FLE blaðið - 01.01.2021, Blaðsíða 4

4 FLE BLAÐIÐ JANÚAR 2021
AF STJÓRNARBORÐI
Bryndís Björk Guðjónsdóttir formaður FLE
Í stjórn sitja auk formanns: varaformaður Páll Grétar
Steingrímsson, Arnar Már Jóhannesson ritari, Hlynur
Sigurðsson gjaldkeri og Ingunn Hafdís Hauksdóttir með-
stjórnandi sem nýlega kom inn í stjórn í stað Önnu Kristínar
Traustadóttir. Stjórn hittist að jafnaði einu sinni í mánuði og
oftar ef þurfa þykir. Á árinu 2020 voru stjórnarfundirnir tíu.
Rekstur félagsins hefur verið í föstum skorðum um árabil og
hefur síðasta ár gengið með ágætum þrátt fyrir talsverðar ögr-
anir í rekstrarumhverfi þess.
Ný lög um endurskoðendur og endurskoðun tóku gildi í upphafi
árs 2020. Við gildistöku laganna hefur skylduaðild endurskoð-
enda að félaginu verið afnumin, ekki er lengur skylda á félaginu
að annast framkvæmd gæðaeftirlits og veiting löggildingar
hefur flust frá atvinnuvega- og nýsköpunarráðuneytinu til
endurskoðendaráðs. Enn sem komið er hafa ekki orðið mikl-
ar breytingar á félagsaðild endurskoðenda og vonandi sjá
endurskoðendur hag sínum áfram best borgið með öflugu og
sameiginlegu félagi. Hvað gæðaeftirlit varðar hefur endurskoð-
endaráð leitað til félagsins um aðstoð við framkvæmd hluta
gæðaeftirlits. Félagið hefur sýnt málinu skilning og aðstoðað
endurskoðendaráð eins og kostur er. Ekki hefur verið gengið
frá hvort eða með hvaða hætti aðkoma félagsins yrði. Félagið
sinnir áfram að halda utan um endurmenntunareiningar fyrir
félagsmenn sína.
Aðildarmerki FLE hefur verið útbúið og
var sent á alla félagsmenn í byrjun desem-
ber síðastliðinn. Félagsmenn geta nú sett
aðildarmerkið á heimasíðu endurskoðunar-
fyrirtækis síns, útgáfur og annað efni.
Það er erfitt að fjalla um árið 2020 án þess
að nefna COVID-19. Þessi vágestur hefur
haft áhrif á líf og störf okkar allra. Áhrifin á
félagið hafa verið umtalsverð og koma sérstaklega fram í við-
burðum og erlendu samstarfi. Brugðist hefur verið við með því
að bjóða upp á rafræna viðburði, annars vegar með streymi
frá viðburðum og hins vegar með upptöku viðburða. Ekki er
annað að heyra en félagsmenn hafi tekið vel í þessa nýbreytni
og hefur þátttaka á námskeið og viðburði verði með besta móti
á liðnu ári. Mat stjórnar er að þrátt fyrir allt hafi þessi staða
leitt okkur af stað í jákvæða átt við þróun rafrænna viðburða.
Félagið mun halda áfram þróun rafrænna viðburða en kallað
hafði verið eftir slíkum lausnum, einnig áður en COVID-19 tók
af okkur völdin. Liður í þessu var útgáfa þriggja rafrænna nám-
skeiða í byrjun desember síðastliðinn en sú útgáfa var styrkt af
nokkrum af stærstu endurskoðunarskrifstofunum sem studdu
þessa tilraun með því að veita starfsmönnum sínum svigrúm
til að útbúa námsefnið og flytja fyrirlestrana.
Hagsmunagæsla er einn mikilvægasti þátturinn í
starfsemi félagsins þó eðli þeirrar vinnu sé kannski
þannig að árangurinn vekur ekki mikla athygli þegar
vel tekst til.