Fréttablaðið - 14.02.2023, Side 21

Veðbankar telja Kansas
City Chiefs líklegast
til að vinna meistara-
titilinn á næsta ári.
Afsökunarbeiðnin sem
Arsenal fékk er önnur
formlega afsökunar-
beiðnin sem félagið
fær frá dómurum á
þessu tímabili. Ljóst
er að töpuð stig með
þessum hætti gætu
orðið dýrkeypt þegar
mótið er á enda.
hordur@frettabladid.is
Fótbolti 16 liða úrslit í Meistara-
deild Evrópu fara af stað í kvöld
með látum þegar stórliðin Paris
Saint-Germain og FC Bayern eigast
við í fyrri leik liðanna. Leikurinn
fer fram á Parc des Princes í París en
liðin mætast svo í síðari leiknum í
Bæjaralandi.
Draumur eiganda PSG er að
vinna Meistaradeildina og hafa
vonbrigðin verið gríðarleg síðustu
ár. Með Lionel Messi, Neymar og
Kylian Mbappe í fremstu víglínu
eru gerðar kröfur um að liðið fari
alla leið. Hindrunin í vegi þeirra
verður hins vegar vart stærri en
þýska stórveldið, Bayern, á sér ríka
sögu í Meistaradeildinni. Þýska
liðið hefur þó oft verið meira sann-
færandi en undanfarna mánuði og
gæti þetta verið gott tækifæri fyrir
PSG að komast áfram.
Antonio Conte, stjóri Tottenham,
þarf að grafa djúpt til að ná leik-
mönnum sínum á flot eftir slæmt
tap gegn Leicester um helgina. Liðið
heldur til Ítalíu í kvöld og mætir AC
Milan í áhugaverðu einvígi. Totten-
ham hefur orðið fyrir gríðarlegri
blóðtöku á undanförnum dögum,
fyrirliðinn og markvörður liðsins,
Hugo Lloris, er meiddur og spilar ekki
næstu vikurnar. Þá meiddist Rodrigo
Bentancur illa um helgina og verður
frá í sjö mánuði, hefur hann verið
einn jafn besti leikmaður Tottenham
á tímabilinu. AC Milan situr í fimmta
sæti ítölsku úrvalsdeildarinnar en
Tottenham er í sama sæti á Englandi.
Á miðvikudag fer eitt dýrasta lið
í heimi, Chelsea, til Þýskalands og
mætir þar Borussia Dortmund. Dort-
mund hefur verið á flugi í Þýskalandi
og er til alls líklegt gegn Chelsea.
Graham Potter hefur verið í tómum
vandræðum eftir að hann tók við
Chelsea, botnlaus eyðsla félags-
ins hefur hingað til ekki skilað sér í
úrslitum innan vallar. Búast má við
jöfnum leik. Á sama tíma eigast við
Club Brugge og Benfica. n
Úrslitastund að hefjast á meðal þeirra bestu í Meistaradeild
Leikir í vikunni
Þriðjudagur:
20.00 AC Milan - Tottenham
20.00 PSG - FC Bayern
Miðvikudagur:
20.00 Borussia Dortmund -
Chelsea
20.00 Club Brugge - Benfica
PSG fékk Messi til þess að vinna Meistaradeildina. Fréttablaðið/Getty
hordur@frettabladid.is
Fótbolti Howard Webb, yfirmaður
dómara í ensku úrvalsdeildinni,
hefur boðað til neyðarfundar í vik-
unni þar sem farið verður yfir stöð-
una sem upp er komin. Dómarar á
Englandi áttu vonda helgi þar sem
VAR, myndbandstæknin og dóm-
arar gerðu afar afdrifarík mistök.
Stærstu mistökin voru gerð þegar
Brentford jafnaði gegn Arsenal. Lee
Mason sem var í VAR-herberginu
gleymdi þá að teikna línu þar sem
leikmaður Brentford var rangstæð-
ur í jöfnunarmarkinu.
Hefur þetta orðið til þess að
Howard Webb hefur beðið Arsenal
afsökunar en þessi mistök Mason
gætu haft veruleg áhrif í titilbarátt-
unni.
Algjörlega löglegt mark var svo
tekið af Brighton í leik gegn Crystal
Palace sem endaði með 1-1 jafntefli.
Þau mistök Johns Brooks í leiknum
urðu til þess að hann hefur verið
settur til hliðar, átti Brooks að vera
VAR-dómari í vikunni en fer í frysti-
kistuna.
Fleiri stór mistök voru gerð um
helgina og hefur Webb boðað alla
dómara í deildinni á fund í vikunni
þar sem farið verður yfir stöðu mála
og hvernig þeir geti reynt að bæta
ráð sitt. n
Boðað til
neyðarfundar
VAR er umdeilt. Fréttablaðið/anton
Leikstjórnandinn og Íslands-
vinurinn Patrick Mahomes
minnti enn einu sinni á það
hvað í honum býr þegar hann
leiddi Kansas City Chiefs til
sigurs í leiknum um Ofurskál-
ina (e. Super Bowl) aðfaranótt
mánudags. Þetta var annar
meistaratitill Mahomes, sem
á nóg eftir á tankinum.
kristinnpall@frettabladid.is
NFl Patrick Mahomes bætti annarri
skrautfjöður við ansi glæstan feril
aðfaranótt mánudags þegar hann
vann sinn annan meistaratitil sem
leikstjórnandi Kansas City Chiefs
í 38-35 sigri á Philadelphia Eagles í
leiknum um Ofurskálina. Með því
varð hann þrettándi leikstjórn-
andinn í sögu Ofurskálarinnar til að
vinna tvo úrslitaleiki sem byrjunar-
liðsmaður og um leið fyrsti leik-
maðurinn sem fylgir nafnbótinni
verðmætasti leikmaður deildar-
innar (e. Most Valuable Player) eftir
með meistaratitli í 24 ár.
Það var ekki margt sem benti til
þess að Chiefs myndi vinna leikinn
þegar liðin gengu inn til búnings-
klefanna í hálf leik. Ernirnir frá
Fíladelfíu leiddu með tíu stigum
og Mahomes fór haltrandi af velli
skömmu fyrir lok fyrri hálf leiks
eftir harkalega tæklingu eftir að
hafa glímt við meiðsli í aðdraganda
leiksins. Auk þess sýndi tölfræðin
að fyrir  leik gærdagsins voru lið
sem voru tíu stigum undir í hálfleik
eingöngu búin að vinna einn leik af
27. Það þurfti því töfra til að galdra
fram sigur og án Mahomes hefði
Chiefs ekki átt roð í öflugt lið Eagles.
Umdeilt víti aðstoðaði Chiefs
vissulega á ögurstundu í leiknum
en þegar litið er í baksýnisspegilinn
verður að horfa til þess að það stóð
ekki steinn yfir steini í vörn Eagles.
Ein besta varnarlína deildarinnar,
sem bætti metið yfir leikstjórn-
endafellur á tímabilinu, kom hönd-
unum ekki á Mahomes sem tætti
í sig vörn Eagles þegar það skipti
máli. Þó að Mahomes hafi ekki
kastað fyrir mörgum jördum tókst
honum að finna glufurnar í seinni
hálfleik þegar úrslitin réðust.
En hvað er næst fyrir Mahomes og
Höfðingjana frá Kansas City? Liðið
gekk í gegnum vissa  endurnýjun
á milli tímabila þegar Mahomes
missti sitt helsta vopn í Tyreek Hill.
Útsjónarsemi í nýliðavalinu varð
til þess að varnarleikur liðsins stór-
batnaði á milli tímabila og má leiða
líkur að því að Höfðingjarnir vilji
bæta við vopnum fyrir Mahomes í
útherjasveitinni. Það er því líklegt
að við sjáum Chiefs  aftur berjast
um meistaratitilinn á næsta ári og
næsta áratuginn enda Mahomes á
samningi næstu sjö árin. Verkefni
Kansas City nú er því að finna réttu
púslin í kringum leikstjórnandann
frábæra því hann sannaði enn á
ný um helgina að hann á iðulega
ás uppi í erminni, sama hverjar
aðstæðurnar eru. n
Ný rós í hnappagat Íslandsvinarins
Þrátt fyrir að hafa meiðst illa á ökkla í leiknum var Mahomes drjúgur að sækja endurnýjanir með því að hlaupa undan vörn Eagles. Fréttablaðið/Getty
Þetta er annar meistaratitill Mahomes en ef hann sleppur við meiðsli ættu
fleiri meistaratitlar að fylgja á næstu árum. Fréttablaðið/Getty
2
Chiefs er annað liðið í
sögu Super Bowl sem
er tíu stigum undir
eða meira í hálfleik en
vinnur.
1
Snertimark Skyy
Moore í fjórða leik-
hluta úrslitaleiksins
var hans fyrsta í NFL-
deildinni
5
Mahomes er fimmti
leikstjórnandinn í
sögunni til að hljóta
nafnbótina besti leik-
maður Super Bowl
(e. MVP) tvisvar
4
Chiefs fengu fjórar
sóknir í seinni hálfleik
og skoruðu úr þeim
öllum.
Fréttablaðið Íþróttir 1714. Febrúar 2023
þriÐJUDAGUr