Veiðimaðurinn - 01.04.2009, Blaðsíða 63

viðsemjendur félagsins um verðlækkun í samningum. Sem fyrr
greiða félagar í SVFR lægra verð fyrir veiðileyfi hjá félaginu en utan-
félagsmenn sem greiða 20% hærra verð.
í vatnaveiði eiga félagsmenn sem fyrr kost á að kaupa Veiðikortið
með 1.000 króna afslætti eða fyrir aðeins 5.000 krónur. Handhafar
Veiðikortsins hafa nær ótakmarkaðan aðgang að rúmlega 30 veiði-
vötnumognægirþaraðnefnaÞingvallavatn(fyrirlandiþjóðgarðsins),
Hítarvatn á Mýrum, Meðalfellsvatn í Kjós, Hópið í Húnavatnssýslu og
Hraunsfjörð á Snæfellsnesi.
Kvóti í stað veiða og sleppa í Stóru-Laxá, Sogi og
Tungufljóti
Veiðireglur eru breyttar í Stóru-Laxá, Sogi ogTungufljóti í Skaftafells-
sýslu fyrir komandi veiðitímabil. Búið er að afnema veiða/sleppa
reglurnar sem settar höfðu verið á svæðunum og settur kvóti á
veiðimenn í staðinn. Þetta hefur í för með sér breytingar á leyfilegu
agni, og eins hefur veiðitíma í Stóru-Laxá verið breytt verulega.
í Stóru-Laxá verður júníveiði ekki í boði og hefst veiði ekki fyrr en
1. júlíá öllum svæðum. Þá verður svæði IV lokað í september. Veiða
/sleppa reglan sem var í gildi í september hefur verið afnumin og
nú er kvóti tveir laxar á hvern stangardag í september. Eftir það ber
að sleppa laxi. Því er nú hægt að brúka flugu, maðk og spón í
Stóru-Laxá líkt og áður en menn eru hvattir til þess að sleþþa
stórlaxi.
Þá er hægt að kaupa staka daga fram í miðjan ágúst á svæðum I
og II og er veitt frá morgni til kvölds. Eftir það taka við tveggja daga
holl. Á svæðum III og IV eru seldir stakir dagar allt veiðitímabilið.
[ Soginu er einnig búið að afnema veiða/sleppa regluna í
september og setja á tveggja laxa kvóta. Maðkveiði er því nú aftur
leyfileg í september. Veiðimenn eru hvattirtil þess að sleppa stórlaxi
ef kosturer.
í Tungufljóti í Skaftafellssýslu hefur veiða/sleppa reglan einnig
verið afnumin í samráði við Veiðimálastofnun. Nú er kvóti á veiði-
menn frá 15. september tveir sjóbirtingar á hverja dagsstöng. Því er
aftur leyfilegt að brúka flugu, maðk og spón í Tungufljóti. Ekki er
kvóti á laxi og bleikju.
Mýrarkvísl ný veiðiá hjá SVFR
Mýrarkvísl í Reykjahverfi er ný í umboðssölu hjá SVFR. Mýrarkvísl
rennur til Laxár í Aðaldal sunnan við Laxamýri, rétt neðan við Heiðar-
endann ofan Mýrarvatns. Um er að ræða 25 kílómetra veiðisvæði
með 50 merktum veiðistöðum.Það er ánægjulegt að segja frá því að
mjög mikil verðlækkun hefur orðið á veiðileyfum frá síðasta ári. Það
er ekki aðeins að verð veiðileyfanna lækkar umtalsvert frá fyrra ári
heldur hefur stöngum einnig verið fækkað og er veitt á þrjár stangir
í stað fjögurra áður. Sem fyrr er aðeins heimilt að veiða á flugu í
Mýrarkvísl og er það í samræmi við þær reglur sem eru við lýði í Laxá.
Stórlaxi ber að sleppa en heimilt er að hirða minni laxana.
Mýrarkvísl ersíðsumarsá, og því eru aðeins í boði hjá SVFR veiðileyfi
eftir miðjan júlí. Sjá nánar á vef félagsins, www.svfr.is. Einnig er hægt
að fá nánari upplýsingar með því að senda tölvupóst á halli@svfr.is.
Laus veiðileyfi á www.svfr.is
í lok febrúar í ár var opnað fyrir sölu veiðileyfa á vef félagsins, www.
svfr.is. Þar er að finna upplýsingar um veiðisvæði og laus veiðileyfi.
Félagsmenn í SVFR og aðrir veiðimenn eru hvattir til að kynna sér
sem fyrst laus veiðileyfi. Sími skrifstofunnar er 568 6050, einnig er
hægt að senda fyrirspurn á svfr@svfr.is.

4 '09
63
SVFR-PUNKTAR
Samantekt / Þorsteinn Ólafs