Ský - 01.10.2001, Qupperneq 78

BFEKUR = MEÐ FULLRR HENDUR FJRR
íslendingar eru á topplista meðal ríkustu þjóða veraldar. Þrátt fyrir
það eru fæstir landsmanna loðnir um lófana og aðeins 0,017
prósent þjóðarinnar telst til milljarðamæringa. Það eru fimmtíu
manns. Þótt talan hljómi ræfilsleg þykir mörgum hún æði há og að
enginn maður ætti að vera í þeirri stöðu að eiga þúsund milljónir
meðan lunginn af jarðarbúum býr við sult og seyru.
Einn milljarður er þúsund milljónir. Sumir íslensku auðkýfinganna
eiga gott betur en einn og fleiri en tvo. Hvernig maður lifir og hvað
maður leyfir sér með þúsund milljónir í banka er ráðgáta þeim sem
minna bera úr býtum, en hvernig eignast maður þúsund milljónir?
í bókinni /slenskir milljarðamæringar eftir Pálma Jónasson,
fréttamann á fréttastofu Útvarps, kemur fram að nokkur ríkustu
þörn þjóðarinnar byrjuðu með tvær hendur tómar. Þar má nefna
Skífu-Jón Ólafsson, Sigurjón Sighvatsson kvikmyndaframleiðanda,
Jóhannes í Bónus, Samherjabræður og Hilmar S. Skagfield glugga-
tjaldaframleiðanda í Flórída.
Hæfileikar og gáfur geta fleytt mönnum til hæstu metorða og
gerðu rithöfundinn Ólaf Jóhann Ólafsson, poppgoðið Björk, Ágúst
Valfells kjarnorkuverkfræðing og Össur Kristinsson stoðtækjasmið
að milljarðamæringum, ásamt Kára Stefánssyni, forstjóra íslenskrar
erfðagreiningar. Ólafur Jðhann græddi til að mynda einn milljarð á
aðeins einni nóttu þegar hann var annar aðalsamningamannanna
við stærsta samruna veraldar, Time Warner og America Online.
Fegurð og útgeislun geta einnig komið fólki I röð ríkustu manna.
Guðrún Bjarnadóttir, alheims-fegurðardrottning giftist vellauðugum
Itala og Sonja Wendel Benjamínsson de Zorilla, sem var um tíma
ástkona Picassos, giftist auðugum Ólympíumethafa. Báðar eru ekkjur
í dag og moldríkar. Hagkaupssystkinin og ekkja Pálma í Hagkaupum
eru vafalaust ein ríkasta fjölskylda landsins og Hulda Valtýsdóttir,
sem á stærsta hlutinn í útgáfufélaginu Árvakri, og Gunnþórunn
Jónsdóttir, ekkja Óla i Olís, eru meðal ríkustu kvenna landsins.
En þótt margir erfingjar og ekkjur séu í bók Pálma eru þar einnig
harðduglegir íslendingar með metnað á heimsmælikvarða. Þar má
einkum nefna Björgólf Thor Björgólfsson, bjórkóng í Rússlandi,
Arngrím Jóhannsson, eiganda flugfélagsins Atlanta, og Jóhann Óla
Guðmundsson, kenndan við Securitas.
Því er uppskriftin nokkuð Ijós vilji menn verða til þess að tala
Islenskra milljarðamæringa hækki. Mestu skiptir dugnaður, áræði
og sjálfstraust, en einnig eiga margir hinna íslensku
milljarðamæringa það sammerkt að vera alþýðlegir um leið og þeir
eru ákveðnir, vinnusamir með afbrigðum, prúðmenni mikil og reglu-
menn á alla óhollustu. þlg
76 SKÝ