Þingtíðindi Alþýðuflokksins - 16.11.1984, Side 20

Bjarni fór nokkrum orðum um samskipti við erlenda
bræðraflokka.
Þá kom Bjarni inn á útgáfumál flokksins. Kvað hann á-
mælisvert i hve miklu ólagi bókhald blaðsins var.
Hann vildi reyna að svara spurningunni um ástæðu 12—14
milljóna skuld blaðsins.
Þegar Bjarni og Jóhannes Guðmundsson tóku við rekstri
blaðsins var 2,5 milljón króna skuld á blaðinu.
Gagnrýndi hann fyrirkomulag á rekstri Blaðaprents og
hvernig rekstrarkostnaði þess fyrirtækis var skipt milli eign-
araðila, en Alþýðublaðið ætti fjórðung í fyrirtækinu.
Næst ræddi hann hugmyndir um sameiningu á rekstri Al-
þýðuprentsmiðju, Alprents, sem nú er rekin í tengslum við
Alþýðublaðið. Sagt var upp samstarfssamningi við Blaða-
prent. Vísir gekk út úr fyrirtækinu, en hluti af eignarhluta Al-
þýðublaðsins var seldur. Eignarhluti blaðsins í Blaðaprenti er
nú 20°7o á móti 40% hjá hvorum hinna eigendanna, Þjóðvilj-
anum og Nútímanum. Seldur var hluti Alþýðublaðsins í
Helgarpóstinum til að ná í rekstrarfé, en salan gaf ekki eins
mikið í aðra hönd og búist hafði verið við. Bjarni kvað Helg-
arpóstinn ekki vera blett á útgáfusögu Alþýðublaðsins.
Bjarni fjallaði um Alþýðubrauðgerðina og taldi hann
rekstur á eignum hennar í góðu lagi. Einnig hefur verið unnið
að endurskipulagningu á rekstri Alþýðuprentsmiðjunnar, en
neitun prentsmiðjunnar á flutningi í húsnæði Alþýðublaðs-
ins kostuðu útgáfuna nokkrar milljónir að áliti Bjarna P.
Magnússonar.
Að lokum lýsti Bjarni yfir því að hann gæfi ekki kost á sér
til endurkjörs í embætti formanns framkvæmdastjórnar
næsta kjörtímabil. Ekki kvaðst hann hættur í pólitík og
mundi hann koma „tí-efldur“ til baka er hann hefði sinnt sín-
um einkamálum í því fríi, sem hann nú tæki sér.
Bjarni reifaði hugmyndir um fjölmiðlun eins og útvarps-
rekstur, sem hann mælti með að Alþýðuflokkurinn sýndi
áhuga á næstunni.
18