Bændablaðið - 06.10.2022, Blaðsíða 18
Vo
tle
nd
iss
jó
ðu
rin
n
Endurheimt votlendis stöðvar losun
koltvísýringsígilda, eflir líffræðilega
fjölbreytni, fuglalíf og bætir vatnsbúskap.
Sjóðurinn hefur nú starfað í fjögur ár og
endurheimt um 400 hektara af mýrlendi.
1.700 tonn stöðvuð í september
Á dögunum lauk sjóðurinn við
framkvæmdir á tveimur jörðum, annarri
á Snæfellsnesi og hinni á Rauðasandi
á Vestfjörðum. Jörðin Berserkseyri á
Snæfellsnesi var endurheimt að mestu í
ágúst og september og þar fóru rúmlega
30 hektarar í endurheimt. Á Móbergi á
Rauðasandi fóru 55 hektarar í endurheimt
en samtals er þetta árleg losun upp á 1.700
tonn af koldíoxíð sem er sama magn og
kemur frá 850 fólksbílum á ári. Það munar
um minna.
Mikil og jákvæð þróun
Mikil hreyfing hefur verið á umhverfi
þeirra eininga sem seldar eru til
að fjármagna framkvæmdir í þágu
loftslagsmála. Frá stofnun sjóðsins
hefur umhverfið skerpst og skilningur
bæði kaupenda, seljenda og framleiðenda
aukist til muna og um leið eru gerðar
meiri kröfur um gagnsæi og vönduð
vinnubrögð. Þetta á bæði við um
kolefniseiningar framleiddar í votlendi
og skógrækt sem eru þær algengustu á
Íslandi. Sjóðurinn hefur fagnað þessari
þróun og tekið fullan þátt í henni. Til
þessa hafa þó allar framkvæmdir sjóðsins
verið unnar eftir leiðbeiningum frá
Landgræðslunni og eftirliti.
Innleiðing á erlendri vottun
Verkfræðistofan Efla er nú að vinna
með Votlendissjóði að innleiðingu á
alþjóðlegri vottun á ferla sjóðsins. Það
er unnið í nánu samstarfi við sérfræðinga
Landgræðslunnar. Mikill kraftur er í
vinnunni og vænta allir sem að henni
koma að ferlarnir verði virkir fyrri hluta
næsta árs. Stjórn Votlendissjóðsins ákvað
á síðasta ári að velja alþjóðlega vottun
og er nú komin langleiðina í samtali við
VERRA. Sem er með staðal í samræmi
við ISO 14064-2 og 3:2006 og nýja
tækniforskrift Staðlaráðs Íslands sem
verið er að ljúka við. Þetta er fyrsta slíka
vottunin á Íslandi í sölu kolefniseininga.
Tækifæri til tekna í mýrlendinu
Með því að fara í endurheimt með
Votlendissjóðnum sparar landeigandinn
sér alla gagnaöflun og undirbúning,
umsóknir og svo fjármögnun á því
og framkvæmdinni sjálfri. Sem um
ferlavinnuna sem er lykilatriði í allri sölu
inn í framtíðina. Sjóðurinn fær í staðinn
8 ára sölurétt á einingunum og við enda
samningsins eignast landeigandinn svo
einingarnar inn í framtíðina.
Í dag selur sjóðurinn tonn á 2.000
krónur og það er spá margra að tonnið
eigið eftir að hækka, sérstaklega ef tekið
er tillit til virknihraða eininganna. Það er
að segja virkni eininga úr skógrækt hefur
lengri tíma enda um ræktun og bindingu
að ræða á meðan eining úr votlendi er
stöðvun á losun sem virkjast mjög hratt.
Nánari upplýsingar er hægt að nálgast
á www.votlendi.is eða á bás sjóðsins
á sýningunni.
Votlendissjóður, Árleyni 22, 112.
Reykjavík. S. 618 9000.
Netfang: votlendi@votlendi.is
Vefsíða: www.votlendi.is
Í byrjun september var Votlendissjóður tilnefndur til Umhverfisverðlauna
Norðurlands. Tilnefningin er mikil viðurkenning fyrir sjóðinn en hann
er sjálfseignarstofnun sem er rekin á framlögum frá samfélagslega
ábyrgum fyrirtækjum, félagasamtökum og einstaklingum.
Aukið magn mófugla í túnum eru ein fallegasta birtingarmynd endurheimtarinnar því auk
þess að stöðva óþarfa losun koldíoxíðs úr framræstu landi við endurheimtina þá njóta
mófuglar afraksturs endurheimtarverkefna og aðstæður þeirra bætast til muna. Þessa mynd
á Sigurjón Einarsson, áhugaljósmyndari og starfsmaður Landgræðslunnar, sem fylgist
meðal annarra með framvindu og þróun framkvæmda á vegum sjóðsins.
Hér sést yfir endurheimt á Móbergi á Rauðasandi.
Einar Bárðarson, framkvæmdastjóri
Votlendissjóðs, á vettvangi.
Með því að fara í endurheimt með Votlendissjóðnum
sparar landeigandinn sér alla gagnaöflun og
undirbúning, umsóknir og svo fjármögnun á því
og framkvæmdinni sjálfri ...“
KYNNINGAR
Stjórnarfólk Votlendissjóðs kemur víðs vegar að úr samfélaginu en öll brenna þau fyrir það að láta gott af sér leiða í náttúruvernd og
baráttunni við loftslagsbreytingarnar. Lengst til vinstri er framkvæmdastjóri sjóðsins Einar Bárðarson, þá Ólafur Eggertsson, bóndi á
Þorvaldseyri, varaformaður stjórnar, Halldóra Kristín Hauksdóttir, eigandi Græneggja ehf. og stjórnarmaður í Bændasamtökunum, Helga
J. Bjarnadóttir, verkfræðingur og sviðsstjóri hjá Eflu, Bryndís Gunnlaugsdóttir Holm lögfræðingur, Sveinn Ingvarsson, bóndi á Reykjum
á Skeiðum og fyrrum varaformaður stjórnar Bændasamtakanna, Ingunn Agnes Kro, lögfræðingur og formaður stjórnarinnar, Þórunn Inga
Ingjaldsdóttir, viðskiptafræðingur og forstöðumaður hjá Samskipum, Sigurður Torfi Sigurðsson, ráðunautur á umhverfis- og rekstrarsviði
Ráðgjafarmiðstöðvar landbúnaðarins, Kristrún Tinna Gunnlaugsdóttir, forstöðumaður stefnumótunar og sjálfbærni hjá Íslandsbanka og
lengst til hægri Hjálmar Kristjánsson útgerðarmaður.