðmundsdóttir]
er komin aftur eftir barneign.
„Þetta er lítill en þéttur hópur og það á eflaust eitthvað
eftir að bætast við hann,“ segir Gunnar en Keflavík hefur alla
vega tvo leikmenn í sigtinu sem vonast er til að verði hægt
að ná samkomulagi við á næstu dögum.
Við Suðurnesjamenn þurfum að hafa fyrir hlutunum og
það verður allt lagt í þetta. Stelpurnar eru undirbúnar fyrir
harða baráttu, þær eru tilbúnar að fórna miklu og leggja sig
fram fyrir félagið. Þetta eru framtíðarstelpur, góðar í fótbolta
en eiga eftir að þurfa að leggja mikið á sig í sumar.“
„VIÐ ERUM EKKERT MEÐ STÆRSTA HÓP Í HEIMI,“
SEGIR GUNNAR M. JÓNSSON, ÞJÁLFARI
MEISTARAFLOKKS KVENNA HJÁ KEFLAVÍK.
„VIÐ ERUM MEÐ MARGAR HEIMASTELPUR Í LIÐINU,
MARGAR UNGAR OG EFNILEGAR STELPUR SEM HAFA
VERIÐ AÐ SPILA MEÐ OKKUR Í VETUR OG FENGIÐ ALVEG
ÓTRÚLEGA MIKLA OG GÓÐA REYNSLU. ÞETTA ER ÞAÐ
SEM VIÐ HÖFUM VERIÐ AÐ LEGGJA ÁHERSLU Á
– AÐ SPILA Á OKKAR HEIMASTELPUM.“
„Eru tilbúnar að fórna miklu“
Markvörðurinn Samantha Leshnak á mjög
flottan feril að baki en hún spilaði m.a. með
University of North Carolina við góðan orðstír
en hún lék í landsúrslitum fyrir sinn skóla
árið 2018. Árið 2019 samdi hún við bandaríska
atvinnumanna- og meistaraliðið North Carolina
Courage og varð meistari með liði sínu í NWSL-
deildinni í Bandaríkjunum. Það mun án efa
mæða mikið á Samantha í sumar en Gunnar
segir hana leikmann af háum standard.
Sóknarmaðurinn Ana Santos er fædd í Brasilíu en hefur leikið í bandaríska háskólaboltanum undanfarinn fimm ár þar sem hún var meðal annars valin leikmaður ársins fjögur ár í röð af SSAC-sambandinu í háskólaboltanum og besti leikmaður NAIA 2020 og 2021.„Mjög teknískur og öflugur leikmaður og við væntum mikils af henni í sumar,“ segir Gunnar.
Gunnar segir liðið ætli
sér ekki fall í ár.
Stelpurnar eru tilbúnar
að leggja mikið á sig
og hann sé með góðan
efnivið í höndunum.
VF-myndir: JPK
Spilar kviðslitinn
Rúnar Þór Sigurgeirsson var sprækur og sýndi ógnandi til-
burði í leiknum gegn Val. Það eru góðar fréttir fyrir Keflvíkinga
en Rúnar missti af megninu af síðasta tímabili vegna meiðsla.
Ertu búinn að ná þér góðum af meiðslum?
„Nei, ég er kviðslitinn en má samt spila á
því. Það stóð til að ég færi í aðgerð í dag
[mánudag] en ég frestaði henni úr því að
ég get spilað. Ég er bara í nárabuxum og
teipaður frá kvið niður á læri. Það er svo
sem allt í lagi.
Eftir svona aðgerð myndu líða fimm til
sjö vikur þangað til ég væri kominn aftur á
völlinn, ekkert allt of langur tími en samt
fimm til sjö vikur.“
Hvernig finnst þér þessir tveir fyrstu leikir
hafa verið?
„Gjörólíkir, við fengum auðvitað fjögur mörk
á okkur á móti Blikum. Við fórum illa að ráði
okkar, ætluðum að skora um leið og við
lentum undir í stað þess að halda skipulagi
og leika okkar leik. Leyfa þessu að koma til
okkar í staðinn fyrir að ætla að skora tvö
mörk í einu. Svo fannst mér við spila mjög
vel gegn Val, vorum að skapa okkur hálf-
færi án þess að komast í einhver dauðafæri.
Við vorum samt að þjarma að þeim og ógna
fannst mér. Valur gerði ekki neitt í seinni
hálfleik, þau voru ekki mörg skiptin þar
sem þeir komust yfir miðju. Mér fannst við
spila vel en er ekkert ánægður að hafa ekki
fengið neitt úr úr leiknum.“
Rúnar segir að þeir megi ekki fara á
taugum þótt að Keflavík sé ekki komið með
mörg stig eftir fyrstu leikina en Keflavík
byrjar á mjög erfiðu prógrammi í deildinni;
Breiðablik, Valur og Víkingur í fyrstu um-
ferðunum.
„Við spilum við þrjú bestu liðin í fyrstu
þremur umferðunum þannig að menn mega
ekki örvænta, það er bara að einbeita sér að
næsta leik og safna stigum.“
Hvernig leggjast næstu leikir í þig?
„Bara mjög vel,“ segir Rúnar. „Ég held að
liðið hafi áttað sig á því að við erum bara
þrusugóðir og að sjá Víking tapa 3:0 fyrir
ÍA gefur okkur góða von um að fá eitthvað
út úr leiknum gegn þeim. Þannig að ég er
mjög bjartsýnn á þetta verkefni sem er
framundan.“
Það er nóg að gera hjá Rúnari þessa
dagana en hann og unnusta hans, Lovísa
Guðjónsdóttir, urðu foreldrar í fyrsta sinn
fyrir skemmstu.
„Það gengur bara ágætlega, hún dafnar
vel og allt í blóma,“ segir Rúnar að lokum en
dóttur þeirra hefur ekki enn verið gefið nafn.
Rúnar var ógnandi og reyndist
varnarmönnum Vals oft erfiður
þegar hann keyrði á vörnina.
Það voru mikil gæði í leik
Keflvíkinga gegn Val sem beittu
öllum tiltækum ráðum til að
hafa hemil á þeim. Hér er Adam
Ægir Pálsson rifinn niður.
VF-myndir: JPK
Mynd af Facebook
Jóhann Páll Kristbjörnsson
johann@vf.is
sport