Árbók Reykjavíkurborgar - 01.12.1990, Side 232

Lán til orkusparandi breytinga á húsnæði.
25. gr.
Lán skv. 6. tölul. 11. gr. er aðeins heimilt að veita til orkusparandi endurbóta á íbúðum.
enda liggi fyrir verklýsing og kostnaðaráætlun sem gerð sé af sérstökum trúnaðarmanni
stofnunarinnar.
26. gr.
Fjárhæð láns má nema allt að 70% endurbótakostnaðar. Þó má lán þetta aldrei nema
hærri fjárhæð en skv. b-lið 1. mgr. 13. gr.
Heimilt er að greiða fyrri hluta láns til slíkra framkvæmda meðan á þeim stendur. en
síðari hluta lánsins má ekki greiða fyrr en framkvæmdum er lokið og þær hafa verið teknar út
af trúnaðarmanni stofnunarinnar.
Lánið skal veitt gegn 2. veðrétti að jafnaði, en heimiit er að miða við tiltekið hlutfall
brunabótamats eða fasteignamats.
Lánstími skal vera allt að 21 ári en um lánskjör að öðru leyti gilda ákvæði 30. gr.
Lán til tækninýjunga í byggingariðnaði.
27. gr.
Lán skv. 7. tölul. 11. gr. er heimilt að veita til þess að gera tilraunir með tækninýjungar
sem leitt geta til lækkunar byggingarkostnaðar. enda fylgi staðfesting á því að umsóknin sé
ekki lánshæf hjá sérsjóðum iðnaðarins. Heimilt er að hafa fvrirgreiðsluna í formi stvrks.
28. gr.
Fjárhæð láns skv. 7. tölul. 11. gr. og lánstíma skal ákveða hverju sinni af húsnæðismála-
stjórn með hliðsjón af kostnaði við að koma nýjunginni í notkun. svo og mikilvægi hennar fvrir
byggingariðnaðinn.
Að öðru leyti gilda ákvæði 30. gr. um lánskjörin.
Lán til viðurkenndra framkvæmdaaðila í byggingariðnaði.
29. gr.
Lán skv. 8. tölul. 11. gr. eraðeinsheimilt að veita framkvæmdaaðilum í bvggingariðnaði.
Framkvæmdalán greiðast til framkvæmdaaðila á byggingartímanum skv. samningum við
húsnæðismálastjórn eða viðkomandi viðskiptabanka. Þau skulu veitt með lánskjörum eins og
þau eru á hverjum tíma skv. ákvörðun Seðlabanka íslands og endurgreiðast með láni
Byggingarsjóðs ríkisins til þeirra sem kaupa íbúðina skv. reglum sjóðsins.
Nú notfærir framkvæmdaaðili í byggingariðnaði sér ekki heimild til framkvæmdaláns hjá
Byggingarsjóði ríkisins og skal þá heimilt að greiða út lán til ofangreindra aðila með þeim
hætti að fyrri hluti lánsins komi til útborgunar einum mánuði eftir að bygging er fokheld og
seinni hluti sex mánuðum síðar.
Lánskjör.
[30. gr.]')
Öll lán Byggingarsjóðs ríkisins skv. 1.-7. tölul. 11. gr. laga þessara skulu vera að fullu
verðtryggð og miðast höfuðstóll lánsins við lánskjaravísitölu eins og hún er á hverjum tíma.
sbr. 39. gr. laga nr. 13 frá 10. apríl 1979.
Hvert lán skal að jafnaði tryggt með 1. eða2. veðrétti í þeirri íbúð sem lánað er til. eins og
nánar greinir í lögum þessum. Jafnframt má ákveða að veitt lán og áhvílandi megi ekki fara
fram úr tilteknu hlutfalli af kaupverði. fasteignamati eða brunabótamati.
1) Áður48. gr.. sbr. 3. gr. laga nr. 70/1990.