Stúdentablað Siglufjarðar - 01.12.1942, Blaðsíða 10

8
STÚDENTABLAÐ
fiski. Er þá sagt, að börnin þoli
ekki matinn.
Svo illa farnir eru sumir menn
og konur, að þau geta ekki óáreitt
notið ilms og fegurðar blómanna
á jörðunni.
Ef þau ganga út sér til skemmt-
unar og anda að sér blómailm og
blómadufti, verða þau yfirfallin
af kvefi og nefrennsli og varla
mönnum sinnandi.
Margvísleg og hin ólíklegustu
efni geta framkallað asthma.
Tökum t. d. manninn, sem fékk
asthma á hverjum sunnudegi, um
það leyti, sem hann var að lesa
blöðin. Við nákvæma rannsókn
kom í Ijós, að hann var ofnæmur
fyrir sérstöku efni í þeirri prent-
svertu, sem einungis var notuð í
sunnudagsblöðin.
Eða manninn, sem vann í sög-
unarverksmiðju. I hvert skipti,
sem hann kom í námunda við rautt
sídrusviðartré fékk hann asthma-
kast, en þoldi annars allar aðrar
trjátegundir.
Einstaka maður er ofnæmur
gagnvart dýrum. Hann getur t. d.
ekki komið í hesthús eða fjós eða
nálægt köttum, án þess að fá
asthmakast.
Maður nokkur, er var ofnæmur
fyrir nautgripum, fékk asthma-
kast, er hann ók í bíl eftir götu
borgar einnar.
Hvergi var þó neina nautgripi
að sjá, en við nánari athugun kom
í ljós, að skammt á undan honum
hafði ekið vagn, sem í voru naut-
gripir.
Af þessu má marka, hve ákaf-
lega næmir menn geta orðið.
Frú ein hafði excem og við ná-
kvæma athugun kom í ljós, að
hún þoldi ekki silki. Þegar hún
hætti að nota silkiföt hvarf excem-
ið.
Eitt sinn keypti hún sér al-ullar-
kápu, en svo undarlega brá þá við,
að nú fékk hún excem að nýju. Við
smásjár-rannsókn á kápunni kom
í ljós, að saman við ullina voru
nokkrir silkiþræðir.
Þetta er annað dæmi um það
hversu mjög menn geta orðið næm
ir.
Loks eru hér nokkrar sjúkra-
sögur.
Kona, um fimmtugt, kom til
læknis og kvartaði um útbrot á
augnalokum, kinnum og hálsi, sam
fara allmiklum kláða og óþægind-
um. Þessi útbrot hafði hún haft
allt sumarið, en þau voru sérstak-
lega slæm á sunnudögum og mánu-
dögum.
Við nánari eftirgrennslan kom
í ljós, að um hverja helgi fór kon-
an upp í sveit, þar sem hún átti
sumarbústað, og sér til hressingar
og ánægju vann hún að blómarækt
í garði sínum. Hún hafði þá um
sumarið fengið sér nýja tegund af
krvsanthemum og gagnvart þessu
nýja blómi hafði hún ofnæmi.
Þegar búið var að f jarlægja það úr
garðinum, bötnuðu útbrotin og bar
síðan ekki á þeim framar.
Kona ein, 35 ára að aldri, fékk
Nýjar bækur:
Krapotkin fursti
Tess eftir Hardy
Illyresi eftir örn Arnar
Haustsnjóar eftir Jakob
Thorarensen o. m. fl.
Muniö að bezta
JÓLAGJÖFIN
er góö bók.
Verzlun
Lárusar Blöndal.

TIMBUR
kemur næstu daga.
Einar Jóhannsson & Co.
hreistrandi útbrot í andliti og á
háls og fylgdi þessu nokkur kláða-
ónot.
Hún var látin fá áburð og not-
aði hann um nokkurt skeið með
töluverðum árangri, þó vildu út-
brotin ekki batna að fullu.
Við endurnýjaða nákvæma rann-
sókn og eftirgrennslan var tekið
eftir því, að hún notaði nokkuð
áberandi naglalakk og þá kom
einnig í ljós, að útbrotin versnuðu
að miklum mun í hvert skipti, er
hún hafði notað það. Henni var
fyrirskipað að hætta að lakka á
sér neglurnar og brá þá svo við,
að útbrotin bötnuðu að fullu á
skömmum tíma.
Gift kona kom til læknis 31. des.
’37 með mikil húðútbrot og vessa-
blöðrur á hægri hendi og fingrum
og hægra megin í andliti og á hálsi
Hún var nú spurð í þaula, hvað
hún hefði aðhafst um jólin og
síðan á jólum.
Auk vanalegra starfa innan
húss, hafði hún skreytt jólatréð
og auk þess hafði hún fengið í
jólagjöf stórt og fallegt blóm, er
hún síðan hugsaði um með mestu
natni, vökvaði það, tíndi af því
visin blöð o. s. frv.
Skuldinni var nú skellt á blómið
og það fjarlægt og á vikutíma
batnaði konunni undan græðandi
smyrslum.
Þ. 30. des. ’38 kemur svo konan
aftur til sama læknis, og hafði
hún þá nákvæmlega eins útbrot og
árið áður.
Hún hafði í þetta sinn annazt
vanaleg innanhúss-störf, skreytt
jólatréð o. s. frv., en nú hafði hún
ekki fengið neitt blóm, sem hægt
væri að skella skuldinni á. Við
nákvæma rannsókn kom líka í
ljós, að hún hafði ofnæmi gagn-
vart jólatrénu (grenitrjám), og
hafði blómið, sem hún í fyrra-
skiptið hafði fengið í jólagjöf, að
óverðskulduðu verið talið orsök
útbrotanna.
Þessi dæmi, sem þegar hafa
verið nefnd munu nægja til þess