Árbók Reykjavíkurborgar - 01.12.1990, Qupperneq 234

36. gr.
Húsbréfadeild setur ákveðnar viðmiðunarreglur um veðhæfni fasteigna og greiðslugetu
skuldara fasteignaveðbréfa. Ef þau skilyrði eru ekki uppfvllt getur húsbréfadeildin synjað um
skipti á skuldabréfum.
Við skipti á húsbréfum gegn fasteignaveðbréfum skv. b-lið 35. gr. skal liggja fvrir mat á
eftirfarandi þáttum:
a. Veðhæfni þeirrar fasteignar sem lögð er að veði fyrir tilgreindri skuld.
b. Greiðslugetu skuldara.
c. Verðmæti húsbréfa og fasteignaveðbréfa miðað við markaðsvexti sambærilegra verð-
bréfa á viðskiptadegi. Sé ekki unnt að miða við vexti á viðskiptadegi skal miða við nýjustu
og bestu heimildir um markaðsvexti.
Húsbréfadeild skal leita eftir samningum við viðskiptabanka og fjármálastofnanir um að
annast mat skv. b- og c-liðum þessarar greinar og hafa með höndum samskipti skuldara
fasteignabréfa við deildina. Húsbréfadeild getur falið sérstökum trúnaðarmönnum að annast
mat skv. a-lið.
37. gr.
Húsbréfadeildinni er heimilt að áskilja sér vaxtaálag til að mæta rekstrarkostnaði og
áætluðum útlánatöpum. Félagsmálaráðherra ákveður vaxtaálag þetta, að fengnum tillögum
frá húsnæðismálastjórn.
38. gr.
Húsbréfadeild skal gæta þess í starfsemi sinni að inn- og útgreiðslur vegna fasteignaveð-
bréfa og húsbréfa standist á þannig að jafnvægi sé á hverjum ársfjórðungi. í þessu skyni skal
deildin gera áætlanir um fjárstreymi fram í tímann.
39. gr.
Byggingarsjóður ríkisins innheimtir afborganir og vexti af keyptum fasteignaveðbréfum
og ráðstafar því fé sem þannig innheimtist til endurgreiðslu húsbréfa eftir hlutkesti sem
notariuspublicushefur umsjón með. Þegar hlutkesti hefur farið fram skal auglýsa með tveggja
mánaða fyrirvara númerin á húsbréfunum sem upp hafa komið til innlausnar. Skal kveða á um
fyrirkomulag þetta í reglugerð.
40. gr.
Heimilt er skuldurum fasteignaveðbréfa að greiða aukaafborganir af skuldabréfum
sínum eða að endurgreiða skuldina að fullu fyrir gjalddaga. Til að jafna fjárstreymi vegna
slíkra endurgreiðslna er húsbréfadeildinni heimilt að innleysa útgefin húsbréf eftir hlutkesti,
sbr. ákvæði 39. gr.
41. gr.
Endurgreiðslur höfuðstóls og vaxta húsbréfa. sem fallnar eru í gjalddaga. fvrnast sé
þeirra ekki vitjað innan 10 ára frá gjalddaga. Gjaldfallnar endurgreiðslur verðtrvggðra Iána
bera ekki vexti eða verðbætur eftir gjalddaga. Um ógildingu húsbréfa fer eftir almennum
lögum.
42. gr.
Hámarkslánstími á fasteignaveðbréfum er húsbréfadeild kaupir skal vera 25 ár. Hús-
bréfadeiid getur áskilið sér að einungis verðtryggð skuldabréf séu gjaldgeng í skiptum fvrir
húsbréf. Heimilt er ráðherra að kveða nánar á um lánstíma einstakra lánaflokka í reglugerð.