Þingtíðindi Alþýðuflokksins - 16.11.1984, Qupperneq 62

Bindindismál
42. flokksþing Alþýðuflokksins lýsir yfir fyllsta stuðningi
við bindindishreyfinguna í landinu og alla þá aðila sem vinna
að þeim málum.
Þingið skorar á þingmenn flokksins að beita sér fyrir
auknu fjármagni frá Alþingi til þeirra aðila, sem vinna gegn
misnotkun vímuefna.
Umhverfismál
42. flokksþing Alþýðuflokksins haldið dagana 16.—18.
nóvember 1984 samþykkir eftirfarandi drög að ályktun.
Lífvænlegt umhverfi er ein meginforsenda mannlífsins.
Umhverfismál eru nátengd þjóðfélagsuppbyggingunni og
snerta allt nánasta umhverfi okkar ekki síður en óbyggðir
landsins. í sameiningu myndar þetta eina órofa heild og þó
skoða megi þau vandamál sem upp kunna að koma hvert fyr-
ir sig er aldrei hægt að slíta þau úr heildarsamhenginu. Mark-
miðið hlýtur að vera eðlilegt samspil manns og náttúru.
Eitt helsta baráttumál Alþýðuflokksins — Landið þjóðar-
eign — er á margan hátt ein meginforsenda víðtækrar stefnu-
mótunar á sviði náttúru- og umhverfisverndar. íslendingar
hafa löngum talið sig búa við óspillta náttúru, en nú er svo
komið að stöðugt er gengið nær hinni viðkvæmu náttúru
landsins en æskilegt væri. Við megum ekki láta sérhags-
munahópa ráðskast með sameign okkar heldur ber okkur að
sporna við hvers kyns ofnýtingu, óþarfa röskun og mengun-
arhættu. Okkar er að vernda arf komandi kynslóða.
Flokksþingið samþykkir að beina því til stjórnvalda að þau
beiti sér fyrir eftirfarandi:
1. Að aukið fjármagn verði veitt til rannsókna á sviði um-
hverfis- og náttúruverndarmála.
2. Að aukin áherzla verði lögð á fræðslu um umhverfismál og
náttúrufræði í skólum landsins.
3. Að tekið verði tillit til umhverfissjónarmiða við skipulagn-
60