Árbók Reykjavíkurborgar - 01.12.1990, Side 231

heilsuspillandi húsnæði að dómi læknis eða heilbrigðisfulltrúa í viðkomandi sveitarfélagi og
skal þá húsnæðismálastjórn heimilt að veita lán allt að 70% af hámarksláni skv. b-lið 13. gr.
Aldrei mega þau lán samanlagt þó nema hærri fjárhæðen 70% af byggingarkostnaði. Lán skv.
þessari mgr. skal greiða í tvennu lagi ef um nýbyggingar er að ræða. Fyrri hluta lánsins má
greiða þegar íbúðin er fokheld en síðari hlutann þegar hún hefur verið tekin í notkun og
hlutaðeigandi sveitarstjórn lagt fram vottorð bæjarfógeta eða sýslumanns um að fyrri íbúð
viðkomandi fjölskyldu hafi verið tekin úr notkun.
Lán þessi skulu veitt gegn 1. veðrétti í viðkomandi íbúð samhliða láni skv. 1. tölul. 11. gr.
en gegn 2. veðrétti að jafnaði ef keypt er notuð íbúð.
Lánstími skal vera allt að 26 ár. Um lánskjör gilda að öðru leyti ákvæði 30. gr.
22. gr.
Húsnæðismálastjórn er heimilt að veita lán úr Byggingarsjóði ríkisins til þess að
endurbyggja heilsuspillandi húsnæði sem hagkvæmt er talið að endurnýja að mati byggingar-
fróðra manna sem Húsnæðisstofnun ríkisins og viðkomandi sveitarstjórn tilnefnir.
Skulu matsmenn gera úttekt á húsnæðinu og gera kostnaðaráætlun um nauðsynlegar
endurbætur.
Lán þessi mega nema allt að 70% af viðgerðarkostnaði en þó aldrei hærri upphæð en 70%
af hámarksláni skv. a-lið 1. mgr. 13. gr.
Lánið skal veitt gegn 2. veðrétti að jafnaði. en heimilt er að miða við tiltekið hlutfall
brunabótamats eða fasteignamats.
Lánstími má vera allt að 26 árum en um lánskjör fer að öðru leyti eftir ákvæðum 30. gr.]1)
Sérstök lán til einstaklinga með sérþarfir.
23. gr.
Lán skv. 5. tölul. 11. gr. er aðeins heimilt að veita ellilífeyrisþegum og öryrkjum sem búa
við skerta starfsorku eða eru hreyfihamlaðir. Lánin eru veitt til byggingar íbúðarhúsnæðis
vegna aukins kostnaðar af völdum sérþarfa umsækjanda og geta komið til viðbótar lánum skv.
1. tölul. 11. gr.
Lán þessi má enn fremur veita til endurbóta á íbúðarhúsnæði og er þá heimilt að þau komi
til viðbótar lánum skv. 2. tölul. 11. gr.
Lán skv. þessari grein má einnig veita þeim sem hafa orðið fyrir meiri háttar röskun á
högum og hafa vegna fráfalls maka eða af öðrum ástæðum lækkað svo í tekjum að þeir geta
ekki haldið íbúðum sínum. Umsóknum um lán skv. þessari málsgrein skal fylgja umsögn
félagsmálastofnunar eða viðkomandi sveitarstjórnar.
24. gr.
Fjárhæð láns skv. 5. tölul. 11. gr. má nema allt að 80% af viðbótarbyggingarkostnaði eða
endurbótakostnaði, enda séu framkvæmdir nauðsynlegar að mati húsnæðismálastjórnar. Þó
má lán þetta aldrei nema hærri fjárhæð en 70% af hámarksláni skv. a-lið 1. mgr. 13. gr.
Lánið skal veitt gegn 2. veðrétti að jafnaði. en heimilt er að miða við tiltekið hlutfall
brunabótamats eða fasteignamats.
Lánstími má vera allt að 26 árum en um lánskjör fer að öðru leyti eftir ákvæðum 30. gr.
Ef lántaki er 70 ára eða eldri eða er fatlaður og fjárhag hans þannig varið að sýnt þykir að
hann fái ekki staðið undir afborgunum af láninu er heimilt að fresta afborgunum um
óákveðinn tíma. Gildir þá ekki ákvæði 3. mgr. um hámarkslánstíma. Lánið fellur þó í
gjalddaga og endurgreiðist að fullu við eigendaskipti. Sama gildir ef lántaki flytur úr
húsnæðinu og ljóst er að hann muni ekki flytja þangað aftur. Að öðru leyti gilda ákvæði 30. gr.
um lánskjör.
1) 20.-22. gr. eiga ekki lengur við, sbr. 2. gr. laga nr. 70/1990.