Veiðimaðurinn - 01.06.2005, Qupperneq 17

#3*
Sumarið
alltí
Kjósinni
Nú er brúnin farin að lyftast eftir langan vetur. Það er komið vor
og fyrstu laxarnir famir að þefa sig að heimkynnum sínum við
tilheyrandi tilhlökkun veiðimanna. Spurningar vakna um hvort
nú verði betri veiði en í fyrra eða hvort nú sé komið að því að
þetta springi virkilega út með risagöngum, laxi út um allt og allt
verði vitlaust. Það er einmitt þessi seinasta hugsun og von sem fær
veiðimenn til þess að kaupa vorleyfi í ánum hér á Suðurlandi og þá
oftar en ekki í Laxá í Kjós.
í Laxá í Kjós hefst veiði 10. júní og er þá alltaf kominn fiskur, það er hins vegar
óvíst hversu mikið er komið og hversu hratt hann gengur upp. Það virðist fara
eftir vatni og hita hversu lengi fiskur dvelur fyrir neðan Laxfoss. Bestu staðirnir í
byrjun eru alltaf frá Laxfossi og niður að brú en að öðrum veiðistöðum ólöstuðum
er Kvíslafoss heitastur. Þar er lax frá byrjun og allt sumarið og stundum mjög
mikið af honum. Oftast heldur fiskurinn sig við straumtaglið en getur einnig legið
ofar og neðar. Veiðimenn sem koma að fossinum að morgni ættu alltaf að fara
varlega fram á klappirnar því fiskur getur legið nálægt landi. Ef vatn er mikið
stöðvast einnig fiskur norðan megin og má þá veiða báðar kvíslar fossins.
Pallarnir neðan fossanna geta í raun flestir haldið fiski en þó eru Lækjar-
breiðurn-ar bestar en þessir staðir eru þó allir göngustaðir og fiskur gengur oftast
hratt gegnum þá. Það gildir því sú regla að prófa þá oft þegar fiskur er í göngu.
Júní 2005 Veiðimaðurinn 17