Veiðimaðurinn - 01.12.1950, Qupperneq 14

SIGBJORN ARMANN
I N MEMORIAM
Með Sigbirni Ármann er fallinn í
valinn landskunnur forustumaður ís-
lenzkrar stangveiði-menningar, enda var
hann sí starfandi að þessum áhugamálum
sínum til æfiloka.
Starfssaga hans í þágu stangveiði-mál-
anna er saga af óvenjulegum dugnaði,
þrautseigju og vilja til að hrinda í fram-
kvæmd þeim verkefnum, sem honum
voru hugkær og að skapi.
Hann gekkst fyrir stofnun nokkurra
stangveiðifélaga, sem öll hafa átt sinn
mikilvæga þátt í því, að uppræta ádrátt
og netaveiði, en stórauka afkomu
ánna, með friðun klaksvæða þeirra og
laxaklaki. Enda hefur áhugi landsmanna
fyrir stangveiðiíþróttinni aukizt feikna-
mikið síðustu árin, og má þakka Sig-
birni lieitnum það að talsverðu leyti.
Margra ára reynsla hafði fært honum
heim sanninn um það, að stangveiðar
eru erfiðar og þreytandi og því nauð-
synlegt að aðbúnaður allur sé í bezta
lagi, ef þær eiga að vera veiðimanninum
til yndis og ánægju. Var það því fyrsta
verk Sigbjörns heitins, að byggja þægi-
lega skála við ár þær, sem hann
hafði umráð yfir, og auka á allan hátt
þægindi og aðbúnað fyrir veiðimenn-
Sigbjörn Armann.
ina. Fáum mun vera ljóst, hversu geysi-
mikið og tímafrekt starf Sigbjörn innti
hér af höndum, bæði fjárhagslega og
verklega, með því að hrinda þessum á-
hugamálum sínum í framkvæmd. En
frábær dugnaður og skapfesta, ásamt
samvinnu og aðstoð stangveiðifélaganna,
gerðu honum kleift að ná settu marki.
Sigbjörn Ármann var ör í skapi en
hreinn og beinn og drengur góður, sem
mátti ekki vamm sitt vita. Hann dróg
aldrei dul á hvar í flokk hann skipaði sér,
þjóðarhagur og þjóðarheilí voru stærstu
áhugamál hans. Málstað sínum hélt hann
12
VrTf>tM\nrRT\’\: