Tölvuheimur - 01.08.2003, Page 52

þ.m.t. móðurborðið, viðbótarkort, geisladrif, og
harðir diskar. Í upplýsingunum sem fylgdu með
tölvunni ætti að vera hægt að finna eitthvað af
þessum tölum, en á MYND 2 er að finna dæmi-
gerða orkunotkun í vöttum fyrir algenga tölvu-
íhluti.
Þegar þið eruð búin að reikna út heildar-
vattafjöldann fyrir tölvuna ykkar, bætið þið við
öryggisstuðli upp á 30% við töluna – margfaldið
vattatöluna sem þið reiknuðuð út með 1,3. Þið
skuluð vera viss um að UPS-tækið sem þið
kaupið ráði við að sjá tölvunni fyrir þessum
vattafjölda í a.m.k. 6 til 7 mínútur.
Fyrst þið eruð farin að reikna út vöttin skuluð
þið fullvissa ykkur um að aflgjafi tölvunnar sé
fær um að veita tölvunni nógu mörg vött. Ef þið
eruð heppin þá eru vöttin tilgreind aftan á
tölvunni. Ef svo er ekki skuluð þið opna
tölvukassann og líta á aflgjafann sjálfan. (sjá
MYND 3). Athugið að oft eru hámarksvöttin
tilgreind í heiti aflgjafans, eins og t.d. Turbo-
Cool 510 ATX-PFC frá PC Power and Cooling
sem sýndur er á myndinni, en hámarksvatta-
fjöldi hans er sem sagt 510.
Ekki er víst að aflgjafi sem er undir of miklu
álagi geti veitt nógu miklum straumi í íhluti
tölvunnar og það getur leitt til villumeldinga,
skringilegrar hegðunar eða jafnvel að tölvan
slökkvi á sér. Í stað þessara augljósu merkja um
að eitthvað sé að kann að vera að aflgjafi
sem er undir of miklu álagi gefi frá sér
hita inn í tölvuna og flýti þannig fyrir
því að tölvan og íhlutirnir gefi sig langt
fyrir aldur fram. Ef þið hafið grun um
að aflgjafinn sé að fara að gefa upp önd-
ina skuluð þið skipta honum út.
Heimasíða PC Power and Cooling
(www.pcpowerandcooling.com) er
góður staður til að finna góða aflgjafa.
Hér eru nokkur einkenni þess að eitthvað sé
að aflgjafanum:
Tölvan er alveg dauð: Þið ýtið á ræsihnappinn
og ekkert gerist - ekkert hljóð í viftunni, harða
diskinum og engin mynd á skjánum. Ef tölvan
er í sambandi og innstungan er í lagi þá er
kominn tími til að fá sér nýjan aflgjafa.
Ekkert hljóð í viftunni: Ef viftan á afl-
gjafanum stöðvast skuluð þið athuga hvort það
er eitthvað sem er í vegi hennar eins og ryk eða
einhver pappír. Ef hún fer ekki í gang skuluð þið
skipta strax um aflgjafann.
Reykjarlykt: Ef brunalykt berst frá tölvunni
eru góðar líkur á því að það sé aflgjafinn. Opnið
kassann og þefið ykkur áfram þar til þið hafið
fundið upptökin. Ef ekki er augljóst hvað veldur
brunalyktinni skuluð þið slökkva á tölvunni,
bíða í nokkrar mínútur og endurræsa síðan.
Hávaði í harða diskinum en engin skjámynd:
Ef þetta gerist þegar tölvan er ekki í einhvers
konar dvalarstillingu, kann að vera að harði
diskurinn fái rafmagn en ekki móðurborðið. Þið
skuluð skoða inn í kassann til að athuga hvort
rafmagnssnúran sé tengd í móðurborðið. Ef svo
er ekki getur verið að þið þurfið á nýjum aflgjafa
að halda – eða nýju móðurborði.
SKIPTIR LITURINN MÁLI?
Lesandi hafði samband og sagðist hafa keypt sér
nýtt CD-RW geisladrif og komist að því að CD-
ROM drifið sem fyrir var gæti ekki lesið suma
CD-R diskana og engan CD-RW disk sem hann
hefði brennt (það virðist geta lesið gull- og svart-
litaða CD-R diska en ekki silfurlitaða.) Hann
vildi fá að vita hvort hægt væri að stilla vél- eða
hugbúnað á einhvern hátt til að bæta úr þessu.
Vandamálið tengist ekki
neinum stillingum. Þetta stafar af
því hvernig CD-R og CD-RW
diskar eru hannaðir. CD-RW
diskar endurkasta einungis broti
af því ljósi sem venjulegir CD-ROM eða CD-R
diskar endurkasta og nánast engin nema nýjustu
CD-ROM geisladrifin búa yfir nægilegri
nákvæmni til að lesa slíka diska. Það eru góðar
líkur á því að CD-ROM drifið sem er í tölvu
lesandans sé ekki fært um þetta. Þannig er því
miður einnig háttað með CD-ROM drif
margra notenda að þið skuluð ekki treysta á að
nota CD-RW diska til að dreifa gögnum til
annarra nema þeir séu einnig með CD-RW drif.
CD-R diskar eru auðlæsilegri heldur en CD-
RW diskar og mörg CD-ROM drif geta
auðveldlega lesið þá. Þó ekki alltaf. CD-R
diskar eru enn miklu viðkvæmari enn CD-
ROM diskar. Óvarleg meðhöndlun og of
mikill hiti eða sólarljós geta gert CD-R disk
ónothæfan hvort sem hann er tómur eða fullur
af gögnum. Sum CD-ROM drif virka betur
með ákveðnum tegundum CD-R diska. Það
var þannig að diskar sem voru með gull-
húðuðum endurskinsfleti (en ekki endilega
gulllituðum) voru betri heldur en diskar sem
voru húðaðir með annars konar endurskinsfleti,
en það er ekki lengur þannig. Það er ekkert
öruggt lengur í þeim efnum að vita hvaða
tegund af CD-R diskum muni virka með
tilteknu CD-ROM drifi.
Vanalega eru færri vandamál sem koma upp
við að lesa diska sem búið er að brenna þegar
notað er CD-ROM drif frá Plextor eða
Hitachi en þau fyrirtæki framleiða bestu drifin.
Þið skuluð athuga hvort framleiðandi drifsins
mælir með einhverri tiltekinni tegund af
diskum. Þegar upp er staðið, þá lærir maður
mest með því að prófa sig áfram hvaða diskar
henta drifinu sem maður er með, þannig að
það er ekki ráðlegt að kaupa
mikið magn af diskum af
ákveðinni tegund áður en
maður hefur athugað hvort sú
tegund virkar.
www.heimur.is52 Ágúst Tölvuheimur 2003
MYND 3: Hámarksvött aflgjafans eru tilgreind á
merkimiðanum
MYND 2: Notið þessar tölur til að reikna út
orkuþörf tölvunnar
Back-UPS ES 350VA
American Power
Conversion
www.apc.com
Dæmigerð
orkunotkunÍHLUTUR
ORKUBÓKHALD
Örgjörvi
Celeron
Pentium II, III
Pentium 4
AMD Athlon
Móðurborð
128MB af vinnsluminni
IDE harður diskur
SCSI harður diskur
Disklingadrif
Geisladrif
Zip-drif
Skjákort
tvívíddar (2D)
þrívíddar (3D) 16MB VRAM
Hljóðkort
Viðbótar PCI-kort
15–20
20–30
40–60
40–50
20–30
10–15
5–15
20–35
5
15–25
10
5–10
20–30
7
5

S V O N A G E R U M V I Ð