Veiðimaðurinn - 01.12.1943, Page 19

gljúfrunum, þó víða sé fremur erfið að-
staða til veiða vegna gljúfranna.
Hér að framan hefur þá verið getið
helztu vatna, er í Norðurá falla á þessu
svæði. Það er því augljóst, að Norðurá
eykst stöðugt ásmegin og verður tígu-
legt vatnsfall, því neðar sem dregur í
N or ðurárdalinn.
Á svæðinu frá Króksfossi að Glanna
eru margir prýðilegir veiðistaðir. Króks-
hylur hefur fram til þessa verið talinn
endastöð veiðistaða í Norðurá. Það er
djúpur hylur og góðir strengir eru einn-
ig ofan vert við hann. Dálítið mun hafa
veiðzst þar í seinni tíð. Undan Háreks-
stöðum eru smákvarnir, sem veiðzt hef-
ur dálítið í. Úr því eru lítið þekktir veiði-
staðir, þar til er niður hjá Hól kemur,
en þar undan bænum er stór hylur, er
Hólshylur nefnist. Að vísu eru víða smá-
hyljir á svæðinu frá Háreksstöðum að
Hóli og góðir möguleikar á laxveiði þar,
einkum þegar laxganga verður meiri
þar efra. í Hólshyl er oft allmikið af
laxi og hefur veiðzt þar allvel.
Undan Hreimsstöðum eru tveir hylj-
ir, sem eru góðir veiðistaðir, líklega þeir
jafnbeztu þar fram í dalnum. Neðri hyl-
urinn er alldjúpur og nokkuð stór og
liggur oft mikill fiskur í honum. Efri
hylurinn er nokkuð breytilegur frá ári
til árs og tekur lax venjulega betur
í þeim hyl.
Svo nefnd Þrengsli taka nú við og er
lítið um merka veiðistaði þar að ræða
og ekki fyrr en kemur á móts við Skarðs-
hamra. Úr því kemur hver smáhylurinn
af öðrum, einkum þar sem ármót Bjarna-
dalsár og Norðurár eru. Sá hængur er þó
allvíða á, að lítill straumur er og víða
moldar- og grashnausar í hyljunum, er
valda festum. Smáir strengir eru þó
undan mynni Karlsdals. Niður hjá Glits-
stöðum eru einnig smá hyljir, en engir
sérstaklega orðlagðir veiðistaðir.
Norðurá hvíslast þar neðra í dalnum
og myndar hólma, Desey, Hrauney og
smærri hólma. Vestasta kvíslin, ofan við
Desey, er nærri alveg þurr í þurrkum.
Mið-kvíslin, neðan við Desey, er all
vatnsmikil og má telja aðalkvísl. Fellur
hún vestur í efri kvíslina, sem þá hef-
ur sameinazt áður vestustu grein Bjarna-
dalsár, er féll niður með Hvassafelli og
áður var getið.
Sameinuð kvíslin fellur nú 1 hraun-
þrengslum, dálítið neðan við Brekku-
bæ. Þar eru kallaðir Hraunbollar og er
oft nokkur veiði í þeim og sæmilegt að
veiða þar á flugu, því að góður straumur
er þar. Úr þessu eru aðeins smápyttir
með strengjum á milli, sem að vísu má
veiða í, þegar áin er sæmilega vatns-
mikil. Þó er rétt ofan við Glanna all-
djúpur hylur og efst í honum fiskilegur
strengur, en hann er ákaflega stórgrýtt-
ur, svo að mikil hætta er á, að fiskur
slíti eða rífi þar úr sér.
Ekki er efa blandið, að lax hefur auk-
izt mjög á svæðinu frá Króksfossi að
Glanna, síðan Glanni var sprengdur.
Gætt hefur verið að veiða þar ekki um
of. Auk þessa hefur verið starfrækt
klakstöð hjá Hvassafelli, en um árangur
þess starfs er ekki kunnugt ennþá.
III.
Frá Glanna að Laxfossi.
Á svæðinu frá Glanna að Laxfossi
falla margar smásprænur og stærri læk-
ir í Norðurá undan Brókarhrauni. Enn-
fremur fellur Hrauná úr Hreðavatni
meðfram Brókarhraunsröndinni að vest-
an og í Norðurá skammt fyrir ofan Lax-
foss. Hrauná er lítil spræna, en þó hef-
ur lax sézt í henni 1 haustflóðum. Telja
17