Árbók Reykjavíkurborgar - 01.12.1990, Qupperneq 230

17. gr.
Heimilt er að greiða út lán skv. 3. tölul. 11. gr. í samræmi við framkvæmdahraða og gera
sérstakan framkvæmdalánssamning þess efnis. Lokagreiðsla láns skal þó aldrei fara fram fyrr
en framkvæmdum er að fullu lokið.
Lán þessi eru til allt að 21 árs og veitt gegn 1. og 2. veðrétti. Um lánskjör að öðru leyti
gilda ákvæði 30. gr.
Lán til meiri háttar viðbygginga, endurbóta og endurnýjunar
á notuðu íbúðarhúsnæði.
18. gr.
Lán skv. 4. tölul. 11. gr. er heimilt að veita til meiri háttar viðbygginga, endurbóta og
endurnýjunar en ekki til almenns viðhalds.
Lán til viðbyggingar eða endurbóta miðast við lánsrétt umsækjanda skv. 12. gr. og má
nema allt að 70% af samþykktri kostnaðaráætlun en þó ekki hærri fjárhæð en lán skv. b-lið 1.
mgr. 13. gr., sbr. og c-lið þeirrar greinar.
Umsóknum um lán til endurnýjunar og viðbygginga skal fylgja kostnaðaráætlun og
verklýsing gerð af trúnaðarmanni húsnæðismálastjórnar og skulu umrædd gögn hljóta
samþykki Húsnæðisstofnunar ríkisins.
Umsóknum skal einnig fylgja samþykki viðkomandi sveitarstjórnar ef um útiitsbreyting-
ar er að ræða.
Lán til meiri háttar endurbóta má að jafnaði fyrst veita ef íbúð er eldri en 15 ára og ekki
má veita slíkt lán til sömu íbúðar oftar en á 15 ára fresti.
19. gr.
Heimilt er að greiða fyrri hluta láns til framkvæmda skv. 18. gr. meðan á þeim stendur.
Síðari hluta lánsins má ekki greiða fyrr en framkvæmdum er lokið og þær hafa verið teknar út
af trúnaðarmanni stofnunarinnar. Greiðslu láns til meiri háttar viðbygginga má þó haga í
samræmi við reglur um greiðslu nýbyggingarlána.
Þessi Ián skal að jafnaði veita gegn 2. veðrétti, en heimilt er að miða við tiltekið hlutfall
brunabótamats eða fasteignamats viðkomandi íbúðar. Lánstími skal vera allt að 21 ár, en um
lánskjör gilda að öðru levti ákvæði 30. gr.
Lánskv. þessarigrein mega koma til viðbótarlánumskv. 2. tölul. 11. gr. en samtalsmega
þau þó aldrei nema hærri fjárhæð en lán skv. b-lið 1. mgr. 13. gr.
Lán til útrýmingar á heilsuspillandi húsnæði.')
[20. gr.
Lán skv. 5. tölul. 11. gr. er heimilt að veita sveitarstjórnum og öðrum sem með
skipulegum hætti vinna að útrýmingu heilsuspillandi íbúðarhúsnæðis í sveitarfélaginu.
Lán til útrýmingar á heilsuspillandi húsnæði geta verið með eftirtöldum hætti:
a. Lánskv. l.tölul. 11. gr. til byggingar íbúða handa fólki sem býr í heilsuspillandi íbúðum.
Lánskjör eru hin sömu og á öðrum lánum skv. þeim tölulið.
b. Viðbótarlán skv. 21. gr. þessara laga.
c. Lán til byggingar leiguíbúða skv. IV. kafla þessara laga um leiguíbúðir sveitarfélaga.
Gilda þá ákvæði 75. gr. varðandi lánskjör og aðra skilmála.
Heimilt er að greiða þessi lán út með sama hætti og greinir í 1. mgr. 17. gr.
21. gr.
Nú sækir sá sem vinnur að útrýmingu heilsuspillandi húsnæðis um viðbótarlán úr
Byggingarsjóði ríkisins skv. b-lið 20. gr. til þess að bvggja eða kaupa íbúð handa fólki sem býr í
1) Lán til útrýmingar á heilsuspillandi húsnæði voru felld niður með 2. gr. laga nr. 70/1990.