Veiðimaðurinn - 01.04.2009, Blaðsíða 51

VEIÐISTAÐALÝSING HÍTARÁ II
Tálmi 11 - Úrhylur
Urhylur er næsti hylur neðan ármóta Tálma og Gijótár. I Urhyl
veiðist bæði bleikja og lax og stoppar laxinn sem er á leið í Gijótá oft
stutta stund í Urhyl áður en hann gengur í Gijótá. Snemmsumars er
oft hægt að hitta á bleikju í Úrhyl. Best er að byrja veiði í Úrhyl
ofarlega í strengnum frá landinu austanmegin. Þegar búið er að fara
yfir strenginn efst þá er hægt að færa sig bæði austan og vestanmegin
en þó er betra að athafna sig að austanverðu.
Tálmi ofan ármóta við Grjótá
I Tálma ofan ármóta við Gijótá er ekki mikið um veiðistaði.
Þessi hlutiTálma er mun kaldari þar sem stærsti hlutinn er lindá
og kemur úr uppsprettu undan hrauninu í Hítardal. Eg hef ekki
orðið var við lax á þessu svæði en á nokkrum stöðum er hægt að
hitta á bleikju. Helst er að fá bleikju á tveimur stöðum niður
undan túnunum á Helgastöðunr.
HÍTARÁ II
Veiðistaðir ofanvið Kattarfoss
Til að komast að veiðistöðum ofan við Kattarfoss er keyrt upp
Hítardal, beygt af veginum rétt fyrir neðan bæjarstæði Hítardals
og ekið upp dalinn. Beygt er af veginum við hraunréttina og
ekið eftir slóða sem nær að Kattarfossi.
Veiðistaður 1 - Fossbrún
Fyrsti veiðistaður fyrir ofan Kattarfoss. Áin fellur niður í fallegan
hyl við landið að vestanverðu. Á göngutíma er þessi staður mjög
góður en laxinn stoppar þarna stutt. Þar sem hylurinn er stuttur
fer best að renna maðki í hylinn og ef staðurinn er hvíldur þá
liggur laxinn alveg niðri á broti.
Veiðistaður 2 - Maggý
Maggý er fallegur strengur í beygjunni rétt ofan við Kattarfoss. Áin
fellur þarna í failegum streng við landið að austanverðu og liggur
fiskurinn í enda strengsins niður undir stórum steini í miðri ánni.
Hægt er að veiða þennan stað bæði með flugu og maðki.
Veiðistaður 3 - Steinahylur
Steinahylur er gríðarlega skemmtilegur flugustaður. Áin feflur niður
með kletti að austanverðu og í streng meðfram steinum að
austanverðu.Við þessa steina liggur laxinn. Oft er hægt að veiða vel
í þessum hyl á göngutíma og er gaman að fara yfir hann með
gárubragðinu. Gott er að byija veiði vel ofan við klettinn og færa sig
smátt og smátt niður að steinunum að austanverðu. Best finnst mér
að landa laxinum ofan við staðinn til að styggja hylinn sem minnst.
Veiðistaður 4 - Göngukonuhellir
Göngukonuhellir er ekki svipur á sjón í dag. Áður fyrr var þessi
staður með þeim betri ofan Kattarfoss en fyrir nokkrum árum
fyfltist hann af sandi og möl og hefur varla fengist fiskur þar síðan.
Veiðistaður 5 - Strengir
Strengir eru fallegur staður nokkuð neðan við Efri breiðu. Ain
fellur þarna niður í streng og breiðir úr sér í fallegri breiðu
neðantil. Eitt sinn var ég þarna á veiðum með fóður mínum og
byrjaði ég með Frances. Ekkert gerðist í byrjun en þegar ég
koma að breiðunni þá fékk ég fina töku og eftir góða baráttu lá
á bakkanum falleg 9 punda hrygna. Hvíldi ég staðinn i stutta
stund og fór svo aðra yfirferð. Á nákvæmlega sama stað og áður
fékk ég aðra töku en eftir stutta en snarpa baráttu losaði laxinn sig
af. Ákvað ég þá að gefa staðnum hvíld. Komum við að þessurn
stað aftur seinni part dags og var ákveðið að fara eins að og um
morguninn. Og viti menn á sama stað og um morguninn tók
fiskur. Onnur 9 punda hrygna lá á bakkanum.
Veiðistaður 6 - Efri Breiða
Efri-Breiða er einn af betri veiðistöðum í Hítará ofan Kattarfoss.
Hægt er að hitta á lax á þessum stað megnið af veiðitímanum. Áin
fellur í stríðum streng niður í faflega breiðu og eru helstu tökustaðir
í enda strengsins og niður með breiðunni þar sem hún grynnist. I
4 09
51