Veiðimaðurinn - 01.04.2009, Side 8

I
DRAUMAHYLURINN
C
Stórlax af Malareyrinni sumarið 2008.
Draumaveiðistaðurinn minn er í Fnjóská, nánar tiltekið
í hávöðunum á fyrsta svæði neðan við laxastigann.
Þarna eru margir veiðistaðir á stuttum kafla og mjög
misjafnt eftir vatnsmagni hvar bæði lax og bleikja
heldur sig. Þarna hef ég lent í mörgum ævintýrum enda umhverfi
árinnar erfitt yfirferðar og alltaf von á þeim stóra.
Helstu veiðistaðirnir á þessum stutta kafla eru Kolbeinspoflur,
Hellan, Malareyri, Bjarghorn og Skúlaskeið. Þegar mikið vatn er í
ánni og fiskur að ganga er hægt að lenda í fiski alls staðar á þessu
svæði frá laxastiga og niður undir gömlu brúna. Vatnsmagnið er
mikið og nýrunninn fiskur getur hvílt sig smástund alls staðar þar
sem skjól er að fa áður en ráðist er á næsta þröskuld.
Mér finnst skemmtilegast að veiða þarna snemmsumars, frá
opnun og fram yfir miðjan júlí. Þá er mikið vatn og fiskurinn getur
því legið víða. Sprettharðar bleikjur eru komnar smáspöl frá hafinu
og grálúsugir laxar gefa ekkert eftir og eru kolvitlausir taki þeir
fluguna.Afltaf þegar ég kem á staðinn og horfi yfir svæðið á þessum
tíma finn ég fyrir mikilli spennu. Yfirleitt sjá veiðimenn marga
fiska en stundum taka líka 8-10 punda bleikjur eða rúmlega 20
punda nýrunninn lax og þá kiknar maður í hnjáliðunum af
spenningi. Á þessu svæði er oftar sýnd veiði en gefin eins og við
veiðimenn þekkjum - en ekki alltaf.
Á vorin finnst mér skemmtilegast að veiða svæðið með því að
fara oft á milh staða og vera vel vakandi. Þótt ekki sé fiskur einum
hyl þá stundina getur hann verið þar nokkrum mínútum seinna,
enda er fiskurinn á göngu og þarf að fara um margar hindranir.
Ég hef margoft lent í því að þótt lítið sé að gerast í byijun vaktar
og búið að reyna á öllum stöðum, þá fer allt í einu aflt af stað. Nýr
fiskur getur verið að koma inn um klukkan ellefu á morgunvaktinni.
Það þýðir því lítið að gefast upp þótt lítið sé að gerast heldur
margborgar sig að fara oft yfir sömu staðina og reyna sem víðast.
Mér eru minnisstæð tvö atvik þar sem nákvæmlega þetta gerðist.
I fyrra sinnið var ég að veiða með Brynjari Erni Baldvinssyni,
félaga mínum. Það haíði verið rólegt á vaktinni hjá okkur.Við
vorum með báðar stangirnar og vorum búnir að fá nokkrar
smábleikjur en annað ekki. Klukkan var orðin rúmlega tólf.Við
8
4 '09