Tölvuheimur - 01.08.2003, Qupperneq 58

www.heimur.is58 Ágúst Tölvuheimur 2003
Íslenska fyrirtækið Sideline Sports hefur náð
miklum árangri á erlendri grund í sölu hugbúnaðar
sem ætlaður er þjálfurum í hópíþróttum. Brynjar
Karl Sigurðsson, annar aðaleigenda og þróunar-
stjóri fyrirtækisins, segir gengi fyrirtækisins ævin-
týri líkast. „Það er varla að maður trúi þessu, fyrir-
tækið hefur hreinlega sprungið út,“ segir hann.
Brynjar Karl var
yfirþjálfari yngri flokka
í körfubolta á Akranesi
en hefur nú algjörlega helg-
að sig vinnu við Sideline
Sports. Hann er nú með
aðsetur í Bandaríkjunum en
fyrirtækið setti upp söluskrif-
stofu þar um áramótin síðustu.
Brynjar segir hugbúnað Sideline
Sports hafa vaxið upp frá hugmynd sem
hann fékk til að gera sér vinnuna sem þjálf-
ari auðveldari. Núna er í boði á vefsíðu fyrir-
tækisins búnaður fyrir þjálfara í amerískum fót-
bolta, körfubolta og fótbolta eins og við þekkjum
hann. Þá hefur fyrirtækið verið að selja og þróa
búnað fyrir aðrar íþróttagreinar svo sem blak, tenn-
is, hafnarbolta og fleiri íþróttir. Brynjar segir að
fjöldi starfsmanna hlaupi nú á tugum beggja vegna
Atlantshafsins, en í raun hafi starfsemin að mestu
verið flutt til útlanda. „Við lokuðum skrifstofunni
heima fyrir nokkrum mánuðum, enda svo sem
ekkert eftir að gera þar.“ Á Brynjari var að skilja að
heimamarkaðurinn hafi verið orðinn allt að því
mettur með um 350 hugbúnaðarpakka selda.
„Þetta gerðist allt miklu hraðar en við bjuggumst
við.“
Búnaður Sideline Sports er í raun tvíþættur,
annars vegar er grunnforritið Organizer, sem selt er
á tæpar 100 þúsund krónur og svo Analyser, eða
vídeógreinir, sem er helmingi dýrari. „Svo erum
við búnir að búa til Network-útgáfu af til dæmis
Organizernum sem er seld á verðbilinu ein til ein
og hálf milljón króna.“
BANDARÍKJAMARKAÐUR HEILLAÐI
Fyrstu skrefin við gerð hugbúnaðarins voru tekin á
árinu 2000. „En sjálf hugmyndin að búnaðinum
er orðin fimm ára gömul og jafnvel eldri,“ segir
Brynjar Karl. „Við erum tveir sem eigum stærsta
hlutinn í fyrirtækinu, ég og Guðbrandur Þorkels-
son, sem er yfir allri forritunarvinnu og svo fleiri
smærri hluthafar.“ Hann segir þróunina hafa verið
mjög öra hjá fyrirtækinu og í raun ekki fyrr en í
janúar sl. sem farið var að hrinda í framkvæmd
markaðsplani í einhverri mynd.
Brynjar Karl segir að hér á landi hafi þjálfara-
búnaðinum verið afar vel tekið og þeir félagar í
góðu sambandi við þá sem nota
hugbúnaðinn. Með það í
farteskinu hafi
þeir
s v o
byrjað að
þreifa fyrir sér
með útflutning á búnað-
inum, fyrst í Bretlandi og svo í
Bandaríkjunum. „Við byrjuðum í
Bretlandi og seldum strax inn í bresku úrvalsdeild-
ina,“ sagði hann, en bætti við að hugurinn hafi
jafnframt leitað fljótlega vestur um haf vegna þeirra
möguleika sem fælust í risastórum Bandaríkja-
markaði. „Svo þekki ég vel til hér í Bandaríkjunum
þar sem ég var sjálfur að spila á framhalds- og mið-
skólastigi í College og High-school. Þess vegna
kitlaði það mig að reyna fyrir mér hér.“
TRÚIR VARLA VELGENGNINNI
Brynjar segir að viðtökurnar hafi verið slíkar að
þegar hann var búinn að vera við sölu í mánuð sl.
sumar hafi legið beint við að opna söluskrifstofu í
Bandaríkjunum. „Ég fór út svona til að sanna
hugmyndina að baki búnaðinum, en seldi óvænt
strax búnað inn í nokkur mjög stór háskólalið og
inn í NBA lið líka,“ sagði hann. Árangurinn
verður að teljast mjög góður því erfitt getur verið
að sanna sig með nýjan hugbúnað til slíkra aðila
án þess að geta bent á dæmi um notkun hans.
„Þetta gaf okkur byr undir báða vængi og svo
heldur þetta bara áfram að vaxa og vaxa. Við erum
komnir með markaðsfyrirtæki sem er að taka þetta
að sér og það á að reyna að sprengja markaðinn.“
Aðspurður um hvort stefni í að þeir félagar verði
margmilljónamæringar á sölu búnaðarins segir
Brynar Karl: „Ég ætla bara rétt að vona það. In it
to win it, eins og kaninn segir,“ segir Brynjar og á
honum að heyra að hann trúi vart velgengni fyrir-
tækisins sjálfur.
NOTENDUR HÆSTÁNÆGÐIR
Sideline Sports búnaðinum hefur verið afar vel
tekið af notendum, og hefur Brynjar Karl eftir
þeim sem til þekkja að menn muni hreinlega ekki
eftir annarri eins notendaánægju. „Síðast í gær
fékk ég símtal frá gaur í Atlanta þar sem ég hafði
haldið fyrirlestur. Hann hafði ekki trúað því að
búnaðurinn gæti hjálpað svona til við daglega
æfingaáætlun en hringdi svo til að segja að bún-
aðurinn hafi virkað jafnvel betur en lofað hafði
verið. Þetta er bara alveg magnað,“ sagði hann.
Brynjar segist vera að draga sig út úr sölustarf-
inu með aðkomu markaðsfyrirtækisins að rekstr-
inum og ætlar að einbeita sér frekar að þróun og
kynningu. Hann hefur ferðast á milli ráðstefna
um þjálfun og fyrir atvinnuþjálfara þar sem hann
hefur verið með erindi. „Það er líka hlutur sem við
hefðum aldrei trúað. Ég stóð um daginn, íslenskur
yngriflokkaþjálfarinn, fyrir framan 150 „junior
college“ þjálfara að predika yfir þeim hvernig þeir
ættu að ná árangri með því að skipuleggja sig.
Daginn eftir tók ég svo námskeið fyrir þjálfara í
amerískum fótbolta. Þar eru nálægt því 11
þjálfarar í hverju liði og hlutirnir af allt öðrum
stærðargráðum en við þekkjum heima.“
Óli Kristján Ármannsson
V A X T A R B R O D D A R
Brynjar karl Sigurðsson var yfirþjálfari yngri
flokka í körfubolta á Akranesi.
Nafn fyrirtækis: Sideline Sports
Stofnár: 2001
Símanúmer: + 44 7971 164 408 (Evrópa) og
+ 1 877 777 1819 eða + 1 205 969 5766 (BNA)
Vefslóð: www.sidelinesports.com
Netfang: info@sidelinesports.com

SPROTAFYRIRTÆKIÐ SIDELINE SPORTS:
Árangur fram út björtustu vonum
F
í
t
o
n