Þingtíðindi Alþýðuflokksins - 16.11.1984, Qupperneq 61

stefnu núverandi ríkisstjórnar að beina niðurskurði vegna
tímabundinna efnahagsörðugleika í æ vaxandi mæli að
mennta- og skólakerfinu. Með því er verið að veitast harka-
lega að íslensku menningarþjóðfélagi sem byggir á góðri, al-
mennri menntun þegnanna og kippa grundvellinum undan
möguleikanum á framförum í atvinnulífi þjóðarinnar.
Réttur heimavinnandi fólks
42. flokksþing Alþýðuflokksins tekur heilshugar undir
áskorun þá, sem fram kom á ráðstefnu Sambands alþýðu-
flokkskvenna um rétt heimavinnandi fólks, sem haldin var
10.3.1984 varðandi eftirfarandi atriði:
— Að komið verði á einum lífeyrissjóði fyrir alla lands-
menn og heimavinnandi fólk njóti fullra lífeyrisrétt-
inda.
— Að bætur almannatrygginga miðist við rétt viðkom-
andi sem einstaklings en séu ekki háðar hjúskaparstöðu
eða tekjum maka.
— Að heimavinnandi fólk njóti sömu réttinda til sjúkra-
dagpeninga og aðrir þegnar þjóðfélagsins.
— Að aukin áherzla verði lögð á að fá heimilisstörf eðli-
lega metin til starfsaldurshækkana og launa við skyld
störf á vinnumarkaðinum.
Flokksþingið átelur harðlega það réttindaleysi sem heima-
vinnandi fólk býr við og hve störf þess eru lítils metin af sam-
félaginu. Flokksþingið vill að þekking heimavinnandi fólks
verði virt og viðurkennd og því fólki, sem æskir þess að vera
heima við uppeldis- og umönnunarstörf, verði gert það kleift.
Á meðan tekjuskattur af launatekjum hefur ekki verið af-
numinn verði tekið tillit til þess við skattlagningu þegar um
eina fyrirvinnu er að ræða, þannig að meiri jöfnun verði í
skattbyrði heimilanna.
Skorar flokksþingið á stjórnvöld að beita sér þegar í stað
fyrir þessum sjálfsögðu mannréttindum og heitir á þingmenn
flokksins að fylgja þessum málum eftir.
59