Fréttablaðið - 23.03.2023, Blaðsíða 11

Tíu ár eru frá því að Sjálfstæðis-
f lokkurinn tók við orkumálunum.
Sex ár eru frá því núverandi
ríkisstjórn setti sér fyrst markmið
um orkuskipti.
Eitt ár er frá því að nefnd
trúnaðarmanna stjórnarflokk-
anna sagði í grænni skýrslu að
ríkisstjórnin yrði að senda um
það skýr skilaboð hversu mikið
þyrfti að auka raforkuframleiðslu
næstu tvo áratugi til að ná mark-
miðum um orkuskipti og grænan
hagvöxt.
Tvær vikur eru síðan forstjóri
Landsvirkjunar brýndi ríkis-
stjórnina til að senda þau skila-
boð, sem nefndin í fyrra kallaði
eftir.
Pólitískur ómöguleiki
Ríkisstjórnin er enn á byrjunar-
reit. Sumir tala reyndar um öfug
orkuskipti.
Að réttu lagi hefði orkumála-
ráðherrann átt að kalla til Lands-
virkjunar um að hlaupa hraðar
eftir markaðri stjórnarstefnu. Það
er eitthvað að í pólitíkinni þegar
forstjóri Landsvirkjunar þarf að
brýna ríkisstjórnina til að hlaupa
hraðar við stefnumörkun eftir sex
ára samstarf.
Ísland dregst nú hratt aftur úr
öðrum þjóðum varðandi þetta
lykilatriði stefnumótunar í lofts-
lagsmálum.
Ráðherrar Framsóknar hafa
ítrekað talað um nauðsyn aðgerða
án þess að ná eyrum samstarfs-
ráðherra.
Á fundi Landsvirkjunar á
dögunum sagði fjármálaráð-
herra að það yrði að virkja. Hann
gat þó ekki svarað grundvallar-
spurningu forstjórans. Þar skilar
ríkisstjórnin auðu. Það er þó ekki
vegna dáðleysis orkuráðherrans.
Flestir, sem lesa grænu
skýrsluna og hlusta á ræður
ráðherranna fá á tilfinninguna
að vandinn sé fremur pólitískur
ómöguleiki og liggi í eðli stjórnar-
samstarfsins.
Afsakanir
Bið eftir stórum ákvörðunum má
oft afsaka. Flestar ríkisstjórnir eru
á eftir áætlun með orkuskiptin.
Ríkisstjórn Íslands er þó sú eina
sem er enn á byrjunarreit.
Hitt verður að segja ríkis-
stjórninni til hróss að enginn
hefur talað meir um loftslagsmál
á leiðtogafundum NATO en for-
sætisráðherra Íslands.
Hér þarf vitaskuld einnig að
hafa í huga að í samsteypustjórn-
um tekur jafnan nokkurn tíma að
semja um skýra stefnumótun á
stórum og f lóknum málasviðum.
Þegar á hinn bóginn er á það
horft að sami f lokkur hefur
ráðið orkumálunum í áratug og
ríkisstjórnin hefur setið í sex ár
án niðurstöðu er lögmálið um
pólitískan ómöguleika eina sjáan-
lega skýringin.
Stækkunargler
Á Alþingi hefur allan tímann
verið meirihluti til að taka þær
ákvarðanir, sem græna skýrslan
og forstjóri Landsvirkjunar kalla
eftir.
Sjálfstæðisflokkurinn hefur
aftur á móti metið það svo að
réttlætanlegt væri að halda
ákvörðunum um orkuöflun fyrir
orkuskipti og grænan hagvöxt í
biðflokki vegna heildarávinnings
af samstarfi við VG.
Gagnrýni atvinnulífsins á
eyðslu ríkissjóðs umfram efni
bendir hins vegar ekki til þess að
umtalsverður ávinningur hafi
náðst á því sviði þó að meirihluti
hafi verið á Alþingi fyrir aðhalds-
ríkari ríkisfjármálastefnu.
Gagnrýni helstu sérfræðinga
í varnarmálum á að uppfærsla
forsætisráðherra á þjóðaröryggis-
stefnu nái aðeins til almanna-
varna á stríðstímum en ekki til
varnar- og öryggismála, þrátt fyrir
meirihluta á Alþingi, er heldur
ekki vísbending um mikinn
ávinning.
Ekki er heldur að sjá að áhrif
VG á heilbrigðismálin hafi skilað
Sjálfstæðisflokknum miklu.
Margt frjálslynt og borgaralega
þenkjandi fólk þarf örugglega
stækkunargler til að sjá heildar-
ávinninginn.
Miðjan
Samfylkingin, sem nú mælist
stærsti f lokkur landsins, fylgir
sömu línu og VG í þessum efnum.
Hún hefur að auki fært sig lengra
til vinstri á öðrum sviðum og
staðsett sig málefnalega þar sem
VG var í stjórnarandstöðu fyrir sex
árum með rífandi fylgi.
Sumar kannanir benda til þess
að Samfylkingin geti myndað
hreina vinstri stjórn nái Sósíal-
istaflokkurinn mönnum á þing
eftir næstu kosningar. Fari svo
heldur biðflokksstefnan áfram.
Næstu kosningar munu því hafa
afgerandi áhrif á framvindu orku-
málanna, orkuskipti og grænan
hagvöxt. Trúverðugleiki þess
flokks, sem í tíu ár hefur haldið
stefnumörkun um orkuöflun í bið-
flokki vegna annarra markmiða,
verður augljóslega takmarkaður.
Í þessu ljósi má segja að sú
skylda hvíli á f lokkum eins og
Framsókn og Viðreisn að gera
miðjuna það áhrifamikla að
loknum næstu kosningum að
þessu þjóðhagslega mikilvæga
viðfangsefni verði með engu móti
haldið lengur í biðflokki pólitísks
ómöguleika jaðranna. Eins og
sakir standa eru miðjuflokkar lík-
legastir til að opna pattstöðuna. n
Pattstaða
Þorsteinn
Pálsson
n Af Kögunarhóli
Sérfræðingur
á fjármálasviði
Birgða-, sölu- og áhættugreining
Skeljungur ehf. leitar að jákvæðum, talnaglöggum og
metnaðarfullum aðila í starf sérfræðings á fjármálasviði.
Ef þú hefur metnað til greininga, rýninga ferla og stöðugra
umbóta í verklagi er þetta rétta starfið fyrir þig.
Um Skeljung
Hjá Skeljungi starfar fjölbreytt flóra fólks á öllum aldri. Mannauðurinn er
mikilvægasta auðlind Skeljungs. Við berum hag starfsmanna fyrir brjósti og
viljum vera í fremstu röð hvað varðar réttindi þeirra, öryggi og starfsumhverfi.
Í okkar daglega starfi vinnum við eftir kjarnagildum okkar: við erum jákvæð,
tilbúin í breytingar og metnaðarfull.
Hlutverk Skeljungs er að þjóna orkuþörf fyrirtækja á hagkvæman og öruggan
máta í sátt við samfélagið og umhverfi sitt. Starfsemi Skeljungs er á sviði sölu
og þjónustu við fyrirtæki tengd fjölorku. Fyrirtækið sér um dreifingu, innkaup
og heildsölu á eldsneyti, smurolíum, hreinsi- og efnavörum, áburði sem og
öðrum vörum og þjónustuþáttum til fyrirtækja og bænda. Þjónusta og sala
til stórnotenda, útgerða, í flug og verktöku er einnig hluti af starfseminni.
Skeljungur er einnig umboðsaðili Shell á Íslandi auk þess að fara með
eignarhald í Barki, EAK, Fjölveri, Ecomar og Klett.
Helstu verkefni og ábyrgð
Greining á innkaupum, öryggisbirgðum og veltuhraða birgða
Greining á fjárbindingu og verðáhættu fólginni í birgðum
Eftirlit og framkvæmd innkaupa og innkaupatillaga
Sölu- og kostnaðarverðsgreining - daglegur útreikningur KSV birgða
með tilliti til áhættuvarna
Þróun og bæting verkferla og vinna í gæðamálum
Menntunar- og hæfniskröfur
Háskólamenntun sem nýtist í starfi
Framhaldsmenntun á háskólastigi er kostur
Reynsla af birgðastjórnun og greiningarvinnu er kostur
Reynsla og þekking á Excel og NAV er kostur
Reynsla af framsetningu tölulegra gagna
Sjálfstæð vinnubrögð og góð færni í mannlegum samskiptum
Nánari upplýsingar um starfið veitir Linda Björk Halldórsdóttir,
mannauðsstjóri Skeljungs, linda@skeljungur.is, sími: 444-3000.
Sótt er um starfið á vef Skeljungs, skeljungur.is/laus-storf.
Umsóknarfrestur er til og með 3. apríl næstkomandi.
•
•
•
•
•
•
•
•
•
•
•
Fréttablaðið sKoðun 1123. mars 2023
FIMMTuDAGuR