Árbók Reykjavíkurborgar - 01.12.1990, Síða 242

Verði framkvæmdalán ekki gerð upp innan tveggja mánaða frá iok samnings eða
lokaúttektar skal framkvæmdaraðili greiða vexti frá sama tíma að telja og teljast þeir ekki til
byggingarkostnaðar. Heimilt er þó húsnæðismálastjórn að fella niður vaxtagreiðslu fram-
kvæmdaraðila við sérstakar aðstæður.
Byggingarkostnaður. Hagkvœmir byggingarhœttir.
75. gr.
Sveitarstjórn eða annar framkvæmdaraðili skal kosta kapps um að íbúðir séu svo ódýrar í
byggingu eða kaupum sem kostur er.
Val á lóð fyrir félagslegt húsnæði sé með þeim hætti að unnt sé að byggja það á
hagkvæman hátt og þess gætt að um lóð gildi ekki dýrir skipulagskilmálar. svo sem kvöð um
bílskúr.
Sett sé hámarkskostnaðarviðmiðun áður en hönnun hefst.
Byggingarefni og byggingaraðferð sé með þeim hætti að viðhaldskostnaður verði
hóflegur.
Framkvæmdaraðili, sem hyggst byggja eða kaupa félagslega íbúð, skal gera það með
útboði eða öðrum hætti sem tryggir hagkvæman byggingarkostnað.
Kostnaðareftirlit er í höndum Húsnæðisstofnunar ríkisins. Skal hún árlega birta opinber-
lega upplýsingar um byggingarkostnað íbúða sem lokið hefur verið við.
Kostnaðargrundvöll húsnæðismálastjórnar að lánveitingu úr Byggingarsjóði verka-
manna skal miða við raunverð á fermetra sem uppgjör á féiagslegum íbúðum leiðir í ljós.
76. gr.
Telji húsnæðismálastjórn að ekki sé gætt ákvæða 75. gr. eða að íbúðir séu óhóflegar að
stærð og gerð eða ef bvggingarkostnaður fer yfir samþvkktan kostnaðargrundvöll húsnæðis-
málastjórnar synjar hún um lán til slíkra framkvæmda.
77. gr.
Þegar íbúð er fullgerð skal Húsnæðisstofnun ríkisins undantekningarlaust staðfesta lok
framkvæmda og byggingarkostnað með úttekt sinni.
Sveitarstjórn (húsnæðisnefnd) eða annar framkvæmdaraðili skal skila lokauppgjöri á
byggingarkostnaði innan mánaðar frá því er framkvæmdalánssamningur rann út eða lokaút-
tekt fór fram og innan tveggja mánaða þinglýstum skuldabréfum til brevtinga á framkvæmda-
Iáni í endanlegt Ián.
Að uppfylltu ákvæði 2. mgr. skulu eftirstöðvar framkvæmdaláns greiddar.
Kaitpverð.
78. gr.
Ef talið er hagkvæmt að kaupa félagslegt húsnæði skal húsnæðið fullnægja þeim almennu
kröfum sem gerðar eru um félagslegt íbúðarhúsnæði og kaupverð sé eigi hærra en kostnaðar-
grundvöllur húsnæðismálastjórnar að teknu tilliti til aldurs íbúðar.
Stœrðir íbúða.
79. gr.
Félagslegar íbúðir skulu miðast við fjölskyldustærð en þó aldrei vera stærri en 130
fermetrar brúttó.