Þingtíðindi Alþýðuflokksins - 16.11.1984, Side 27

Björgvin Guðmundsson gerði kröfu til Alþýðuflokksins að
hann sinnti erfiðleikum unga fólksins í húsnæðismálum.
Jóhann Möller ræddi stefnumið flokksins. Hann æskti út-
skýringa á framkvæmd stefnu í skattamálum. Jóhann gerði
að umræðuefni baráttu frumherja flokksins fyrir bindindis-
hreyfingunni og bar fram tillögu um stuðning við þá hreyf-
ingu.
Birgir Dýrfjörð var næstur á mælendaskrá og fjallaði um
óþægilegar spurningar um störf flokksins á síðustu sex árum.
Hvað væri til úrbóta og hver væri sérstaða Alþýðuflokksins
í íslenzkri pólitík. Taldi hann þörf á breyttu skipulagi í innra
starfi flokksins.
Jóhanna Sigurðardóttir talaði um stöðu flokksins og leit-
aði svara. Taldi hún flokkinn hafa skyldur við' það fólk, sem
vinnur fyrir lægstu launum og býr við lakastan fjárhag, því
væri þörf fyrir öflugan flokk jafnaðarmanna. Hvatti hún
flokksfólk til breytinga á starfsháttum, ef breytinga væri
þörf. Jóhanna kvað merkisbera flokksins vera flokksfólk allt
en ekki bara forystu flokksins, og flokksmenn yrðu að geta
tekið sigri og ósigri og berjast ótrauðir fyrir framgangi
jafnaðarstefnunnar.
Friðrik Þór Guðmundsson las upp drög að tillögu frá SUJ
um breytingu á stjórnarskránni o.fl.
Árni Gunnarsson: Hugleiðingar um hvað ætlum við að
gera, hvað varð okkur á?
Skortir okkur trúna á okkur sjálf? Félagshyggjufólk og
frjálshyggjufólk takast nú á.
Stöndum á eigin fótum og skerpum línurnar svo að ekki
fari á milli mála hver er stefna okkar, hvað við ætlum okkur.
Skuldaskilasjóður heimilanna á fullan rétt á sér.
Það verður að breyta stefnunni og hjálpa hinu unga fólki
sem í dag er að sligast undan okinu sem á það er lagt vegna
stofnunar heimilis síns.
Davíð Björnsson mælir fyrir tillögu frá SUJ um friðarmál.
Kristín H. Tryggvadóttir mælti með þingsályktunartillögu
25