Árbók Reykjavíkurborgar - 01.12.1990, Síða 225

Félagsmálaráðherra skipar formann og varaformann stjórnarinnar en að öðru leyti
skiptir hún með sér verkum.
Ráðherra ákveður þóknun stjórnarinnar og greiðist hún á sama hátt og annar kostnaður
við stofnunina skv. 7. gr.
5. gr.
Hlutverk húsnæðismálastjórnar er:
1. Að marka meginstefnu í málefnum Húsnæðisstofnunar ríkisins. Byggingarsjóðs ríkisins
og Byggingarsjóðs verkamanna.
2. Að hafa eftirlit með starfsemi stofnunarinnar og gæta þess að hún starfi í samræmi við
gildandi lög og reglugerðir.
3. Að skera úr vafa- eða ágreiningsmálum varðandi einstakar lánveitingar og ákveða
greiðsludaga þeirra.
4. Að gera tillögur um skiptingu ráðstöfunarfjár milli útlánaflokka, afgreiða fjárhagsáætlan-
ir og úrskurða ársreikninga stofnunarinnar og byggingarsjóðanna.
5. Að vera stjórnvöldum til ráðuneytis um löggjafaratriði á sviði húsnæðismála.
6. Að fjalla um önnur mál sem ráðherra eða framkvæmdastjóri leggur fyrir hana.
6. gr.
Félagsmálaráðherra skipar framkvæmdastjóra og skrifstofustjóra Húsnæðisstofnunar
ríkisins að fengnum tillögum húsnæðismálastjórnar.
Framkvæmdastjóri annast daglega stjórn stofnunarinnar og ræður starfsfólk stofnunar-
innar skv. tillögum húsnæðismálastjórnar.
7. gr.
Kostnaður við rekstur Húsnæðisstofnunar ríkisins greiðist af Bvggingarsjóði ríkisins og
Byggingarsjóði verkamanna í hlutfalli við útlán sjóðanna.
Kostnaður við rekstur tæknideildar skal borinn uppi af sölu á þjónustu deildarinnar.
III. KAFLI
Byggingarsjóður ríkisins.
8. gr.
Hlutverk Byggingarsjóðs ríkisins er að veita lán til íbúðabygginga og kaupa á nýjum eða
notuðum íbúðum, til viðhalds og endurbóta á notuðu íbúðarhúsnæði og til nýjunga í
byggingariðnaði í samræmi við ákvæði laga þessara og reglugerða á grundvelli þeirra.
9. gr.
Fjár í Byggingarsjóð ríkisins skal aflað á þann hátt sem hér segir:
1. Með tekjum af eigin fé sjóðsins, þ.e. afborgunum, vöxtum og verðtryggingu af veittum
lánum.
2. Með árlegu framlagi úr ríkissjóði skv. fjárlögum.
3. Með sölu skuldabréfa til Atvinnuleysistryggingasjóðs, til lífeyrissjóða sk\’. samningum
Húsnæðisstofnunar við lífeyrissjóði, svo og með öðrum lántökum skv. nánari ákvörðun í
fjárfestingar- og lánsfjáráætlun hverju sinni.
4. Með tekjum af skyldusparnaði skv. VIII. kafla þessara laga.
Samningar Húsnæðisstofnunar við lífeyrissjóði um skuldabréfakaup skv. 3. tölul. 1. mgr.
skulu ekki vera til skemmri tíma en tveggja ára. Lánskjör af skuldabréfum skulu miðast við
þau kjör sem ríkissjóður býður almennt á fjármagnsmarkaði.