Heimili og skóli - 01.06.1950, Side 15

HEIMILI OG SKÓLI
59
því sé slegið föstu, að ríki og bæir eigi
ekki að styrkja slíkar stofnanir. En
það gefst oft vel, að þegnskapur og
fórnfýsi ríði á undan og leggi horn-
steininn. Kvenfélagið Hlíf hefur
gert meira, það hefur komið upp
heimilinu, sem tekið er nú til
starfa. Þar eru nú dag hvern 50 lítil
börn, sem annars hefðu mörg verið
í göturykinu og hávaðanum, með öll-
um þeim hættum og allri þeirri ó-
hollustu, sem þéttbýlinu fylgir.
Saga þessarar byggingar er ekki
löng. Arið 1946 gaf frú Gunnhildur
Ryel félaginu nokkurt land og óskaði
eftir, að það yrði notað til að byggja
á því barnaheimili. Var þá þegar haf-
i/.t handa um undirbúning þess og
unnið að því næstu tvö ár. Vegna
óhentugrar legu, þótti þó ekki heppi-
legt að byggja barnaheimili á þessum
stað, og fengust skipti á honum og
öðru landi, því, er heimilið á nú. Er
þessu var lolcið, eða vorið ’48, var byrj-
að á grunni hússins og stóð því bygg-
ing þess ekki nema tvö ár, þrátt fyr-
ir margs konar erfiðleika með útveg-
un á efni og áhöldum.
Við vígslu dagheimilisins flutti £rú
Elinborg Jónsdóttir, formaður Hlífar,
ræðu og rakti sögu þessarar ungu
stofnunar, en frú Elinborg og sam-
starfskonur hennar hafa sýnt frábær-
an dugnað við að koma þessu heim-
ili upp. Séra Pétur Sigurgeirsson
flutti vígsluræðuna, en lúðrasveit Ak-
ureyrar lék nokkur lög, undir stjórn
Jakobs Tryggvasonar, og kirkjukór-
inn söng. Veður var fagurt og mikill
mannfjöldi sótti vígsluhátíð þessa.
H. J. 1\I.