Tölvuheimur - 01.08.2003, Blaðsíða 40

www.heimur.is40 Ágúst Tölvuheimur 2003
Óhóflega góðar fartölvur
Þrátt fyrir að hluti kínverskrar menningararfleifðar segi til um að í ár, árið 4.700, sé ár kindarinnar,
hefur Steve Jobs lýst því yfir að árið 2003 „skuli vera ár fartölvunnar.“ Í ljósi vestræns uppruna og
upplýsingatæknibyltingarinnar kýs ég fremur að einbeita mér að öðrum hlutum í þessum pistli en
þeim sem snúa að grasbítnum. Fjallað verður um mál sem snúa að samstillingu fartölvu- og
borðtölvumakka, hvernig hafa á stjórn á ólíkum bókamerkjum í Safari vafranum og hvernig fjartengj-
ast má borðtölvumakkanum. Að auki kíki ég á hvernig umslög eru búin til í Apple Address Book,
tölvupóst á HTML sniði, skrár sem neita að mæta dauða sínum og óæskilega tilburði bókasafnsgesta.
Leyndardómar Macintosh afhjúpaðir:
SAMSTILLING EÐA VANSTILLING?
Lesandi hafði samband og sagðist vera um það bil að skipta
úr PowerBook tölvu sinni til þriggja ára yfir í Power Mac.
Hann vildi vita hvernig fara ætti að því að samstilla gögn á
milli tölvanna (sem báðar notast við OS X stýrikerfi) og
hvort við gætum mælt með einhverjum sérstökum hug-
búnaði til verksins.
Þeir sem eru með .Mac reikning og ætla að bara að samstilla
nafnalista, dagatal og dagbókarfærslur geta látið sér nægja að
nota iSync sem er ókeypis forrit frá Apple. En ef þarf að sam-
stilla fleiri og flóknari hluti — innviði notendamöppunnar til
dæmis — þarf að leita á náðir sértækra forrita.
Hjá VersionTracker (www.versiontracker.com) er að finna
skrár yfir ótal samstillingarforrit sem styðja OS X stýrikerfið.
Við höfum valið nokkur úr sem ættu að gagnast notendum vel.
Fyrst skal nefna ChronoSync frá Econ Technologies
(www.econtechnologies.com). Með forritinu má samstilla inni-
hald mappna á
móðurtölvu og öðrum
tölvum. Til dæmis er
hægt að samstilla
Documents möppur
Power Mac og
PowerBook tölvanna.
ChronoSync býður
upp á nokkrar
mismunandi leiðir til
að ganga úr skugga um
hvort skrár hafi breyst
— þar með talið er
samanburður á stærð
skráa, eiginleikum og
dagsetningum tilurðar og breytinga á skránum. Þá er einnig val
um hvernig forritið skuli bregðast við, hvort samstillingin sé
einhliða eða tvíhliða. (Einhliða samstilling uppfærir til dæmis
Documents möppu PowerBook tölvunnar þegar gerðar hafa
verið breytingar á innihaldi Documents möppu Power Mac
tölvunnar, en ekki öfugt. Tvíhliða samstilling uppfærir hvora
tölvu sem er til að endurspegla breytingar á hinni tölvunni.)
Eins býður ChronoSync upp á samstillingaráætlun þannig að
tölvurnar séu sjálfvirkt samstilltar á fyrirfram ákveðnum tímum.
ExecutiveSync frá Jason Weber (sem finna má á www.version-
tracker.com) er annað gott samstillingartól, sem líkt og
ChronoSync býður upp á uppfærslu og samstillingu skráa tölva á
milli. ExecutiveSync er þó ólíkt ChronoSync að því leyti að ekki
er boðið upp á fyrirfram skilgreindar tímasetningar samstillinga
og það sker úr um breytingar á skrám með því að bera saman
prófsummu (e. checksum) skráa. Sú aðferð tryggir vissulega
betur að ekki verði óvart skrifað yfir rangar skrár eða þeim hent,
en um leið gerir hún forritið hægvirkara en ChronoSync.
Munurinn er þó smávægilegur ef bornar eru saman fáar skrár í
einu, en skipti þær þúsundum gætu notendur þurft að bíða
nokkuð lengi eftir að ExecutiveSync ljúki við verkið.
Synchronize X Plus frá Qdea (www.qdea.com) er annar
góður kostur. Hægt er að setja upp sjálfvirka samstill-
ingaráætlun og jafnframt (eiginleiki sem greinarhöfundur
kann vel að meta) býður forritið upp á sjálfvirka tengingu við
önnur drif þegar samstilling er hafin. Synchronize X Plus ber
samt bara saman uppfærslutímasetningar skráa. Ef þið viljið
samstillingartól sem fer nánar ofan í saumana á breytingum
milli skráa ættuð þið að íhuga systurforrit Synchronize X Plus
(töluvert dýrara), Synchronize X Pro, en með því er einnig
hægt að taka ræsanleg afrit.
BÓKAMERKI SAFARI TAMIN
Bókamerki Safari vöfðust fyrir lesanda nokkrum sem vildi
vita hvernig best væri að bera sig að við að samstilla þau á
milli PowerBook fartölvunnar og borðtölvumakkans.
Setjið ykkur í stellingar við makkann með nýjustu
bókamerkin og fylgið eftirfarandi slóð: viðeigandi notenda-
mappa: Library: Safari. Búið til afrit af Bookmarks.plist
skránni sem er í Safarimöppunni. Látið afritið koma í staðinn
fyrir sömu skrá í hinni tölvunni. Að því loknu eru bókamerki
tölvanna eins.