Verzlunartíðindi - 01.05.1996, Qupperneq 17

ÍSLENSKA UMBOÐSSALAN KEYPTI FYRIRTÆKIÐ VÉLAR OG ÞJÓNUSTU Á SÍÐASTA ÁRI
75% veltuaukning í kjölfar
sameiningar innflutningsdeildanna
Gunnar V. Bjarnason framkvæmdastjóri Véla og þjónustu hf.
Afkoma Véla og þjónustu hf. batnaði
verulega á síðasta ári í framhaldi af
kaupum fslensku umboðssölunnar
hf. á fyrirtækinu. Velta fyrirtækisins var 700
milljónir króna, sem er 300 milljónum meira
en árið á undan. Arið 1995 markaði einnig
þau tímamót að Vélar og þjónusta urðu 20
ára, en móðurfyrirtækið, íslenska umboðs-
salan, fagnaði aldarfjórðungsafmæli.
INNFLUTNINGSDEILDIR
SAMEINAÐAR
Það var í mars 1995 sem allt hlutafé í Vélum
og þjónustu hf. var selt íslensku umboðssöl-
unni hf. og í framhaldi af því var innflut-
ningsdeild íslensku umboðssölunnar hf.
sameinuð véla- og tækjainnflutningi Véla og
þjónustu hf. Var tilgangurinn með samein-
ingunni að styrkja stöðu beggja fyrirtækjan-
na og auka þjónustuhæfni þeirra. Eftir breyt-
inguna urðu Vélar og þjónusta eitt stærsta
innflutningsfyrirtæki á sínu sviði hér á landi,
en fyrirtækið flytur inn vélar og tæki til
landbúnaðar, svo sem dráttarvélar og hey-
vinnslutæki, lyftara og flutningatæki, ásamt
flutningabílum og þungavinnuvélum. Jafn-
framt starfrækir fyrirtækið verkstæði og
varahlutaþj ónustu.
AUKIN MARKAÐSHLUTDEILD
Framkvæmdastjóri Véla og þjónustu hf. er
Gunnar V. Bjarnason og tók hann við starf-
inu um leið og eigendaskipti urðu á fyrir-
tækinu á síðasta ári. Segir hann starfsemi
ársins hafa einkennst af aukinni sölu tækja
og fjölgun umboða. Jafnframt hafi verið
lögð áhersla á bætta þjónustu, ekki síst með
breytingu á verkstæði, en nefna má að til
viðbótar verkstæðisrekstrinum hefur fyrir-
tækið tvo þjónustubíla á sínum vegum til að
liðsinna viðskiptavinum á landsbyggðinni.
Á því rúma ári sem liðið er frá eigenda-
skiptum hefur fyrirtækið verið að auka
markaðshlutdeild sína á öllum sviðum starf-
seminnar. Rúmlega helmingur sölunnar er í
vinnuvélum og lyfturum, en Vélar og þjón-
usta hf. eru stærsti innflytjandi lyftara hér á
landi.
ÁÆTLA 30-40%
VELTUAUKNINGU
“Stefna fyrirtækisins í náinni framtíð er að
bæta viðgerða- og varahlutaþjónustuna.
Fyrirtæki í okkar geira selja ekki lengi tæki
ef þessi þjónusta er ekki í lagi”, segir
Gunnar V. Bjamason.
“Við bjóðum upp á mörg vel þekkt vöru-
merki, merki sem eru leiðandi víða um
heim”, segir hann og nefnir sem dæmi Case
dráttarvélar, Hyster og Jungheinrich lyftara,
Sisu flutningstæki og Bobcat vinnuvélar.
Gunnar segir að þrátt fyrir verulega sölu-
aukningu á síðasta ári, sé talsvert verk óunn-
ið. Þannig geri áætlanir ráð fyrir 30-40%
veltuaukningu á yfirstandandi ári. “Við
erum með góð viðskiptasambönd við mörg
fyrirtæki í landinu og þjónustulega teljum
við okkur vel í stakk búin til að efla okkar
hlut,” segir Gunnar og bendir jafnframt á að
varahlutaþjónusta fyrirtækisins einskorðist
ekki við þau merki sem þar eru seld.
UM ÞRJÚ ÞÚSUND
VIÐSKIPTAMENN
“Bændur eru fjölmennasti viðskiptavinahóp-
urinn hjá okkur, en ásamt þeim byggist við-
skiptamannahópurinn á verktökum og
vinnuvélaeigendum, auk fyrirtækja í margs
konar rekstri. Á viðskiptamannaskránni eru
um 3 þúsund nöfn, þannig að þetta er stór
hópur”, segir Gunnar og bætir við að á næst-
unni verði sérstök áhersla lögð á að bæta
tengslin við viðskiptavinina.
“Eg tel að útlitið hjá okkur sé bjart. Þann-
ig finnum við fyrir talsverðri breytingu; fólk
er jákvæðara og bjartsýnna á framhaldið en
áður. Þetta á ekki síður við hjá stærri fyrir-
tækjum sem virðast meta að útlitið sé betra
nú en um langa hríð. Það ætti einnig að skila
sér inn í okkar rekstur”, segir Gunnar.
DEKK OG SPORTVÖRUR
Auk þeirra merkja sem nefnd eru að framan
í landbúnaðartækjum, vinnuvélum og lyftur-
um, eru Vélar og þjónusta með ótal fleiri
vörumerki á sínum snærum. Nýverið bættist
við vörumerkið Dunlop, en Vélar og þjón-
usta hf. flytja inn dekk frá þeim á allar
gerðir bíla og vinnuvéla. Á dekkjasviði má
einnig nefna Toyo og Watts, en þar er um að
ræða dekk fyrir lyftara og vörubíla. Vélar og
þónusta eru einnig stór innflytjandi á hillu-
kerfum, skápum og fleiru frá Link 51 í Eng-
landi.
Um áramótin síðustu tóku Vélar og þjón-
usta hf. einnig við rekstri sportbúðar ís-
lensku umboðssölunnar og eru því í dag
söluaðili fyrir Johnson utanborðsmótora,
Avon gúmbáta, Ryds plastbáta, Prijon kaja-
ka og fleira sem viðkemur vatnasporti.
Sportbúðin hefur einnig hafið innflutning og
sölu á skotfærum og tengdum vörum.
Hjá Vélum og þjónustu starfa nú 38
manns, þar af eru um 20 manns í þjónustu-
störfum, svo sem varahlutasölu og viðgerð-
um.
VERSLUNARTÍDINDI MAÍ 1996 17